I Bruă Mtao 22:13 - Klei Aê Diê Blŭ 2015

¹³ Pô arăng tiŏ nao iêô Y-Mika lač kơ ñu, “Nĕ anei, klei phung khua pô hưn êlâo blŭ sa ai jing klei jăk kơ mtao. Brei klei ih blŭ srăng jing msĕ si klei blŭ sa čô hlăm phung diñu, leh anăn blŭ bĕ bi jăk.”

I Bruă Mtao 22:13 Iomraidhean Croise

I Bruă Mtao 22:12

Leh anăn jih jang phung khua pô hưn êlâo hưn êlâo msĕ snăn, leh anăn lač, “Đĭ nao bĕ kơ ƀuôn Ramôt-Galaat leh anăn dưi; Yêhôwa srăng jao ƀuôn anăn hlăm kngan mtao.”

I Bruă Mtao 22:14

Ƀiădah Y-Mika lač, “Tui si Yêhôwa dôk hdĭp, ya klei Yêhôwa lač kơ kâo, klei anăn kâo srăng blŭ.”

Klei Mmuñ Hđăp 10:11

Pô ƀai mĭn hlăm ai tiê ñu, “Aê Diê wơr bĭt leh, Aê Diê mdăp ƀô̆ mta, leh anăn amâo srăng dlăng ôh.”

Klei Mmuñ Hđăp 11:1

Kâo kđap hlăm Yêhôwa; si ngă ih lač kơ kâo, “Đuĕ bĕ kơ čư̆ ih msĕ si sa drei čĭm;

Klei Mmuñ Hđăp 14:1

Mnuih khŏ lač hlăm ai tiê diñu, “Amâo mâo Aê Diê ôh.” Diñu mâo knuih brŭ, diñu ngă bruă jŭ jhat; amâo mâo sa čô ôh ngă klei jăk.

Klei Mmuñ Hđăp 50:21

Klei anăn ih ngă leh, leh anăn Kâo dôk ñăt; ih mĭn Kâo jing msĕ si ih. Ƀiădah ară anei Kâo ƀuah ih, leh anăn kčŭt kơ klei soh ih ngă.

Y-Ôsê 7:3

Diñu bi mơak kơ mtao hŏng klei ƀai diñu, leh anăn kơ phung khua hŏng klei mnêč luar diñu.

Y-Mika 2:11

Tơdah sa čô mnuih luar leh anăn mplư, blŭ lač, “Kâo srăng mtô kơ diih kơ kpiê leh anăn kơ kpiê ktang,” pô anăn srăng jing khua pô hưn êlâo năng kơ phung ƀuôn sang anei!