I Bruă Mtao 21:25 - Klei Aê Diê Blŭ 2015

²⁵ Amâo tuôm mâo ôh sa čô msĕ si Y-Ahap čhĭ ñu pô čiăng ngă klei jhat ti anăp ală Yêhôwa, pô H'Jêsêbel mô̆ ñu mčhur leh.

I Bruă Mtao 21:25 Iomraidhean Croise

I Bruă Mtao 21:20

Y-Ahap lač kơ Y-Êli, “Ih ƀuh leh kâo hĕ, Ơ pô roh kâo?” Ñu lŏ wĭt lač, “Kâo ƀuh leh ih, kyuadah ih čhĭ leh ih pô čiăng ngă klei jhat ti anăp ală Yêhôwa.

Klei Bi Hriêng 22:14

Ƀăng êgei mniê knhông jing ƀăng êlam snăk, pô Yêhôwa ngêñ srăng lĕ hlăm ƀăng anăn.

Khua Pô Mtô 7:26

Kâo ƀuh leh mâo klei ênguôt ktrŏ hĭn kơ klei djiê, jing sa čô mniê mâo ai tiê mnêč leh anăn thâo mplư, leh anăn kngan ñu jing sa klei săng đai; pô bi mơak kơ Aê Diê dưi tlaih mơ̆ng ñu, ƀiădah ñu dưi mâo mă mnuih soh.

Hră Y-Pôl Mơĭt kơ Phung Rôm 6:19

Kâo blŭ msĕ si mnuih kyuadah klei thâo săng diih điêt. Msĕ si hlăk êlâo diih jao leh jơ̆ng kngan diih kơ klei čhŏ leh anăn klei soh čiăng ngă soh lu hĭn nanao, snăn yơh ară anei jao bĕ jơ̆ng kngan diih kơ klei kpă ênô čiăng mâo klei doh jăk.

Bruă Phung Khua Ƀĭng Kna 14:2

Ƀiădah phung Yuđa amâo đăo ôh mčhur phung tue brei digơ̆ ăl kơ phung ayŏng adei.

I Bruă Mtao 21:7

H'Jêsêbel mô̆ ñu lač kơ ñu, “Amâo djŏ hĕ ară anei ih kiă kriê phung Israel? Kgŭ huă ƀơ̆ng bĕ, leh anăn brei ih mâo ai tiê mơak; kâo srăng brei kơ ih đang boh kriăk ƀâo Y-Nabôt êkei ƀuôn Jesrêel.”

Bruă Phung Khua Ƀĭng Kna 6:12

Diñu mčhur phung ƀuôn sang, phung khua mduôn, leh anăn phung khua čih hră. Diñu hriê mă čăp Y-Êtiên leh anăn atăt ba gơ̆ ti anăp phung khua phat kđi.

Y-Êsai 52:3

Kyuadah snei Yêhôwa lač: “Arăng čhĭ leh diih hơăi mang, leh anăn arăng srăng bi tui diih hơăi mang msĕ mơh.”

Y-Êsai 50:1

Snei Yêhôwa lač: “Ti hră klei bi lui ung mô̆ amĭ diih, hŏng hră anăn Kâo lui ñu leh? Amâodah kơ hlei pô hlăm phung Kâo đuôm nư Kâo čhĭ diih leh? Nĕ anei, kyua klei wê ih yơh arăng čhĭ leh diih, leh anăn kyua klei diih gao klei bhiăn arăng lui leh amĭ diih.

II Bruă Mtao 23:25

Êlâo kơ ñu amâo tuôm mâo ôh sa čô mtao msĕ si ñu, pô wĭt kơ Yêhôwa hŏng jih ai tiê, hŏng jih mngăt, leh anăn hŏng jih klei ktang ñu, tui si jih klei bhiăn Y-Môis; êdei kơ ñu kăn lŏ mâo rei pô ngă msĕ si ñu.

II Bruă Mtao 17:17

Diñu čuh phung anak êkei diñu leh anăn phung anak mniê diñu jing mnơ̆ng myơr, leh anăn yua klei mdian leh anăn klei mjâo, leh anăn čhĭ diñu pô čiăng ngă klei jhat ti anăp ală Yêhôwa, mčhur Gơ̆ ngêñ.

I Bruă Mtao 19:2

H'Jêsêbel tiŏ nao sa čô pô hưn kơ Y-Êli, lač, “Msĕ snăn brei phung yang ngă kơ kâo leh anăn êbeh hĭn mơh, tơdah kâo amâo ngă kơ klei hdĭp ih msĕ si klei hdĭp sa čô hlăm phung digơ̆ anăn êlâo mông anei mgi.”

I Bruă Mtao 18:4

leh anăn tơdah H'Jêsêbel bi mdjiê phung khua pô hưn êlâo Yêhôwa, Y-Apdia mă sa êtuh čô khua pô hưn êlâo leh anăn mdăp digơ̆ hlăm dua êpul êma pluh čô hlăm sa bĭt ƀăng čư̆, leh anăn čiêm digơ̆ hŏng kpŭng leh anăn êa).

Hră Y-Pôl Mơĭt kơ Phung Rôm 7:14

Drei thâo kơ klei bhiăn jing myang; ƀiădah kâo jing kđeh, čhĭ leh jing hlŭn kơ klei soh.

Klei Bi Êdah 2:20

Ƀiădah anei klei Kâo mâo hŏng ih, ih jum sa čô mniê bi anăn H'Jêsabel. Ñu pia kơ ñu pô sa čô khua pô hưn êlâo mniê, leh anăn ñu mtô leh anăn mplư phung dĭng buăl Kâo ngă klei knhông leh anăn ƀơ̆ng čĭm arăng myơr leh kơ rup yang.

I Bruă Mtao 18:18

Gơ̆ lŏ wĭt lač, “Kâo amâo tuôm bi rŭng phung Israel ôh; ƀiădah ih leh anăn sang ama ih bi rŭng leh, kyuadah diih lui hĕ leh klei Yêhôwa mtă leh anăn tui hlue phung yang Baal.

I Bruă Mtao 22:52

Ñu ngă ya klei jing jhat ti anăp ală Yêhôwa, leh anăn êbat hlăm êlan ama ñu, leh anăn hlăm êlan amĭ ñu, leh anăn hlăm êlan Y-Jêrôbôam anak êkei Y-Nêbat, pô bi msoh phung Israel.

II Bruă Mtao 9:34

Leh anăn Y-Jêhu mŭt leh anăn ƀơ̆ng huă mnăm, leh anăn lač, “Ară anei dlăng bĕ kơ mniê arăng tăm pah leh anei leh anăn dơr hĕ gơ̆, kyuadah gơ̆ jing anak mniê mtao.”

Klei Kbiă 34:16

leh anăn đăm ih mă đơ phung anak mniê diñu kơ phung anak êkei ih, huĭdah phung anak mniê diñu ngă klei knhông hŏng phung yang diñu leh anăn atăt phung anak êkei ih ngă klei knhông hŏng phung yang digơ̆.

I Bruă Mtao 16:25

Y-Ômri ngă klei jhat ti anăp ală Yêhôwa, leh anăn ñu ngă klei jhat hĭn kơ jih jang phung êlâo kơ ñu.

I Bruă Mtao 22:53

Ñu mă bruă kơ yang Baal leh anăn kkuh mpŭ kơ yang anăn, leh anăn mčhur Yêhôwa Aê Diê Israel ăl hlăm jih jang êlan ama ñu ngă leh.

II Bruă Mtao 9:22

Tơdah Y-Jôram ƀuh Y-Jêhu ñu lač, “Ih hriê kơ klei êđăp ênang mơ̆, Ơ Y-Jêhu?” Y-Jêhu lŏ wĭt lač, “Si dưi mâo klei êđăp ênang êjai amĭ ih H'Jêsêbel ngă lu klei knhông leh anăn klei mjâo?”

Y-Nêhêmi 13:26

Amâo djŏ hĕ Y-Salômôn mtao Israel ngă soh leh kyua phung mniê msĕ snei? Ti krah phung găp djuê mnuih amâo mâo mtao msĕ si ñu ôh, leh anăn ñu jing pô Aê Diê khăp, leh anăn Aê Diê brei ñu jing mtao kơ jih jang phung Israel. Ƀiădah phung mniê tue mtrŭt wăt ñu ngă soh.