I Bruă Mtao 21:13 - Klei Aê Diê Blŭ 2015

¹³ Phung dua čô êkei ƀai hriê dôk gŭ ti anăp ñu; leh anăn phung êkei ƀai anăn kčŭt mčeh kơ Y-Nabôt ti anăp phung ƀuôn sang, lač, “Y-Nabôt tăm pah leh kơ Aê Diê leh anăn kơ mtao.” Snăn diñu mă gơ̆ kơ tač ƀuôn leh anăn bhĭr boh tâo bi mdjiê gơ̆.

I Bruă Mtao 21:13 Iomraidhean Croise

I Bruă Mtao 21:14

Leh anăn diñu tiŏ arăng nao lač kơ H'Jêsêbel, “Arăng bhĭr leh Y-Nabôt hŏng boh tâo, leh anăn gơ̆ djiê leh.”

II Bruă Mtao 6:32

Y-Êlisê dôk hlăm sang ñu pô, leh anăn phung khua mduôn dôk gŭ mbĭt hŏng ñu. Mtao tiŏ nao leh sa čô mnuih mơ̆ng anăp ñu. Ƀiădah êlâo mnuih anăn truh, Y-Êlisê lač kơ phung khua mduôn, “Diih ƀuh mơ̆ pô bi mdjiê mnuih anăn tiŏ hriê sa čô mnuih čiăng khăt kkuê kâo? Dlăng bĕ, tơdah pô arăng tiŏ hriê anăn truh, kđăl hĕ ƀăng bhă leh anăn djă kơ̆ng kjăp ƀăng bhă, đăm brei ñu mŭt ôh. Amâo djŏ hĕ ênai jơ̆ng khua ñu ti tluôn ñu?”

II Bruă Mtao 9:26

‘Msĕ si Kâo ƀuh leh sĭt nik hruê mbruê êrah Y-Nabôt leh anăn êrah phung anak êkei ñu — Yêhôwa lač — Kâo srăng rŭ ênua kơ ih ti anôk lăn anei.’ Snăn ară anei mă hwiê hĕ gơ̆ ti sa bĭt anôk lăn anei, tui si klei Yêhôwa blŭ.”

II Klei Yăl Dliê 24:21

Ƀiădah diñu trông čhai ngă kơ gơ̆, leh anăn tui si klei mtao mtă, diñu bhĭr gơ̆ hŏng boh tâo hlăm wăl sang Yêhôwa.

Y-Yôp 1:11

Ƀiădah ară anei hin yơr bĕ kngan Ih leh anăn ngă hĕ kơ jih jang mnơ̆ng ñu mâo, hlăk anăn yơh ñu srăng tăm pah kơ Ih, ti anăp ƀô̆ mta Ih.”

Y-Yôp 1:5

Tơdah hruê huă mnăm ruê̆ leh, Y-Yôp bhiăn iêô leh anăn bi doh hĕ phung diñu, leh anăn gơ̆ bhiăn kgŭ ưm aguah leh anăn myơr mnơ̆ng myơr čuh tui si grăp čô diñu; kyuadah Y-Yôp lač, “Năng ai phung anak êkei kâo ngă soh leh, leh anăn tăm pah kơ Aê Diê hlăm ai tiê diñu.” Msĕ snăn Y-Yôp khăng ngă nanao.

Y-Yôp 2:9

Hlăk anăn mô̆ ñu lač kơ ñu, “Si ngă ih ăt dôk sĭt suôr hĕ? Tăm pah bĕ kơ Aê Diê leh anăn djiê.”

Y-Yôp 31:39

tơdah kâo ƀơ̆ng leh boh ñu amâo mâo tla ênoh ôh, leh anăn brei klei djiê truh kơ pô gơ̆;

Klei Mmuñ Hđăp 27:12

Đăm jao kâo kơ klei phung roh kâo čiăng ôh; kyuadah phung mčeh kgŭ kčŭt kơ kâo, leh anăn diñu arưp aram srăng ngă kơ kâo.

Klei Mmuñ Hđăp 35:11

Phung hưn klei mčeh kgŭ dơ̆ng; diñu kčŭt klei kâo amâo thâo ôh.

Klei Kbiă 20:16

Đăm mčeh luar kơ pô riêng gah ih ôh.

Klei Bi Hriêng 19:28

Pô hưn soh mưč kơ klei kpă, leh anăn mnuih ƀai bi lar klei wê.

Klei Bi Hriêng 19:5

Pô hưn soh hlăm sang phat kđi amâo srăng tlaih ôh kơ klei bi kmhal, leh anăn hlei pô blŭ luar kăn srăng tlaih ôh.

Klei Bi Hriêng 19:9

Pô hưn luar amâo srăng tlaih ôh mơ̆ng klei bi kmhal, leh anăn hlei pô blŭ luar srăng rai tuč.

Klei Bi Hriêng 25:18

Mnuih blŭ mčeh kơ pô riêng gah ñu jing msĕ si kmŭt, đao gưm, amâodah ƀrăm knur.

Klei Bi Hriêng 6:19

pô hưn klei mčeh, leh anăn pô duah klei bi mneh msao hdơ̆ng ayŏng adei.

Khua Pô Mtô 10:20

Wăt hlăm klei mĭn ih, đăm tăm pah mtao ôh, kăn tăm pah rei kơ mnuih mdrŏng hlăm adŭ ih pĭt, kyuadah sa drei čĭm hlăm êwa srăng djă ba asăp ih, amâodah sa drei mnơ̆ng mâo siap srăng hưn klei anăn.

Khua Pô Mtô 4:1

Lŏ sa blư̆ kâo ƀuh jih jang klei ktư̆ juă arăng ngă ti gŭ yang hruê. Kâo ƀuh êa ală phung arăng ktư̆ juă, leh anăn amâo mâo pô bi juh digơ̆ ôh! Phung ktư̆ juă digơ̆ mâo klei dưi, leh anăn amâo mâo pô bi juh digơ̆ ôh.

Y-Êsai 8:21

Diñu srăng găn hiu hlăm čar, rŭng răng snăk leh anăn êpa. Tơdah diñu êpa, diñu srăng ngêñ leh anăn angưi dlăng kơ dlông leh anăn tăm pah kơ mtao diñu leh anăn kơ Aê Diê diñu.

Y-Amôs 7:10

Hlăk anăn Y-Amasia khua ngă yang ƀuôn Bêthel tiŏ nao arăng hưn kơ Y-Jêrôbôam mtao Israel, lač, “Y-Amôs arưp aram čiăng ngă kơ ih ti krah sang Israel; čar amâo dưi tŭ ôh jih jang klei ñu blŭ.

Y-Malaki 3:5

“Hlăk anăn Kâo srăng hriê giăm diih kơ klei phat kđi; Kâo srăng jing sa čô pô ruăt hưn bi kdơ̆ng hŏng phung mjâo, hŏng phung tlĕ piu, hŏng phung kat asei luar, hŏng phung mkhư̆ klei mưn kơ phung mă bruă, phung ktư̆ juă mniê djiê ung leh anăn anak êrĭt, hŏng phung bi wơr dliê phung tue, ƀiădah amâo huĭ mpŭ kơ Kâo ôh,” Yêhôwa lač.

Y-Mathiơ 9:3

Nĕ anei, mâo đa đa phung khua čih hră mĭn hlăm ai tiê diñu, “Mnuih anei blŭ mgao hŏng Aê Diê.”

Y-Luk 23:2

Diñu dơ̆ng kčŭt kơ Yêsu, lač, “Hmei ƀuh êkei anei mtrŭt găp djuê hmei kơ klei bi kdơ̆ng, leh anăn ghă hmei tuh jia kơ Sêsar, leh anăn lač kơ ñu pô jing Yang Krist, sa čô Mtao.”

Y-Yôhan 19:12

Leh hmư̆ klei anăn Aê Pilat duah klei čiăng phưi Yêsu, ƀiădah phung Yuđa ur kraih, “Tơdah ih phưi mnuih anei, ih amâo jing mah jiăng hŏng Sêsar ôh. Grăp čô hlei pô mjing ñu pô mtao bi kdơ̆ng hŏng Sêsar yơh.”

Bruă Phung Khua Ƀĭng Kna 24:5

Kyuadah hmei ƀuh êkei anei jing klei ruă tưp, sa čô bi rŭng jih jang phung Yuđa tar ƀar lăn ala, sa čô khua kơ phung Nasaret.

Bruă Phung Khua Ƀĭng Kna 6:11

Hŏng klei hgăm diñu mtrŭt mnuih brei lač snei, “Hmei hmư̆ leh pô anei blŭ mgao hŏng Y-Môis leh anăn hŏng Aê Diê.”

Klei Mtô Mñă Klei Bhiăn 13:10

Brei ih bhĭr boh tâo bi mdjiê ñu, kyuadah ñu duah klei bi weh ih mơ̆ng Yêhôwa Aê Diê ih, Pô atăt ih kbiă leh mơ̆ng čar Êjip mơ̆ng sang klei jing hlŭn.

Klei Mtô Mñă Klei Bhiăn 21:21

Snăn jih jang phung êkei hlăm ƀuôn srăng bhĭr bi mdjiê ñu hŏng boh tâo. Msĕ snăn diih srăng bi doh klei jhat mơ̆ng krah diih; leh anăn jih jang phung Israel srăng hmư̆ leh anăn huĭ.”

Klei Mtô Mñă Klei Bhiăn 22:21

snăn diñu srăng atăt ba mniê hlăk ai anăn kbiă ti ƀăng bhă sang ama ñu, leh anăn phung êkei ƀuôn ñu srăng bhĭr bi mdjiê ñu hŏng boh tâo, kyuadah ñu ngă klei soh jhat hlăm čar Israel hŏng klei ngă klei knhông hlăm sang ama ñu. Msĕ snăn diih srăng bi doh klei jhat mơ̆ng krah diih.

Klei Mtô Mñă Klei Bhiăn 22:24

snăn diih srăng atăt jih diñu dua kơ ƀăng jang ƀuôn anăn, leh anăn diih srăng bhĭr bi mdjiê diñu hŏng boh tâo, mniê êra anăn kyuadah ñu amâo ur ôh kyuadah ñu dôk hlăm ƀuôn, leh anăn êkei anăn kyuadah ñu gô̆ mô̆ riêng gah ñu. Msĕ snăn brei diih bi doh klei jhat mơ̆ng krah diih.

Klei Mtô Mñă Klei Bhiăn 5:20

Đăm ih mčeh luar kơ pô riêng gah ih ôh.

Hêbrơ 11:37

Arăng bhĭr boh tâo bi mdjiê diñu, arăng uă diñu hŏng anuă, arăng bi mdjiê diñu hŏng đao gưm; diñu hiu hơô klĭt biăp leh anăn klĭt bê, ƀun ƀin, arăng bi knap, arăng ngă jhat kơ diñu —