I Bruă Mtao 20:7 - Klei Aê Diê Blŭ 2015

⁷ Snăn mtao Israel iêô jih jang phung khua mduôn hlăm čar leh anăn lač, “Ksiêm bĕ ară anei leh anăn dlăng si êkei anei duah ngă klei bi rŭng; kyuadah ñu tiŏ hriê arăng kơ kâo čiăng mă phung mô̆ leh anăn phung anak kâo, prăk leh anăn mah kâo, leh anăn kâo amâo hngah kơ ñu ôh.”

I Bruă Mtao 20:7 Iomraidhean Croise

I Bruă Mtao 20:6

ƀiădah mgi hlăm brô mông anei kâo srăng tiŏ nao phung dĭng buăl kâo kơ ih. Diñu srăng duah hlăm sang ih leh anăn sang phung dĭng buăl ih, leh anăn mă ya mnơ̆ng diñu čiăng leh anăn mă ba dŏ anăn.’ ”

I Bruă Mtao 20:8

Jih jang phung khua mduôn leh anăn phung ƀuôn sang lač kơ ñu, “Đăm dôk hmư̆ amâodah tŭ klei ñu ôh.”

I Bruă Mtao 21:8

Snăn ñu čih hră hŏng anăn Y-Ahap leh anăn kđăm hră anăn hŏng mnơ̆ng gơ̆ kđăm, leh anăn ñu mơĭt hră anăn kơ phung khua mduôn leh anăn kơ phung arăng mpŭ, phung dôk mbĭt hlăm ƀuôn Y-Nabôt.

I Bruă Mtao 8:1

Leh anăn Y-Salômôn bi kƀĭn phung khua mduôn Israel leh anăn jih jang phung khua phung găp djuê, phung khua kơ sang ama phung ƀuôn sang Israel ti anăp Mtao Salômôn hlăm ƀuôn Yêrusalem, čiăng kkung hip klei bi mguôp Yêhôwa mơ̆ng ƀuôn Y-Đawit, jing ƀuôn Siôn.

II Bruă Mtao 5:7

Tơdah leh mtao Israel dlăng hră anăn, ñu hiêk čhiăm ao ñu leh anăn lač, “Kâo jing Aê Diê mơ̆, dưi bi mdjiê leh anăn bi hdĭp, tơl êkei anei mơĭt asăp blŭ brei kâo bi hlao sa čô mnuih djŏ phŭng? Knŏng ksiêm leh anăn dlăng ñu duah klei čiăng bi roh hŏng kâo.”

I Klei Yăl Dliê 13:1

Y-Đawit trông čhai mbĭt hŏng phung khua kơ sa êbâo čô leh anăn khua kơ sa êtuh čô, grăp čô khua gai gĭt.

I Klei Yăl Dliê 28:1

Y-Đawit bi kƀĭn ti ƀuôn Yêrusalem jih jang phung khua prŏng phung Israel, phung khua krĭng, khua êpul mă bruă kơ mtao, phung khua kơ sa êbâo čô, phung khua kơ sa êtuh čô, phung khua kiă ngăn dŏ leh anăn êmô mtao leh anăn phung anak êkei ñu, mbĭt hŏng phung khua kiă kriê sang mtao, phung kahan jhŏng ktang, leh anăn jih jang phung thâo bi blah.

Y-Yôp 15:35

Diñu mtian klei jhat leh anăn kkiêng klei ƀai, leh anăn ai tiê diñu mkra klei mplư.”

Klei Mmuñ Hđăp 140:2

Hlăm ai tiê diñu trông čhai klei čiăng ngă jhat, diñu mtrŭt kơ klei bi blah nanao.

Klei Mmuñ Hđăp 36:4

Êjai ñu đih ti jhưng pĭt, ñu duah êlan ngă klei wê; klei ñu ngă amâo jăk ôh, ñu amâo hngah kơ klei soh ôh.

Klei Mmuñ Hđăp 62:3

Dŭm boh sui diih srăng ngă kơ sa čô mnuih, Ơ jih jang diih, čiăng dưi hŏng gơ̆, msĕ si mtih dơ̆ng êbuh leh, msĕ si mnư̆ arăng dơ̆ng klư̆ leh?

Klei Mmuñ Hđăp 7:14

Nĕ anei, mnuih ƀai kkiêng klei jhat; ñu ƀă klei wê, leh anăn kkiêng klei luar.

Klei Bi Hriêng 11:14

Tơdah amâo mâo klei atăt gai ôh phung ƀuôn sang srăng lĕ, ƀiădah mâo klei hơĭt tơdah mâo lu mnuih đru kčĕ.

Klei Bi Hriêng 11:27

Hlei pô tui duah klei jăk mâo klei pap, ƀiădah hlei pô tui duah klei jhat srăng mâo klei jhat.

Klei Bi Hriêng 24:2

kyuadah ai tiê diñu trông čhai ngă klei ƀai, leh anăn êlah diñu blŭ klei rŭng răng.

Klei Bi Hriêng 6:14

Ai tiê wê ñu trông čhai kơ klei jhat, duah klei bi mneh msao nanao.

Y-Đaniel 11:27

Bi kơ dua čô mtao anăn, diñu srăng mĭn ngă klei mplư; leh anăn diñu srăng blŭ klei luar ti sa boh jhưng huă, ƀiădah klei anăn amâo srăng dưi ôh; kyuadah ka truh ôh ênuk knhal tuč bi kčah leh.