I Bruă Mtao 20:4 - Klei Aê Diê Blŭ 2015

⁴ Mtao Israel lŏ wĭt lač, “Tui si ih lač, Ơ khua kâo mtao, kâo jing dŏ ih leh anăn jih jang mnơ̆ng kâo mâo.”

I Bruă Mtao 20:4 Iomraidhean Croise

I Bruă Mtao 2:38

Y-Simei lač kơ mtao, “Klei ih lač jing jăk; tui si klei khua kâo mtao lač leh, msĕ snăn yơh dĭng buăl ih srăng ngă.” Snăn Y-Simei dôk hlăm ƀuôn Yêrusalem lu hruê.

I Bruă Mtao 20:3

‘Prăk leh anăn mah ih jing dŏ kâo; phung mô̆ leh anăn phung anak ih siam hĭn jing dŏ kâo mơh.’ ”

I Bruă Mtao 20:5

Phung hưn lŏ truh leh anăn lač, “Snei Y-Ben-Hadat lač: ‘Kâo tiŏ nao mnuih kơ ih leh anăn lač, “Jao bĕ kơ kâo prăk leh anăn mah ih, phung mô̆ leh anăn phung anak ih,”

II Bruă Mtao 10:5

Snăn khua kiă kriê sang mtao mbĭt hŏng khua ƀuôn, phung khua mduôn, leh anăn phung kiă kriê phung anak êkei mtao mơĭt asăp kơ Y-Jêhu, lač, “Hmei jing phung dĭng buăl ih, leh anăn hmei srăng ngă jih klei ih mtă kơ hmei. Hmei amâo srăng mjing sa čô mtao ôh. Ngă bĕ tui si klei ih mĭn jăk.”

Bruă Lêwi 26:36

Bi kơ phung diih adôk, Kâo srăng mơĭt klei jing awăt hlăm ai tiê diñu êjai diñu dôk hlăm čar phung roh diñu; ênai sa pŏk hla kyâo angĭn kpuh srăng brei diñu đuĕ, diñu srăng đuĕ msĕ si arăng đuĕ ti anăp đao gưm, leh anăn diñu srăng êbuh wăt tơdah amâo mâo pô tiŏ diñu ôh.

Klei Mtô Mñă Klei Bhiăn 28:48

Kyuanăn diih srăng mă bruă kơ phung roh Yêhôwa srăng mơĭt ngă kơ diih, êjai diih mâo klei êpa, klei mhao, klei lưng mlŭn, leh anăn klei kƀah jih jang mnơ̆ng. Ñu srăng dưm knông msei ti kkuê diih tơl Ñu bi rai hĕ diih.

I Y-Samuel 11:10

Kyuanăn phung êkei ti ƀuôn Jabês lač kơ phung Amôn, “Mgi hmei srăng mŭt diih, leh anăn diih dưi ngă kơ hmei tui si diih mĭn jăk.”