I Bruă Mtao 20:11 - Klei Aê Diê Blŭ 2015

¹¹ Leh anăn mtao Israel lŏ wĭt lač, “Hưn kơ ñu, ‘Đăm brei pô hơô ao msei bi mni kơ ñu pô ôh msĕ si pô toh hĕ ao anăn.’ ”

I Bruă Mtao 20:11 Iomraidhean Croise

II Bruă Mtao 3:21

Tơdah jih jang phung Môap hmư̆ kơ phung mtao anăn đĭ hriê leh čiăng bi blah hŏng diñu, arăng iêô jih jang phung hlăk ai wăt phung mduôn, phung dưi hơô ao msei, leh anăn diñu hriê ti knông bi blah.

Y-Yôp 41:8

Tơdah ih yơr kngan čiăng ngă kơ ñu, ih srăng hdơr kơ klei bi blah anăn, leh anăn ih amâo srăng lŏ ngă ôh!

Klei Bi Hriêng 27:1

Đăm bi mni kơ hruê mgi ôh, kyuadah ih amâo thâo ôh ya srăng truh grăp hruê.

Khua Pô Mtô 9:11

Kâo lŏ ƀuh lu klei truh mkăn ti gŭ yang hruê: klei êran pral amâo dưi hlăm klei bi lông ôh, kăn klei ktang dưi hlăm klei bi blah rei, kăn mnơ̆ng ƀơ̆ng huă pioh knŏng kơ phung thâo mĭn rei, kăn klei mdrŏng pioh kơ pô thâo săng rei, kăn klei dưi pioh kơ pô mbruă rei; ƀiădah hruê găl leh anăn klei myun truh kơ jih jang diñu.

Y-Yêrêmi 46:17

Tinăn diñu srăng lač, ‘Pharaôn mtao čar Êjip jing knŏng ênai prŏng, ñu luč leh klei myun ñu.’

Y-Yêrêmi 9:23

Snei Yêhôwa lač: “Đăm brei mnuih thâo mĭn bi mni kơ klei thâo mĭn ñu pô ôh, đăm brei mnuih ktang bi mni kơ klei ktang ñu pô ôh, đăm brei mnuih mdrŏng bi mni kơ klei mdrŏng ñu pô ôh;

Y-Mathiơ 26:75

Y-Pêtrôs hdơr klei Yêsu lač leh, “Êlâo kơ mnŭ knô kdjô̆, ih srăng hngah kơ Kâo tlâo blư̆.” Leh anăn ñu kbiă hia ênguôt snăk.

I Y-Samuel 14:6

Y-Jônathan lač kơ êkei hlăk ai djă mnơ̆ng ñu bi blah, “Bơ drei nao kơ kđông phung amâo khăt klĭt anei. Năng ai Yêhôwa srăng ngă brei kơ drei, kyuadah amâo mâo sa mnơ̆ng kơ̆ng Yêhôwa bi mtlaih ôh thâodah drei lu thâodah ƀiă.”