I Bruă Mtao 20:1 - Klei Aê Diê Blŭ 2015

¹ Y-Ben-Hadat mtao čar Siri bi kƀĭn jih jang phung kahan ñu mbĭt; mâo mbĭt hŏng ñu tlâo pluh dua čô mtao, lu drei aseh leh anăn êdeh aseh. Ñu đĭ nao leh anăn wang ƀuôn Samari leh anăn bi blah hŏng gơ̆.

I Bruă Mtao 20:1 Iomraidhean Croise

I Bruă Mtao 15:18

Hlăk anăn Y-Asa mă jih jang prăk leh anăn jih jang mah ăt dôk hlăm ngăn drăp sang Yêhôwa leh anăn ngăn drăp sang mtao, leh anăn jao jih dŏ anăn hlăm kngan phung dĭng buăl ñu. Mtao Asa tiŏ nao digơ̆ kơ Y-Ben-Hadat anak êkei Y-Tabrimôn, čô Y-Hêsiôn, Mtao Siri dôk ti ƀuôn Damas, leh anăn lač,

I Bruă Mtao 15:20

Y-Ben-Hadat dôk hmư̆ Mtao Asa, leh anăn tiŏ nao phung khua kahan ñu bi blah hŏng ƀuôn phung Israel, leh anăn dưi hŏng ƀuôn Ijôn, ƀuôn Dan, ƀuôn Aƀel-Bet-Maka, jih kluôm čar Čhinêrôt, leh anăn jih kluôm čar Naptali.

I Bruă Mtao 16:24

Ñu blei kbuôn Samari mơ̆ng Y-Sêmer hŏng dua talăng prăk; ñu mjing kbuôn anăn kđông kjăp, leh anăn bi anăn ƀuôn ñu mdơ̆ng anăn Samari, tui si anăn Y-Sêmer pô kbuôn anăn.

I Bruă Mtao 20:16

Diñu kbiă nao ti yang hruê dơ̆ng êjai Y-Ben-Hadat dôk mnăm tơl kpiê ruă hlăm sang trưng, ñu leh anăn phung tlâo pluh dua čô mtao, phung đru ñu.

I Bruă Mtao 20:2

Ñu tiŏ nao phung hưn kơ Y-Ahap mtao Israel hlăm ƀuôn, leh anăn lač kơ ñu, “Snei Y-Ben-Hadat lač:

I Bruă Mtao 20:24

Leh anăn ngă snei: Bi mlih bĕ phung mtao grăp čô mơ̆ng anôk digơ̆, leh anăn dưm phung khua kahan ti anôk diñu,

I Bruă Mtao 22:31

Mtao Siri mtă leh kơ phung tlâo pluh dua čô khua kahan êdeh aseh ñu, “Đăm diih bi blah hŏng phung điêt ôh, kăn hŏng phung prŏng rei, ƀiădah knŏng hŏng mtao Israel.”

II Bruă Mtao 6:8

Tơdah mtao Siri bi blah hŏng phung Israel, ñu trông čhai mbĭt hŏng phung dĭng buăl ñu, lač, “Anôk kđông kâo srăng jing tinei tinăn.”

II Bruă Mtao 8:5

Êjai ñu dôk yăl dliê kơ mtao si Y-Êlisê bi hdĭp sa čô djiê leh, nĕ anei mniê mâo anak êkei Y-Êlisê lŏ bi hdĭp leh kwưh kơ mtao kyua sang leh anăn lăn gơ̆. Y-Gêhasi lač, “Ơ khua kâo mtao, nĕ anei mniê leh anăn anak êkei gơ̆, pô Y-Êlisê lŏ bi hdĭp leh.”

Y-Êsra 7:12

“Y-Artasersês, mtao kơ phung mtao, čih mơĭt kơ Y-Êsra khua ngă yang, khua čih hră klei bhiăn Aê Diê hlăm adiê. Ară anei,

Klei Kbiă 14:7

Ñu mă năm êtuh boh êdeh aseh jăk hĭn, leh anăn jih jang êdeh aseh čar Êjip mkăn, wăt khua kahan kiă jih diñu.

Y-Êsai 10:8

Kyuadah ñu lač, “Amâo djŏ hĕ jih jang khua kahan kâo jing phung mtao?

Y-Êsai 37:24

Hŏng phung dĭng buăl ih mơĭt pioh mưč kơ Khua Yang, leh anăn ih lač leh, “Hŏng êdeh aseh kâo lu hĭn, kâo đĭ leh ti dlông čŏng čư̆ ti anôk kbưi hĭn hlăm čar Liƀan; kâo druôm leh kyâo sêdar ñu dlông hĭn, kyâo hngô ñu siam hĭn; leh anăn kâo truh leh ti čŏng ñu dlông hĭn, ti kmrơ̆ng ñu kpal hĭn.

Y-Yêrêmi 49:27

“Leh anăn Kâo srăng kuč pui hlăm mnư̆ ƀuôn Damas, leh anăn pui anăn srăng ƀơ̆ng kđông kjăp mtao Y-Ben-Hadat.”

Y-Êsêkiêl 26:7

Kyuadah snei Yêhôwa Aê Diê lač: ‘Nĕ anei Kâo srăng atăt ba kơ ƀuôn Tir mơ̆ng dưr Y-Nebukatnetsar mtao Ƀaƀilôn, mtao kơ phung mtao, mbĭt hŏng aseh leh anăn êdeh aseh, phung kahan đĭ aseh leh anăn phung kahan lu.

Y-Đaniel 2:37

Ơ mtao, ih jing mtao kơ phung mtao, pô Aê Diê hlăm adiê brei leh ƀuôn ala mtao, klei dưi, klei ktang, leh anăn klei guh kơang.

Bruă Lêwi 26:25

Kâo srăng brei đao gưm ngă kơ diih, ñu srăng rŭ ênua kyua klei bi mguôp; leh anăn tơdah diih bi kƀĭn hlăm ƀuôn prŏng diih, Kâo srăng mơĭt klei ruă mdjiê ti krah diih, leh anăn Kâo srăng jao diih hlăm kngan phung roh.

Y-Amôs 1:4

Snăn Kâo srăng mơĭt pui ti sang Y-Hasael, leh anăn pui anăn srăng ƀơ̆ng kđông kjăp Y-Ben-Hadat.

Klei Mtô Mñă Klei Bhiăn 20:1

“Tơdah diih nao kơ klei bi blah hŏng phung roh diih, tơdah diih ƀuh aseh, êdeh aseh, leh anăn sa phung kahan lu hĭn kơ diih dê, đăm huĭ kơ diñu ôh, kyuadah Yêhôwa Aê Diê diih, Pô atăt diih kbiă leh mơ̆ng čar Êjip, dôk mbĭt hŏng diih.

Klei Mtô Mñă Klei Bhiăn 28:52

Ñu srăng wang diih hlăm jih jang ƀuôn diih, tơl mnư̆ dlông leh anăn kjăp diih knang klưh tar ƀar čar diih; leh anăn ñu srăng wang diih hlăm jih jang ƀuôn diih tar ƀar čar Yêhôwa Aê Diê diih brei leh kơ diih.

Phung Khua Phat Kđi 1:7

Y-Adôni-Bêsek lač, “Kjuh pluh čô mtao kâo khăt leh kđiêng ana kngan leh anăn kđiêng ana jơ̆ng duñ djah mnơ̆ng ƀơ̆ng huă ti gŭ jhưng huă kâo. Msĕ si klei kâo ngă leh, snăn mơh Aê Diê lŏ bi wĭt kơ kâo.” Arăng ba ñu ti ƀuôn Yêrusalem, leh anăn ñu djiê ti anăn.

Phung Khua Phat Kđi 4:3

Hlăk anăn, phung ƀuôn sang Israel ur akâo kơ Yêhôwa đru; kyuadah Y-Jabin mâo leh dua păn êtuh boh êdeh aseh msei, leh anăn ñu ktư̆ juă phung Israel hŏng klei ƀai, êjai dua pluh thŭn.

I Y-Samuel 13:5

Phung Philistin bi kƀĭn čiăng bi blah hŏng phung Israel, mâo tlâo pluh êbâo êdeh aseh leh anăn năm êbâo kahan đĭ aseh, leh anăn phung kahan lu msĕ si čuah ti hang êa ksĭ. Diñu đĭ hriê ngă kđông ti ƀuôn Mikmas, phă ngŏ ƀuôn Bet-Awen.