I Bruă Mtao 2:7 - Klei Aê Diê Blŭ 2015

⁷ Ƀiădah ngă kơ phung anak êkei Y-Barsilai êkei Galaat hŏng klei jăk, leh anăn brei diñu jing hlăm phung ƀơ̆ng huă ti jhưng huă ih; kyuadah diñu ngă leh hŏng klei jăk msĕ snăn kơ kâo tơdah kâo đuĕ mơ̆ng Y-Apsalôm ayŏng ih.

I Bruă Mtao 2:7 Iomraidhean Croise

Klei Mphŭn Dơ̆ng 40:14

Ƀiădah brei ih hdơr kơ kâo tơdah ih srăng mâo klei jăk, leh anăn bi êdah klei jăk kơ kâo. Kâo akâo kơ ih, blŭ brei kơ kâo kơ Pharaôn leh anăn bi kbiă kâo mơ̆ng sang anei.

II Y-Samuel 19:28

Kyuadah jih jang sang ama kâo jing leh knŏng phung mnuih pioh kơ klei djiê ti anăp khua kâo mtao; ƀiădah ih mdưm dĭng buăl ih mbĭt hŏng phung huă ƀơ̆ng ti jhưng huă ih. Snăn ya klei dưi mkăn kâo lŏ mâo čiăng akâo kơ mtao?”

II Y-Samuel 9:10

Ih, phung anak êkei ih, leh anăn phung dĭng buăl ih srăng mă bruă hma gơ̆, leh anăn srăng mă ba boh, čiăng kơ anak čô khua ih dưi mâo mnơ̆ng ƀơ̆ng huă. Ƀiădah Y-Mêphibôset anak čô khua ih srăng huă ƀơ̆ng nanao ti jhưng huă kâo.” Y-Siba mâo pluh êma čô anak êkei leh anăn dua pluh čô dĭng buăl.

II Y-Samuel 9:7

Y-Đawit lač kơ ñu, “Đăm huĭ ôh; kyuadah kâo srăng bi êdah kơ ih klei jăk kyua ama ih Y-Jônathan, leh anăn kâo srăng lŏ bi wĭt kơ ih jih lăn Y-Sôl aê ih. Leh anăn ih srăng huă ƀơ̆ng ti jhưng huă kâo nanao.”

II Bruă Mtao 25:29

Snăn Y-Jêhôyakin toh hĕ čhiăm ao ñu jing mnă. Leh anăn grăp hruê ñu huă ƀơ̆ng ti jhưng huă mtao jih ênuk ñu dôk hdĭp.

II Bruă Mtao 25:30

Leh anăn grăp hruê mtao thiê brei nanao sa kdrêč mnơ̆ng ñu ƀơ̆ng huă êjai jih ênuk ñu dôk hdĭp.

Y-Êsra 2:61

Msĕ mơh hlăm phung anak čô phung khua ngă yang: phung anak čô Y-Habaya, Y-Hakôs, leh anăn Y-Barsilai (pô mă leh mô̆ mơ̆ng phung anak mniê Y-Barsilai êkei čar Galaat, leh anăn arăng iêô kơ diñu tui si anăn diñu).

Klei Bi Hriêng 27:10

Đăm lui ôh mah jiăng ih leh anăn mah jiăng ama ih, leh anăn đăm nao ôh kơ sang ayŏng adei ih êjai ih mâo klei rŭng răng. Sa čô riêng gah dôk giăm jing jăk hĭn kơ ayŏng adei dôk kbưi.

Y-Yêrêmi 52:33

Snăn Y-Jêhôyakin toh hĕ čhiăm ao ñu jing mnă.

Y-Luk 12:37

Jăk mơak yơh phung dĭng buăl anăn tơdah khua digơ̆ truh leh anăn ƀuh digơ̆ dôk răng. Sĭt nik Kâo lač kơ diih, ñu srăng hyuă hdrăng kơiêng ñu, brei digơ̆ dôk gŭ leh anăn ba mnơ̆ng ƀơ̆ng huă kơ digơ̆.