I Bruă Mtao 2:6 - Klei Aê Diê Blŭ 2015

⁶ Snăn ngă tui si klei ih thâo mĭn, ƀiădah đăm brei ƀŭk kô̆ ñu trŭn kơ Ƀuôn Phung Djiê hŏng klei êđăp ênang ôh.

I Bruă Mtao 2:6 Iomraidhean Croise

Klei Mphŭn Dơ̆ng 42:38

Ƀiădah Y-Yakôp lač, “Anak êkei kâo amâo srăng trŭn nao mbĭt hŏng diih ôh, kyuadah ayŏng ñu djiê leh, leh anăn hjăn ñu anei adôk. Tơdah truh klei jhat kơ ñu ktuê êlan diih nao, klei anăn srăng bi mdjiê kâo kyua mduôn leh, brei kâo trŭn nao kơ ƀuôn phung djiê hŏng klei ênguôt.”

Klei Mphŭn Dơ̆ng 9:5

Tơdah arăng bi mdjiê diih, sĭt nik Kâo srăng rŭ ênua; Kâo srăng rŭ ênua kơ grăp hlô mnơ̆ng leh anăn mnuih. Kâo srăng rŭ ênua kơ mnuih bi mdjiê găp ñu.

Klei Mphŭn Dơ̆ng 9:6

Hlei pô tuh êrah mnuih, mnuih mơh srăng tuh êrah pô anăn; kyuadah Aê Diê mjing mnuih tui si rup Ñu pô.

II Y-Samuel 3:39

Leh anăn hruê anei kâo jing awăt, wăt tơdah jing mtao arăng trôč êa ƀâo mngưi dưn. Phung anak êkei Y-Sêruia anei jing khăng đei kơ kâo. Brei Yêhôwa bi wĭt kơ pô ngă jhat tui si klei ƀai ñu!”

I Bruă Mtao 2:7

Ƀiădah ngă kơ phung anak êkei Y-Barsilai êkei Galaat hŏng klei jăk, leh anăn brei diñu jing hlăm phung ƀơ̆ng huă ti jhưng huă ih; kyuadah diñu ngă leh hŏng klei jăk msĕ snăn kơ kâo tơdah kâo đuĕ mơ̆ng Y-Apsalôm ayŏng ih.

I Bruă Mtao 2:9

Kyuanăn ară anei đăm yap ôh ñu amâo mâo klei soh, kyuadah ih jing sa čô mnuih thâo mĭn. Ih srăng thâo ya jing djŏ srăng ngă kơ ñu, leh anăn ih srăng mtrŭn ƀŭk ñu kơ Ƀuôn Phung Djiê hŏng êrah.”

I Bruă Mtao 3:12

nĕ ară anei Kâo ngă tui si klei ih blŭ. Nĕ anei, Kâo brei kơ ih ai tiê thâo mĭn leh anăn thâo ksiêm, tơl amâo mâo sa čô ôh msĕ si ih êlâo kơ ih, leh anăn amâo srăng mâo ôh sa čô msĕ si ih êdei kơ ih.

II Bruă Mtao 22:20

Kyua anăn nĕ anei, Kâo srăng bi kƀĭn ih hŏng phung aê ih, leh anăn arăng srăng dơr ih hlăm msat hŏng klei êđăp ênang, leh anăn ală ih amâo srăng ƀuh ôh jih jang klei jhat Kâo srăng bi truh kơ anôk anei.’ ” Leh anăn diñu lŏ ba klei blŭ anăn kơ mtao.

Klei Mmuñ Hđăp 37:37

Ksiêm bĕ kơ mnuih jăk leh anăn dlăng kơ mnuih kpă, kyuadah anak čô sa čô mnuih êđăp ênang srăng dôk nanao.

Klei Bi Hriêng 20:26

Sa čô mtao knhâo hdei hĕ phung jhat ƀai, leh anăn ñu brei arăng mdar pông êdeh prah mdiê ti dlông phung anăn.

Klei Bi Hriêng 28:17

Sa čô mnuih tuh êrah mnuih mkăn srăng đuĕ nanao tơl djiê; đăm brei arăng kơ̆ng ñu ôh.

Khua Pô Mtô 8:11

Tơdah klei phat kđi kơ klei jhat arăng ngă leh amâo truh djăl ôh, ai tiê phung anak mnuih bŏ hŏng klei čiăng ngă jhat.

Y-Êsai 48:22

Yêhôwa lač, “Amâo mâo klei êđăp ênang ôh kơ phung ƀai.”

Y-Êsai 57:2

Phung êbat hlăm klei kpă ênô mŭt hlăm klei êđăp ênang, diñu ƀuh klei mdei êjai pĭt hlăm klei djiê.

Y-Êsai 57:21

Aê Diê kâo lač, “Amâo mâo klei êđăp ênang ôh kơ phung ƀai.”

Y-Êsai 65:20

Amâo srăng lŏ mâo tinăn ôh hđeh ĭ dôk hdĭp knŏng bhiâo, kăn mâo rei khua mduôn amâo dôk hdĭp mduôn jŏk, kyuadah tơdah djiê hlăk mâo sa êtuh thŭn, ăt yap jing hlăk ai; leh anăn pô ngă soh hlăk sa êtuh thŭn arăng srăng yap pô mâo klei tăm pah.

Klei Yap 35:33

Snăn đăm bi čhŏ ôh lăn diih dôk; kyuadah êrah bi čhŏ lăn, leh anăn amâo mâo ôh klei bi doh arăng dưi ngă kơ lăn kyua êrah tuh leh tinăn, knŏng hŏng êrah pô tuh êrah leh.