I Bruă Mtao 2:5 - Klei Aê Diê Blŭ 2015

⁵ Êbeh kơ anăn ih thâo msĕ mơh klei Y-Jôap anak êkei Y-Sêruia ngă leh kơ kâo, klei ñu ngă leh kơ dua čô khua kahan phung Israel, Y-Apner anak êkei Y-Ner leh anăn kơ Y-Amasa anak êkei Y-Jêther, phung ñu bi mdjiê leh, rŭ ênua êrah êjai êđăp ênang msĕ si êjai mâo klei bi blah, leh anăn dưm êrah amâo mâo soh ôh ti hdrăng kơiêng kâo hyuă leh anăn ti klĭt juă ti jơ̆ng kâo.

I Bruă Mtao 2:5 Iomraidhean Croise

II Y-Samuel 17:25

Y-Apsalôm mdưm Y-Amasa jing khua kơ phung kahan hrô Y-Jôap. Y-Amasa jing anak êkei kơ sa čô bi anăn Y-Itra mnuih Ismael, pô dôk ung mô̆ leh hŏng H'Abigêl anak mniê Y-Nahas, amai Y-Sêruia, amĭ Y-Jôap.

II Y-Samuel 18:12

Ƀiădah êkei anăn lač kơ Y-Jôap, “Wăt tơdah ih brei kơ kngan kâo sa êbâo klŏ prăk dưn, kâo amâo yơr kngan kâo ngă kơ anak êkei mtao ôh. Kyuadah hmei hmư̆ leh klei mtao mtă kơ ih, kơ Y-Abisai, leh anăn kơ Y-Itai, ‘Kyua kâo, mgang klei hdĭp êkei hlăk ai Y-Apsalôm.’

II Y-Samuel 18:14

Y-Jôap lač, “Kâo amâo srăng bi luč mông ôh msĕ snei mbĭt hŏng ih.” Leh anăn ñu mă tlâo ƀĕ kju, leh anăn tlŏ hlăm tiê boh Y-Apsalôm êjai gơ̆ ăt dôk hdĭp ti ana kyâo.

II Y-Samuel 18:5

Mtao mtă kơ Y-Jôap, kơ Y-Abisai, leh anăn kơ Y-Itai, “Kyua kâo, brei diih ngă hŏng klei êdu kơ êkei hlăk ai Y-Apsalôm.” Jih jang phung kahan hmư̆ tơdah mtao mtă kơ jih jang phung khua kahan klei ngă kơ Y-Apsalôm.

II Y-Samuel 2:13

Y-Jôap anak êkei Y-Sêruia leh anăn phung dĭng buăl Y-Đawit kbiă nao bi tuôm hŏng diñu ti êa ênao Gabaôn. Diñu dôk gŭ, sa phung tĭng nah anei hang êa ênao, phung mkăn tĭng nah dih.

II Y-Samuel 2:18

Tlâo čô anak êkei Y-Sêruia, Y-Jôap, Y-Abisai, leh anăn Y-Asahel dôk tinăn. Y-Asahel mâo jơ̆ng hdjul msĕ si ktŏng hlăm dliê.

II Y-Samuel 20:10

Ƀiădah Y-Amasa amâo ƀuh ôh đao gưm Y-Jôap djă. Snăn Y-Jôap tlŏ gơ̆ hŏng đao anăn, leh anăn prôč tiê gơ̆ kbiă lĕ ti lăn, amâo lŏ tlŏ tal dua ôh. Leh anăn gơ̆ djiê. Y-Jôap leh anăn Y-Abisai adei ñu tiŏ Y-Sêba anak êkei Y-Bikri.

II Y-Samuel 3:27

Tơdah Y-Apner lŏ truh leh ti ƀuôn Hêbron, Y-Jôap brei gơ̆ weh ti krah ƀăng jang čiăng blŭ hrăm hŏng gơ̆ hŏng klei hgăm. Leh anăn tinăn ñu tlŏ gơ̆ ti tian, snăn gơ̆ djiê kyua êrah Y-Asahel adei Y-Jôap.

II Y-Samuel 3:39

Leh anăn hruê anei kâo jing awăt, wăt tơdah jing mtao arăng trôč êa ƀâo mngưi dưn. Phung anak êkei Y-Sêruia anei jing khăng đei kơ kâo. Brei Yêhôwa bi wĭt kơ pô ngă jhat tui si klei ƀai ñu!”

I Bruă Mtao 1:7

Ñu bi trông čhai hŏng Y-Jôap anak êkei Y-Sêruia leh anăn hŏng Y-Abiathar khua ngă yang. Digơ̆ tui hlue Y-Adônija leh anăn đru ñu.

I Bruă Mtao 2:32

Yêhôwa srăng bi wĭt klei ñu tuh êrah ti dlông boh kŏ ñu pô, kyuadah êjai ama kâo Y-Đawit amâo thâo ôh, ñu ngă leh anăn bi mdjiê hŏng đao gưm dua čô êkei kpă hĭn leh anăn jăk hĭn kơ ñu pô, Y-Apner anak êkei Y-Ner khua kahan phung Israel, leh anăn Y-Amasa anak êkei Y-Jêther khua kahan phung Yuđa.

Y-Yêrêmi 2:34

Msĕ mơh ti kdrŭn čhiăm ao ih arăng ƀuh êrah phung ƀun ƀin amâo mâo soh ôh; ih amâo tuôm ƀuh digơ̆ ƀoh mtih ôh čiăng mŭt tlĕ. Ƀiădah wăt jih klei anăn dưn,

Y-Yêrêmi 6:15

Diñu hêñ mơ̆ tơdah diñu ngă leh klei arăng bi êmut kheh? Hơăi, diñu amâo tuôm hêñ ôh; diñu amâo tuôm bi êdah ƀô̆ mta hrah kyua klei hêñ ôh. Kyuanăn diñu srăng êbuh mbĭt hŏng phung êbuh leh; hlăm ênuk Kâo bi kmhal diñu arăng srăng mdlưh diñu.” Yêhôwa lač.

Y-Mathiơ 3:4

Y-Yôhan hơô ao mlâo aseh samô leh anăn hyuă hdrăng kơiêng klĭt. Ñu ƀơ̆ng ktuôp leh anăn êa hnuê dliê.

Klei Mtô Mñă Klei Bhiăn 27:24

‘Tăm pah hĕ kơ pô bi mdjiê pô riêng gah ñu hŏng klei hgăm.’ Leh anăn jih jang phung ƀuôn sang srăng lač, ‘Amen’.