I Bruă Mtao 2:44 - Klei Aê Diê Blŭ 2015

⁴⁴ Mtao lŏ lač kơ Y-Simei, “Ih thâo leh hlăm ai tiê ih pô jih klei jhat ih ngă leh kơ Y-Đawit ama kâo. Snăn Yêhôwa srăng bi wĭt klei jhat ih ngă ti dlông boh kŏ ih pô.

I Bruă Mtao 2:44 Iomraidhean Croise

I Bruă Mtao 2:43

Snăn si ngă ih amâo djă pioh klei ih kat asei hŏng Yêhôwa leh anăn klei kâo mtă leh kơ ih?”

II Bruă Mtao 11:1

Tơdah H'Athali amĭ Y-Ahasia ƀuh anak êkei ñu djiê leh, ñu kgŭ leh anăn bi rai hĕ jih jang găp djuê mtao.

II Bruă Mtao 11:12

Ñu atăt ba anak êkei mtao, leh anăn mđua đuôn mtao ti boh kŏ gơ̆, leh anăn brei klei hưn kơ gơ̆; leh anăn diñu hưn klei gơ̆ jing mtao leh anăn trôč êa ƀâo mngưi kơ gơ̆. Diñu pah kngan leh anăn lač, “Mtao lă lar!”

Klei Mmuñ Hđăp 109:20

Brei Yêhôwa mưn msĕ snăn kơ phung roh kâo, kơ phung blŭ klei ƀai kơ mngăt kâo.

Klei Mmuñ Hđăp 7:16

Klei ƀai ñu srăng lŏ wĭt ti dlông boh kŏ ñu pô, leh anăn klei jhat ñu srăng lĕ ti adhei ñu.

Klei Bi Hriêng 5:22

Klei wê pô soh ngă jing kđông ƀêč kơ ñu, klei soh ñu pô ngă srăng mă čăp ñu.

Y-Êsêkiêl 17:19

Kyuanăn snei Yêhôwa Aê Diê lač: ‘Tui si Kâo dôk hdĭp, sĭt nik klei Kâo ƀuăn leh ñu bi êmut, leh anăn klei Kâo bi mguôp ñu gao leh, Kâo srăng bi lĕ klei anăn ti boh kŏ ñu pô.

Y-Ôsê 4:9

Tui si phung ƀuôn sang Kâo srăng jing, msĕ snăn mơh phung khua ngă yang srăng jing; Kâo srăng bi kmhal diñu kyua êlan diñu, leh anăn srăng bi wĭt kơ diñu tui si bruă diñu ngă.

Y-Yôhan 8:9

Ƀiădah tơdah hmư̆ klei anăn, diñu đuĕ sa čô sa čô, dơ̆ng mơ̆ng pô mduôn hĭn; leh anăn Yêsu dôk hjăn mbĭt hŏng mniê anăn dôk dơ̆ng ti anăp Ñu.

Hră Y-Pôl Mơĭt kơ Phung Rôm 2:15

Diñu bi êdah ya bruă klei bhiăn mtă, arăng čih leh hlăm ai tiê diñu, êjai ai tiê kpă diñu msĕ mơh hưn bi sĭt, leh anăn klei mĭn diñu tăp năng kčŭt kơ diñu tăp năng mgang diñu.

I Y-Yôhan 3:20

Tơdah ai tiê drei kčŭt kơ drei, kyuadah Aê Diê jing prŏng hĭn kơ ai tiê drei, leh anăn Ñu thâo jih jang mnơ̆ng.

I Y-Samuel 25:39

Tơdah Y-Đawit hmư̆ kơ Y-Nabal djiê leh, ñu lač, “Mpŭ mni kơ Yêhôwa, Pô rŭ leh ênua kơ klei Y-Nabal mưč mač kơ kâo leh, leh anăn kơ̆ng leh dĭng buăl Ñu kơ klei ngă jhat. Yêhôwa bi wĭt leh klei ƀai Y-Nabal kơ boh kŏ ñu pô.” Leh anăn Y-Đawit tiŏ mnuih nao êmuh H'Abigêl čiăng brei gơ̆ jing mô̆ ñu.