I Bruă Mtao 2:32 - Klei Aê Diê Blŭ 2015

³² Yêhôwa srăng bi wĭt klei ñu tuh êrah ti dlông boh kŏ ñu pô, kyuadah êjai ama kâo Y-Đawit amâo thâo ôh, ñu ngă leh anăn bi mdjiê hŏng đao gưm dua čô êkei kpă hĭn leh anăn jăk hĭn kơ ñu pô, Y-Apner anak êkei Y-Ner khua kahan phung Israel, leh anăn Y-Amasa anak êkei Y-Jêther khua kahan phung Yuđa.

I Bruă Mtao 2:32 Iomraidhean Croise

Klei Mphŭn Dơ̆ng 4:11

Ară anei hin ih mâo klei tăm pah leh mơ̆ng lăn, ñu ha leh ƀăng êgei ƀơ̆ng êrah adei ih mơ̆ng kngan ih.

Klei Mphŭn Dơ̆ng 42:22

Y-Ruben lŏ wĭt lač kơ diñu, “Amâo djŏ hĕ kâo lač kơ diih, ‘Đăm diih ngă soh hŏng hđeh anei ôh’? Ƀiădah diih amâo čiăng hmư̆ ôh. Snăn drei tŭ ară anei klei phat kđi kyua klei tuh êrah ñu leh.”

Klei Mphŭn Dơ̆ng 9:6

Hlei pô tuh êrah mnuih, mnuih mơh srăng tuh êrah pô anăn; kyuadah Aê Diê mjing mnuih tui si rup Ñu pô.

II Y-Samuel 1:16

Y-Đawit lač kơ ñu, “Brei êrah ih lĕ ti boh kŏ ih pô; kyuadah ƀăng êgei ih pô hưn ngă kơ ih pô êjai lač, ‘Kâo bi mdjiê leh pô Yêhôwa trôč leh êa ƀâo mngưi.’ ”

II Y-Samuel 17:25

Y-Apsalôm mdưm Y-Amasa jing khua kơ phung kahan hrô Y-Jôap. Y-Amasa jing anak êkei kơ sa čô bi anăn Y-Itra mnuih Ismael, pô dôk ung mô̆ leh hŏng H'Abigêl anak mniê Y-Nahas, amai Y-Sêruia, amĭ Y-Jôap.

II Y-Samuel 3:29

Brei êrah anăn lĕ ti boh kŏ Y-Jôap, leh anăn ti dlông jih sang ama ñu. Leh anăn brei sang Y-Jôap amâo kƀah ôh sa čô mâo klei ruă bi ƀlĕ, amâodah djŏ phŭng, amâodah djă giê dra, amâodah arăng bi mdjiê hŏng đao gưm, amâodah kƀah mnơ̆ng ƀơ̆ng huă!”

II Y-Samuel 3:37

Snăn jih jang phung ƀuôn sang leh anăn jih jang phung Israel thâo săng hruê anăn klei arăng bi mdjiê Y-Apner, anak êkei Y-Ner amâo djŏ tui si klei mtao čiăng ôh.

II Y-Samuel 3:39

Leh anăn hruê anei kâo jing awăt, wăt tơdah jing mtao arăng trôč êa ƀâo mngưi dưn. Phung anak êkei Y-Sêruia anei jing khăng đei kơ kâo. Brei Yêhôwa bi wĭt kơ pô ngă jhat tui si klei ƀai ñu!”

II Y-Samuel 4:11

Kdlưn hĭn kơ anăn tơdah phung ƀai bi mdjiê hĕ sa čô mnuih kpă ênô hlăm sang gơ̆ pô ti dlông jhưng pĭt gơ̆, amâo djŏ hĕ kâo srăng rŭ ênua êrah gơ̆ ti kngan diih, leh anăn bi rai hĕ diih mơ̆ng lăn ala?”

I Bruă Mtao 2:44

Mtao lŏ lač kơ Y-Simei, “Ih thâo leh hlăm ai tiê ih pô jih klei jhat ih ngă leh kơ Y-Đawit ama kâo. Snăn Yêhôwa srăng bi wĭt klei jhat ih ngă ti dlông boh kŏ ih pô.

I Bruă Mtao 2:5

Êbeh kơ anăn ih thâo msĕ mơh klei Y-Jôap anak êkei Y-Sêruia ngă leh kơ kâo, klei ñu ngă leh kơ dua čô khua kahan phung Israel, Y-Apner anak êkei Y-Ner leh anăn kơ Y-Amasa anak êkei Y-Jêther, phung ñu bi mdjiê leh, rŭ ênua êrah êjai êđăp ênang msĕ si êjai mâo klei bi blah, leh anăn dưm êrah amâo mâo soh ôh ti hdrăng kơiêng kâo hyuă leh anăn ti klĭt juă ti jơ̆ng kâo.

I Bruă Mtao 8:32

snăn hmư̆ bĕ mơ̆ng adiê, ngă bĕ, leh anăn phat kđi phung dĭng buăl Ih, bi kmhal pô soh êjai bi lĕ klei soh ñu ti dlông boh kŏ ñu pô, leh anăn yap kpă pô kpă êjai bi wĭt kơ ñu tui si klei kpă ñu.

II Klei Yăl Dliê 21:13

ƀiădah ih êbat leh tui êlan phung mtao Israel, leh anăn atăt leh phung Yuđa leh anăn phung dôk hlăm ƀuôn Yêrusalem kơ klei amâo dôk sĭt suôr msĕ si sang Y-Ahap atăt leh phung Israel kơ klei amâo dôk sĭt suôr, leh anăn msĕ mơh ih bi mdjiê leh phung adei ih mơ̆ng sang ama ih, digơ̆ jing phung jăk hĭn kơ ih pô;

II Klei Yăl Dliê 21:14

nĕ anei Yêhôwa srăng bi truh klei ruă bi mdjiê kơ phung ƀuôn sang ih, kơ phung anak ih, kơ phung mô̆ ih, leh anăn kơ jih jang mnơ̆ng ih mâo,

H'Êsther 1:19

Tơdah mtao mĭn jăk, brei mtao mtă sa klei, leh anăn brei arăng čih klei mtă anăn hlăm klei bhiăn phung Persơ leh anăn phung Mêdơ čiăng đăm arăng dưi bi mlih ôh, kơ H'Wasti amâo dưi lŏ hriê ti anăp Mtao Asuêrus ôh; leh anăn brei mtao jao klei jing mtao mniê kơ pô mkăn jăk hĭn kơ gơ̆.

Klei Mmuñ Hđăp 7:16

Klei ƀai ñu srăng lŏ wĭt ti dlông boh kŏ ñu pô, leh anăn klei jhat ñu srăng lĕ ti adhei ñu.

Klei Mmuñ Hđăp 7:17

Kâo srăng bi mni kơ Yêhôwa kyua klei kpă ênô Ñu, kâo srăng mmuñ bi mni kơ anăn Yêhôwa, Pô Ti Dlông Hĭn.

Y-Êsêkiêl 17:19

Kyuanăn snei Yêhôwa Aê Diê lač: ‘Tui si Kâo dôk hdĭp, sĭt nik klei Kâo ƀuăn leh ñu bi êmut, leh anăn klei Kâo bi mguôp ñu gao leh, Kâo srăng bi lĕ klei anăn ti boh kŏ ñu pô.

Klei Yap 32:23

Ƀiădah tơdah diih amâo srăng ngă snăn ôh, diih ngă soh leh hŏng Yêhôwa; leh anăn brei diih thâo sĭt klei soh diih srăng bi êdah.

Phung Khua Phat Kđi 9:24

čiăng kơ klei ƀai diñu ngă kơ kjuh pluh čô anak êkei Y-Jêrubaal dưi mâo klei rŭ ênua leh anăn êrah digơ̆ lĕ kơ Y-Abimêlek ayŏng adei digơ̆, pô bi mdjiê digơ̆, leh anăn kơ phung êkei ƀuôn Sičem, phung bi ktang kngan ñu bi mdjiê phung ayŏng adei ñu.

Phung Khua Phat Kđi 9:57

Leh anăn msĕ mơh Aê Diê brei jih jang klei ƀai phung mnuih ƀuôn Sičem lŏ wĭt lĕ ti dlông boh kŏ diñu leh anăn truh kơ diñu tui si klei Y-Jôtham anak êkei Y-Jêrubaal tăm pah leh.

I Y-Samuel 15:28

Y-Samuel lač kơ ñu, “Yêhôwa hiêk leh ƀuôn ala mtao Israel mơ̆ng ih hruê anei, leh anăn brei gơ̆ leh kơ sa čô riêng gah ih, pô jing jăk hĭn kơ ih.