I Bruă Mtao 2:3 - Klei Aê Diê Blŭ 2015

³ leh anăn djă pioh klei Yêhôwa Aê Diê ih mtă, êbat hlăm êlan Ñu, leh anăn djă pioh klei bhiăn kđi Ñu, klei Ñu mtrŭn, klei Ñu phat kđi, leh anăn klei Ñu hưn, tui si čih leh hlăm klei bhiăn Y-Môis, čiăng kơ ih dưi đĭ kyar hlăm jih klei ih ngă leh anăn ti anôk ih nao;

I Bruă Mtao 2:3 Iomraidhean Croise

II Y-Samuel 8:14

Ñu ngă đa đa kđông kahan hlăm čar Êđôm, ñu ngă kđông kahan tar ƀar čar Êđôm, leh anăn jih jang phung Êđôm jing dĭng buăl kơ Y-Đawit. Yêhôwa brei klei dưi kơ Y-Đawit grăp anôk ñu nao.

II Y-Samuel 8:6

Leh anăn Y-Đawit ngă đa đa kđông kahan hlăm Aram ti ƀuôn Damas; leh anăn phung Siri jing dĭng buăl kơ Y-Đawit leh anăn tuh jia. Yêhôwa brei klei dưi kơ Y-Đawit grăp anôk ñu nao.

I Bruă Mtao 3:3

Y-Salômôn khăp kơ Yêhôwa, êbat hlăm klei bhiăn Y-Đawit ama ñu; ƀiădah ñu ngă yang leh anăn čuh mnơ̆ng ƀâo mngưi ti anôk dlông.

II Bruă Mtao 18:7

Yêhôwa dôk mbĭt hŏng ñu. Ti anôk ñu kbiă nao, ñu mâo klei dưi. Ñu bi kdơ̆ng hŏng mtao Asiri, leh anăn amâo mă bruă kơ gơ̆ ôh.

I Klei Yăl Dliê 29:19

Brei kơ Y-Salômôn anak êkei kâo čiăng kơ hŏng jih ai tiê ñu dưi djă pioh klei ih mtă, klei ih hưn, leh anăn klei bhiăn ih, dưi ngă jih, leh anăn čiăng kơ ñu dưi mdơ̆ng sang yang kơ sang anăn kâo duah bi mâo leh mnơ̆ng.”

Klei Mmuñ Hđăp 119:111

Klei Ih hưn jing ngăn dưn kơ kâo hlŏng lar; sĭt nik diñu jing klei bi mơak kơ ai tiê kâo.

Klei Mmuñ Hđăp 119:138

Ih mtă leh klei Ih hưn hŏng klei kpă ênô leh anăn năng knang sĭt.

Klei Mmuñ Hđăp 119:2

Jăk mơak yơh phung djă pioh klei Ñu hưn, phung tui duah Ñu hŏng jih ai tiê.

Klei Mmuñ Hđăp 19:7

Klei bhiăn Yêhôwa jing klă, ñu lŏ bi hdĭp mngăt; klei Yêhôwa hưn jing kjăp sĭt, ñu bi knhâo phung mluk.

Khua Pô Mtô 12:13

Brei drei hmư̆ klei bi ruê̆ kơ jih jang klei bi hriăm anei: Huĭ mpŭ bĕ kơ Aê Diê leh anăn djă pioh klei Ñu mtă; kyuadah klei anăn jing jih klei djŏ brei mnuih ngă.

Bruă Lêwi 8:35

Brei diih dôk ti ƀăng bhă sang čhiăm klei bi kƀĭn hruê leh anăn mlam êjai kjuh hruê, ngă tui si Yêhôwa mtă leh, huĭdah diih djiê, kyua klei anăn arăng mtă leh kơ kâo.”

Y-Malaki 4:4

“Hdơr bĕ kơ klei bhiăn dĭng buăl Kâo Y-Môis, klei bhiăn leh anăn klei mtă Kâo jao leh kơ ñu ti čư̆ Hôrep pioh kơ jih jang phung Israel.

Klei Mtô Mñă Klei Bhiăn 29:8

Drei mă leh ala čar diñu leh anăn brei ala čar anăn jing ngăn dưn kơ phung Ruben, phung Gat, leh anăn kơ sa mkrah găp djuê Manasê.

Klei Mtô Mñă Klei Bhiăn 29:9

Snăn răng bĕ brei ngă klei blŭ hlăm klei bi mguôp anei, čiăng kơ diih dưi čăt đĭ hlăm jih bruă diih ngă.

Klei Mtô Mñă Klei Bhiăn 4:1

“Ară anei, Ơ phung Israel, dôk hmư̆ bĕ klei bhiăn leh anăn klei mtă kâo bi hriăm diih, leh anăn ngă tui hlue klei anăn; čiăng kơ diih dưi dôk hdĭp leh anăn mŭt čar Yêhôwa Aê Diê kơ phung aê đưm diih brei kơ diih.

Klei Mtô Mñă Klei Bhiăn 4:45

Anei jing klei hưn, klei bhiăn, leh anăn klei mtă Y-Môis blŭ leh kơ phung anak Israel hlăk diñu kbiă mơ̆ng čar Êjip,

Klei Mtô Mñă Klei Bhiăn 4:5

Nĕ anei, kâo mtô leh kơ diih klei bhiăn leh anăn klei mtă tui si Yêhôwa Aê Diê kâo mtă leh kơ kâo, čiăng kơ diih ngă klei anăn hlăm čar diih srăng mŭt plah mă.

Klei Mtô Mñă Klei Bhiăn 4:8

Leh anăn hlei găp djuê prŏng mâo klei bhiăn leh anăn klei mtă kpă msĕ si jih jang klei bhiăn anei kâo bi êdah ti anăp diih hruê anei?”

Klei Mtô Mñă Klei Bhiăn 5:1

Y-Môis iêô bi kƀĭn jih jang Israel leh anăn lač kơ diñu, “Hmư̆ bĕ, Ơ Israel, klei bhiăn leh anăn klei mtă kâo blŭ brei diih hmư̆ hruê anei, brei diih hriăm leh anăn gưt hlue hŏng jih ai tiê.

Y-Yôsuê 22:5

Răng bi jăk čiăng djă pioh klei mtă leh anăn klei bhiăn Y-Môis dĭng buăl Yêhôwa mtă leh kơ diih, brei khăp kơ Yêhôwa, Aê Diê diih leh anăn êbat tui hlue jih êlan Ñu, djă pioh klei Ñu mtă, bi mguôp hŏng Ñu, leh anăn mă bruă kơ Ñu hŏng jih ai tiê leh anăn hŏng jih mngăt diih.”

Y-Yôsuê 23:6

Snăn brei diih djă pioh bi kjăp leh anăn ngă jih tui si klei čih leh hlăm hdruôm hră klei bhiăn Y-Môis. Đăm weh kơ hnuă ôh, kăn weh kơ điâo rei,

I Y-Samuel 18:14

Y-Đawit mâo klei dưi hlăm jih bruă ñu ngă, kyuadah Yêhôwa dôk mbĭt hŏng ñu.

I Y-Samuel 18:30

Hlăk anăn, phung khua kahan Philistin kbiă čiăng bi blah, leh anăn grăp blư̆ diñu kbiă, Y-Đawit mâo klei dưi hĭn kơ jih jang phung dĭng buăl Y-Sôl. Snăn, anăn ñu mâo klei hing ang hĭn.

I Y-Samuel 18:5

Y-Đawit kbiă nao bi blah leh anăn dưi jih ti anôk Y-Sôl tiŏ nao ñu. Snăn Y-Sôl mjing ñu khua kơ phung kahan. Klei anei bi mơak jih jang phung ƀuôn sang leh anăn phung dĭng buăl Y-Sôl.