I Bruă Mtao 2:2 - Klei Aê Diê Blŭ 2015

² “Kâo giăm đuĕ nao êlan jih jang mnuih. Brei ih jing ktang leh anăn bi êdah ih pô jing sa čô mnuih khua,

I Bruă Mtao 2:2 Iomraidhean Croise

II Y-Samuel 10:12

Đăm huĭ ôh, brei drei jing jhŏng kyua phung ƀuôn sang drei, leh anăn kyua jih jang ƀuôn Aê Diê drei; leh anăn akâo kơ Yêhôwa ngă tui si ñu mĭn jăk.”

II Y-Samuel 12:23

Ƀiădah ară anei ñu djiê leh; ya yuôm kâo srăng kăm ƀơ̆ng huă? Dưi mơ̆ kâo lŏ bi hdĭp ñu? Kâo srăng nao kơ ñu, ƀiădah ñu amâo srăng lŏ wĭt kơ kâo ôh.”

I Bruă Mtao 3:7

Ară anei, Ơ Yêhôwa Aê Diê kâo, Ih brei leh dĭng buăl Ih jing mtao čuê Y-Đawit ama kâo, wăt tơdah kâo knŏng jing sa čô hđeh điêt; kâo amâo thâo ôh si srăng kbiă amâodah mŭt.

I Klei Yăl Dliê 22:13

Snăn ih srăng mâo klei čăt jing tơdah ih răng čiăng djă pioh klei bhiăn leh anăn klei mtă Yêhôwa brei leh kơ Y-Môis djŏ kơ phung Israel. Jing ktang bĕ, leh anăn jing jhŏng bĕ. Đăm huĭ ôh, đăm êdu ai ôh.

I Klei Yăl Dliê 22:16

hŏng mah, prăk, kông, leh anăn msei. Kgŭ ngă bĕ! Akâo kơ Yêhôwa dôk mbĭt hŏng ih!”

I Klei Yăl Dliê 28:10

Răng bĕ ară anei, kyuadah Yêhôwa ruah ih leh brei mdơ̆ng sa boh sang pioh kơ adŭ doh jăk; jing ktang bĕ, leh anăn ngă klei anăn.”

I Klei Yăl Dliê 28:20

Leh anăn Y-Đawit lač kơ Y-Salômôn anak êkei ñu, “Jing ktang bĕ leh anăn đăm huĭ ôh, leh anăn ngă klei anăn. Đăm huĭ ôh, đăm êdu ai ôh; kyuadah Yêhôwa Aê Diê, jing Aê Diê kâo, dôk mbĭt hŏng ih. Ñu amâo srăng kƀah klei đru ih ôh, amâodah kăn lui ih rei, tơl bi leh jih jang bruă sang Yêhôwa.

Y-Yôp 16:22

Kyuadah adôk ƀiă thŭn srăng truh, kâo srăng nao kơ anôk kâo amâo srăng lŏ wĭt ôh.”

Y-Yôp 30:23

Sĭt nik, kâo thâo Ih srăng atăt kâo kơ klei djiê, kơ anôk Ih čuăn pioh leh kơ jih jang phung hdĭp.

Klei Mmuñ Hđăp 89:48

Hlei mnuih dưi dôk hdĭp leh anăn amâo tuôm djiê ôh? Hlei pô dưi bi mtlaih mngăt ñu pô mơ̆ng klei myang Ƀuôn Phung Djiê? (Sêla)

Khua Pô Mtô 12:13

Brei drei hmư̆ klei bi ruê̆ kơ jih jang klei bi hriăm anei: Huĭ mpŭ bĕ kơ Aê Diê leh anăn djă pioh klei Ñu mtă; kyuadah klei anăn jing jih klei djŏ brei mnuih ngă.

I Kôrantô 16:13

Dôk răng nanao. Dôk kjăp bĕ hlăm klei đăo. Brei diih jing jhŏng leh anăn ktang.

Êphêsô 6:10

Ti knhal tuč hră anei, kâo mtă kơ diih brei diih jing ktang hlăm Khua Yang hŏng klei ktang myang Ñu.

Klei Mtô Mñă Klei Bhiăn 31:23

Yêhôwa jao bruă kơ Y-Yôsuê anak êkei Y-Nun, lač, “Brei jing ktang leh anăn mđĭ ai bĕ; kyuadah ih srăng atăt ba phung anak Israel mŭt hlăm čar Kâo kat asei leh čiăng brei kơ diñu; Kâo srăng dôk mbĭt hŏng ih.”

I Y-Timôthê 4:12

Đăm brei ôh arăng bi êmut kơ ih kyua ih jing hlăk ai, ƀiădah brei ih jing klei bi hmô kơ phung đăo hlăm klei blŭ, hlăm klei dôk dơ̆ng ƀơ̆ng huă, hlăm klei khăp, hlăm klei đăo, hlăm klei êngeh.

II Y-Timôthê 2:1

Snăn, Ơ anak êkei kâo, jing ktang bĕ hŏng klei pap hlăm Krist Yêsu.

Hêbrơ 9:27

Leh anăn čuăn leh kơ mnuih srăng djiê sa blư̆, leh klei anăn tŭ klei phat kđi,

Y-Yôsuê 23:14

Ară anei kâo giăm djiê tui si klei bhiăn jih lăn ala, leh anăn jih jang diih thâo hlăm ai tiê leh anăn mngăt diih, amâo kƀah sa mta ôh hlăm jih klei jăk Yêhôwa, Aê Diê diih ƀuăn leh kơ diih; jih jang truh leh sĭt kơ diih, amâo mâo sa mta kƀah ôh.