I Bruă Mtao 19:5 - Klei Aê Diê Blŭ 2015

⁵ Ñu đih leh anăn pĭt ti gŭ ana kyâo anăn; leh anăn nĕ anei sa čô dĭng buăl jăk ruêh ñu leh anăn lač kơ ñu, “Kgŭ leh anăn ƀơ̆ng bĕ.”

I Bruă Mtao 19:5 Iomraidhean Croise

I Bruă Mtao 19:4

Bi Y-Êli pô, ñu êbat sa hruê hlăm kdrăn tač leh anăn dôk gŭ ti gŭ sa ƀĕ ana kyâo; leh anăn ñu akâo čiăng djiê êjai lač, “Man leh, ară anei, Ơ Yêhôwa, mă bĕ klei hdĭp kâo; kyuadah kâo amâo jing jăk hĭn kơ phung aê kâo ôh.”

I Bruă Mtao 19:6

Ñu dlăng leh anăn nĕ anei, mâo ti kŏ ñu đih sa klŏ ƀêñ ăm ksă leh ti dlông boh tâo hlơr leh anăn sa giêt êa. Ñu ƀơ̆ng leh anăn mnăm, leh anăn lŏ đih mơh.

Klei Mmuñ Hđăp 34:10

Êđai êmông gu thâo klei ư̆ leh anăn klei êpa; ƀiădah phung duah Yêhôwa amâo srăng kƀah sa mta klei jăk ôh.

Klei Mmuñ Hđăp 34:7

Dĭng buăl jăk Yêhôwa dôk jŭm dar phung huĭ mpŭ kơ Ñu, leh anăn bi mtlaih digơ̆.

Y-Đaniel 8:19

Ñu lač, “Nĕ anei, kâo srăng brei ih thâo ya klei srăng truh ti knhal tuč klei ngêñ, kyuadah klei anăn djŏ kơ ênuk knhal tuč bi kčah leh.

Y-Đaniel 9:21

êjai kâo ăt dôk blŭ hlăm klei wah lač, sa čô mnuih Y-Gabriel, pô kâo ƀuh hlăm klei bi ƀuh tal êlâo hĭn, phiơr pral hriê kơ kâo ti mông arăng myơr mnơ̆ng myơr čuh ti tlam.

Y-Sakari 4:1

Dĭng buăl jăk pô blŭ hŏng kâo leh lŏ hriê, leh anăn bi êrâo kâo msĕ si bi êrâo sa čô mnuih dôk pĭt.

Bruă Phung Khua Ƀĭng Kna 12:7

Bhiâo riâo rit, sa čô dĭng buăl jăk Khua Yang bi êdah, leh anăn mâo klei mngač mtrang hlăm war. Dĭng buăl jăk čăm Y-Pêtrôs ti djiêô êrâo ñu, leh anăn lač, “Kgŭ bĕ djăl.” Leh anăn klei săng đai tloh lĕ mơ̆ng kngan ñu.

Hêbrơ 1:14

Snăn, hlei jing phung dĭng buăl jăk? Amâo djŏ hĕ jih jang diñu jing phung yang Aê Diê tiŏ nao mă bruă kơ phung srăng dưn klei bi mtlaih?

Hêbrơ 13:5

Đăm khăp kơ prăk ôh; leh anăn dôk mơak bĕ hŏng mnơ̆ng diih mâo leh; kyuadah Aê Diê lač leh, “Kâo amâo srăng lui ih amâodah hngah kơ ih ôh.”