I Bruă Mtao 19:4 - Klei Aê Diê Blŭ 2015

⁴ Bi Y-Êli pô, ñu êbat sa hruê hlăm kdrăn tač leh anăn dôk gŭ ti gŭ sa ƀĕ ana kyâo; leh anăn ñu akâo čiăng djiê êjai lač, “Man leh, ară anei, Ơ Yêhôwa, mă bĕ klei hdĭp kâo; kyuadah kâo amâo jing jăk hĭn kơ phung aê kâo ôh.”

I Bruă Mtao 19:4 Iomraidhean Croise

I Bruă Mtao 13:14

Ñu tiŏ mnuih Aê Diê, leh anăn ƀuh gơ̆ dôk gŭ ti sa ƀĕ ana kyâo. Ñu lač kơ gơ̆, “Ih hĕ jing mnuih Aê Diê hriê mơ̆ng čar Yuđa?” Gơ̆ lač, “Kâo gơ̆ yơh.”

I Bruă Mtao 19:3

Snăn Y-Êli huĭ, leh anăn kgŭ đuĕ čiăng bi mtlaih klei hdĭp ñu. Ñu truh ti ƀuôn Bêr-Sêba hlăm čar Yuđa, leh anăn lui dĭng buăl ñu tinăn.

I Bruă Mtao 19:5

Ñu đih leh anăn pĭt ti gŭ ana kyâo anăn; leh anăn nĕ anei sa čô dĭng buăl jăk ruêh ñu leh anăn lač kơ ñu, “Kgŭ leh anăn ƀơ̆ng bĕ.”

II Bruă Mtao 2:11

Êjai diñu êbat leh anăn blŭ, nĕ anei sa boh êdeh aseh pui leh anăn đa đa aseh pui bi ktlah hĕ diñu dua. Leh anăn Y-Êli đĭ kơ adiê hlăm angĭn đrŭng.

Y-Yôp 6:8

Ơ čiăng snăk kâo dưi mâo klei kâo akâo, leh anăn klei Aê Diê bi truh klei kâo čang guôn;

Y-Yôp 6:9

čiăng kơ Aê Diê mâo klei mơak juă bi rai kâo, čiăng kơ Ñu yơr kngan Ñu leh anăn bi luč hĕ kâo!

Y-Yêrêmi 20:9

Tơdah kâo lač, “Kâo amâo srăng lŏ bâo kơ ñu ôh, kăn lŏ blŭ hlăm anăn ñu rei,” klei Ih blŭ jing hlăm ai tiê kâo msĕ si pui dôk trơ̆ng bŏ leh hlăm klang kâo, leh anăn kâo êmăn djă pioh klei anăn, leh anăn kâo amâo lŏ dưi ôh.

Y-Amôs 6:2

Nao bĕ truh ti ƀuôn Kalnê leh anăn dlăng; mơ̆ng anăn nao bĕ truh ti Hamat, ƀuôn prŏng, hlŏng nao trŭn ti ƀuôn Gat phung Philistin. Diñu jing jăk hĭn kơ phung ƀuôn ala mtao anei mơ̆? Lăn čar diñu jing prŏng hĭn kơ lăn čar diih mơ̆?

Y-Yôna 4:3

Kyuanăn ară anei, Ơ Yêhôwa, kâo kwưh kơ Ih, bi mdjiê kâo bĕ, kyuadah jăk hĭn kâo djiê mơh hŏng dôk hdĭp.”

Y-Yôna 4:8

Tơdah yang hruê ƀlĕ, Aê Diê brei angĭn hlơr mơ̆ng ngŏ thut, leh anăn yang hruê hơr ti dlông boh kŏ Y-Yôna tơl ñu hwăt. Leh anăn ñu akâo čiăng djiê, kyuadah ñu lač, “Jăk hĭn kơ kâo djiê mơh hŏng dôk hdĭp.”

Y-Nahum 3:8

Ih jing jăk hĭn kơ ƀuôn Nô Amôn mơ̆, ƀuôn dôk ti krah êa krông Nil, mâo êa jŭm dar ñu? Êa ksĭ jing mnư̆ mgang ñu, leh anăn êa jing mnư̆ ƀuôn ñu.

Klei Yap 11:15

Tơdah Ih ngă snei hŏng kâo, bi mdjiê bĕ kâo ară anei mtam, tơdah kâo mâo klei pap ti anăp ală Ih, čiăng đăm kâo ƀuh ôh klei knap mñai kâo.”

Y-Mathiơ 6:26

Ksiêm mĭn bĕ kơ čĭm hlăm adiê; diñu amâo tuôm pla ôh, kăn tuôm wiă amâodah mkăm pioh hlăm hjiê rei, ƀiădah Ama diih hlăm adiê čiêm diñu. Amâo djŏ hĕ diih jing yuôm hĭn kơ diñu?

Y-Yôhan 4:6

Tinăn mâo kbăng êa Y-Yakôp. Yêsu êmăn êbat, snăn Ñu dôk gŭ ti djiêô kbăng êa. Truh leh năng ai pluh dua mông yang hruê dơ̆ng.

Hră Y-Pôl Mơĭt kơ Phung Rôm 3:9

Si ngă snăn? Phung Yuđa hmei jing jăk hĭn kơ phung mkăn mơ̆? Hơăi, amâo mâo ôh! Kyuadah kâo bi êdah sĭt leh kơ jih jang mnuih, phung Yuđa wăt phung Grĕk, dôk ti gŭ klei myang klei soh sơăi,