I Bruă Mtao 19:2 - Klei Aê Diê Blŭ 2015

² H'Jêsêbel tiŏ nao sa čô pô hưn kơ Y-Êli, lač, “Msĕ snăn brei phung yang ngă kơ kâo leh anăn êbeh hĭn mơh, tơdah kâo amâo ngă kơ klei hdĭp ih msĕ si klei hdĭp sa čô hlăm phung digơ̆ anăn êlâo mông anei mgi.”

I Bruă Mtao 19:2 Iomraidhean Croise

II Y-Samuel 19:13

Leh anăn lač bĕ kơ Y-Amasa, ‘Amâo djŏ hĕ ih jing klang kâo leh anăn kđeh kâo? Brei Aê Diê ngă msĕ snăn kơ kâo wăt êbeh hĭn mơh tơdah ih amâo jing khua kahan kâo mơ̆ng anei kơ anăp hrô Y-Jôap.’ ”

II Y-Samuel 3:9

Brei Aê Diê ngă kơ Y-Apner tui si ñu čiăng tơdah kâo amâo bi truh ôh kơ Y-Đawit tui si Yêhôwa kat asei leh kơ ñu,

I Bruă Mtao 2:23

Leh anăn Mtao Salômôn kat asei hŏng anăn Yêhôwa, lač, “Brei Aê Diê ngă kơ kâo tui si Ñu čiăng tơdah klei blŭ anei amâo bi luč ôh klei hdĭp Y-Adônija!

I Bruă Mtao 2:28

Tơdah klei mrâo mrang anăn truh kơ Y-Jôap — kyuadah Y-Jôap krơ̆ng Y-Adônija wăt tơdah ñu amâo krơ̆ng ôh Y-Apsalôm — Y-Jôap đuĕ kơ sang čhiăm Yêhôwa leh anăn djă ti ki knưl.

I Bruă Mtao 20:10

Y-Ben-Hadat tiŏ nao mnuih kơ Y-Ahap leh anăn lač, “Brei phung yang ngă kơ kâo msĕ snăn leh anăn êbeh hĭn mơh tơdah ƀruih lăn ƀuôn Samari srăng djăp čiăng bi bŏ kpăt kngan jih jang phung ƀuôn sang tui hlue kâo.”

II Bruă Mtao 19:22

Kơ hlei pô ih mưč leh anăn dlao wač leh? Kơ hlei pô ih ur bi kdơ̆ng leh anăn angưi ală hŏng klei mgao? Hŏng Pô Doh Jăk phung Israel!

II Bruă Mtao 6:31

leh anăn ñu lač, “Brei Aê Diê ngă msĕ snăn kơ kâo leh anăn êbeh hĭn mơh tơdah boh kŏ Y-Êlisê anak êkei Y-Saphat ăt dôk ti dlông mra ñu hruê anei.”

Klei Kbiă 10:28

Pharaôn lač kơ Y-Môis, “Đuĕ bĕ mơ̆ng kâo. Răng bĕ! Đăm lŏ hriê ti anăp kâo ôh; kyuadah ti hruê ih srăng lŏ hriê ti anăp kâo, ih srăng djiê.”

Klei Kbiă 15:9

Pô roh lač, ‘Kâo srăng tiŏ, kâo srăng hmao, kâo srăng bi mbha mnơ̆ng plah mă; kâo srăng bi hrăp klei kâo čiăng hŏng diñu. Kâo srăng suê̆ đao gưm, kngan kâo srăng bi rai digơ̆.’

Klei Bi Hriêng 27:1

Đăm bi mni kơ hruê mgi ôh, kyuadah ih amâo thâo ôh ya srăng truh grăp hruê.

Y-Yêrêmi 20:10

Kyuadah kâo hmư̆ lu klei blŭ mhač, “Klei bi huĭ dôk tar ƀar! Kčŭt kơ ñu! Brei drei kčŭt kơ ñu!” Snăn jih jang mah jiăng kâo lač, kăp ƀuh klei kâo lĕ buh, “Năng ai ñu srăng mâo klei mplư, snăn drei dưi ngă kơ ñu, leh anăn rŭ ênua kơ ñu.”

Y-Yêrêmi 26:21

Tơdah mtao Y-Jêhôyakim mbĭt hŏng jih jang phung kahan ñu leh anăn jih jang phung khua hmư̆ klei gơ̆ blŭ, mtao duah bi mdjiê gơ̆; ƀiădah tơdah Y-Uri hmư̆ klei anăn, ñu huĭ leh anăn đuĕ kơ čar Êjip čiăng kơ tlaih.

Y-Đaniel 3:15

Ară anei tơdah diih hmư̆ asăp ki ayŭ, asăp đĭng, asăp brô̆, đĭng ayŭ, đĭng buôt, đĭng kliă, leh anăn djăp mta klei mmuñ leh anăn buôn kŭp ƀô̆ leh anăn kkuh mpŭ kơ rup tuh kâo ngă leh, srăng jing jăk. Ƀiădah tơdah diih amâo kkuh mpŭ ôh, arăng srăng hwiê diih ti krah kpur pui mtam; leh anăn hlei yang dưi bi mtlaih diih mơ̆ng kngan kâo?”

H'Rut 1:17

ti anôk ih djiê kâo srăng djiê, leh anăn tinăn arăng srăng dơr kâo. Brei Yêhôwa ngă tui si Ñu čiăng kơ kâo leh anăn êbeh hĭn tŭ mơh knŏng klei djiê bi ktlah kâo hŏng ih.”