I Bruă Mtao 19:11 - Klei Aê Diê Blŭ 2015

¹¹ Yêhôwa lač, “Kbiă bĕ, leh anăn dôk dơ̆ng ti dlông čư̆ ti anăp Yêhôwa.” Leh anăn nĕ anei, Yêhôwa găn, leh anăn mâo sa angĭn prŏng leh anăn ktang bi kđang čư̆ leh anăn bi mčah đơ điêt boh tâo ti anăp Yêhôwa, ƀiădah Yêhôwa amâo dôk hlăm angĭn ôh. Êdei kơ angĭn, mâo klei yơ̆ng lăn ala, ƀiădah Yêhôwa amâo dôk hlăm klei yơ̆ng lăn ala ôh.

I Bruă Mtao 19:11 Iomraidhean Croise

Y-Yôp 38:1

Yêhôwa lŏ wĭt lač kơ Y-Yôp mơ̆ng angĭn đrŭng:

Klei Mmuñ Hđăp 50:3

Aê Diê drei hriê, Ñu amâo dôk ñăt ôh, ti anăp Aê Diê mâo pui trơ̆ng, jŭm Ñu mâo angĭn êbŭ ktang.

Klei Mmuñ Hđăp 68:8

lăn ala ktư̆ yơ̆ng jih, phung adiê lik jing êa hjan ti anăp Aê Diê, čư̆ Sinai Aê Diê ti anăp Aê Diê, Aê Diê Israel.

Klei Mmuñ Hđăp 68:9

Ơ Aê Diê, Ih brei êa hjan lu snăk; Ih lŏ bi mơai ngăn dưn Ih tơdah gơ̆ êmăn leh.

Klei Kbiă 19:16

Ti aguah hruê tal tlâo, mâo grăm kmlă leh anăn knam kpal ti dlông čư̆; arăng hmư̆ asăp ki kraih snăk, snăn jih jang phung ƀuôn sang dôk hlăm anôk jưh ktư̆ yơ̆ng.

Klei Kbiă 19:20

Snăn Yêhôwa trŭn ti čŏng čư̆ Sinai, leh anăn Yêhôwa iêô Y-Môis brei đĭ ti dlông čư̆. Leh anăn Y-Môis đĭ čư̆ mơh.

Klei Kbiă 20:18

Tơdah jih jang phung ƀuôn sang ƀuh grăm, kmlă, asăp ki, leh anăn čư̆ bi kbiă săp pui, diñu huĭ ktư̆ yơ̆ng asei mlei, leh anăn ñĕ dôk kbưi.

Klei Kbiă 24:12

Yêhôwa lač kơ Y-Môis, “Đĭ hriê bĕ kơ Kâo ti dlông čư̆ leh anăn dôk guôn tinăn. Kâo srăng brei mdhă boh tâo kơ ih, klei bhiăn leh anăn klei Kâo mtă čih leh čiăng kơ ih dưi bi hriăm diñu.”

Klei Kbiă 24:18

Y-Môis mŭt ti krah knam leh anăn đĭ ti dlông čư̆. Y-Môis dôk ti dlông čư̆ pă pluh hruê leh anăn pă pluh mlam.

Klei Kbiă 34:2

Dôk kăp mơ̆ng ưm leh anăn đĭ nao bĕ čư̆ Sinai ti aguah, leh anăn bi êdah ih pô tinăn ti anăp Kâo ti čŏng čư̆.

Klei Kbiă 34:6

Yêhôwa găn ti anăp ñu leh anăn hưn, “Yêhôwa, Yêhôwa, Aê Diê bŏ hŏng klei jăk leh anăn thâo pap, amâo djăl ăl ôh, mdrŏng hŏng klei khăp leh anăn hŏng klei sĭt suôr.

Y-Êsai 30:30

Leh anăn Yêhôwa srăng brei arăng hmư̆ asăp kdrăm Ñu, leh anăn brei arăng ƀuh kngan Ñu čăm hŏng klei ngêñ ktang leh anăn hŏng êlah pui trơ̆ng, hŏng angĭn ktang, angĭn êbŭ, leh anăn boh tâo pliêr.

Y-Êsêkiêl 1:4

Êjai kâo dlăng, nĕ anei mâo sa angĭn êbŭ hriê mơ̆ng dưr, mâo sa knam prŏng, mâo klei mngač jŭm dar ñu, mâo pui trơ̆ng nanao mơ̆ng knam, ti krah pui anăn mâo msĕ si kông ktlă mngač.

Y-Êsêkiêl 37:7

Snăn kâo hưn êlâo tui si klei mtă leh kơ kâo; leh anăn êjai kâo hưn êlâo, mâo sa ênai, leh anăn nĕ anei, mâo lăn kpư̆ mgei leh anăn klang bi kkuh mbĭt, tui si mta diñu.

Y-Nahum 1:3

Yêhôwa amâo djăl ăl ôh leh anăn mâo klei myang prŏng, leh anăn hơăi Yêhôwa amâo srăng brei pô soh tlaih kơ klei bi kmhal ôh. Êlan Ñu hlăm angĭn đrŭng leh anăn hlăm angĭn êbŭ, leh anăn knam jing ƀruih jơ̆ng Ñu.

Y-Sakari 14:5

Diih srăng êran đuĕ hŏng tlung čư̆ Kâo, kyuadah tlung čư̆ srăng truh ti anôk Asel. Diih srăng êran đuĕ msĕ si diih đuĕ leh mơ̆ng klei yơ̆ng lăn ala hlăm ênuk Y-Usia mtao čar Yuđa. Hlăk anăn Yêhôwa Aê Diê kâo srăng hriê, leh anăn jih jang phung doh jăk mbĭt hŏng ñu.

Y-Sakari 4:6

Ñu lač kơ kâo, “Anei jing klei Yêhôwa blŭ kơ Y-Sôrôbabel: ‘Amâo djŏ hŏng klei myang ôh, kăn djŏ hŏng klei ktang rei, ƀiădah hŏng Mngăt Myang Kâo,’ Yêhôwa kơ phung kahan lač.

Y-Mathiơ 24:7

Kyuadah sa phung găp djuê mnuih srăng bi kdơ̆ng hŏng sa phung găp djuê mnuih mkăn, leh anăn sa boh ƀuôn ala mtao srăng bi kdơ̆ng hŏng sa boh ƀuôn ala mtao mkăn, leh anăn srăng mâo klei ư̆ êpa leh anăn klei yơ̆ng lăn ala hlăm lu bĭt anôk.

Y-Mathiơ 28:2

Nĕ anei, mâo klei yơ̆ng lăn ala ktang, kyuadah sa čô dĭng buăl jăk Khua Yang trŭn mơ̆ng adiê hriê bi klŭng hĕ boh tâo kđhăp msat, leh anăn dôk gŭ ti dlông boh tâo anăn.

Hêbrơ 12:26

Hlăk anăn asăp Ñu blŭ êyuh lăn ala; ƀiădah ară anei Ñu ƀuăn leh, “Lŏ sa blư̆ Kâo srăng êyuh amâo djŏ knŏng lăn ala ôh, ƀiădah wăt adiê msĕ mơh.”

Klei Bi Êdah 11:19

Arăng pŏk sang kkuh mpŭ Aê Diê hlăm adiê, leh anăn hip klei Ñu bi mguôp bi êdah hlăm sang kkuh mpŭ Ñu; leh anăn mâo kmlă, ênai ktang, grăm đah, klei yơ̆ng lăn ala, leh anăn boh tâo pliêr prŏng.

Klei Bi Êdah 16:18

Leh anăn mâo kmlă, ênai ktang, grăm đah, leh anăn klei yơ̆ng lăn ala ktang, amâo tuôm mâo ôh klei yơ̆ng lăn ala msĕ snăn dơ̆ng mơ̆ng mnuih dôk ti lăn ala.

Klei Bi Êdah 20:11

Leh anăn kâo ƀuh sa boh jhưng mtao kô̆ prŏng leh anăn Pô dôk gŭ tinăn. Lăn ala leh anăn adiê đuĕ mơ̆ng anăp ƀô̆ mta Ñu, leh anăn amâo lŏ mâo anôk kơ digơ̆ ôh.

I Y-Samuel 14:15

Mâo klei huĭ snăk hlăm kđông, hlăm hma, leh anăn hlăm jih phung ƀuôn sang; phung kahan hlăm kđông leh anăn phung êpul tlĕ kăp bi rai ktư̆ yơ̆ng; lăn ktư̆ yơ̆ng, leh anăn mâo klei bi huĭ prŏng snăk.