I Bruă Mtao 18:7 - Klei Aê Diê Blŭ 2015

⁷ Êjai Y-Apdia êbat ktuê êlan, nĕ anei Y-Êli bi tuôm hŏng ñu. Y-Apdia thâo kral leh gơ̆, leh anăn buôn kŭp ƀô̆ ti lăn leh anăn lač, “Ih hĕ, Ơ khua kâo Y-Êli?”

I Bruă Mtao 18:7 Iomraidhean Croise

Klei Mphŭn Dơ̆ng 18:12

H'Sara tlao hlăm ai tiê ñu, lač, “Kâo mduôn leh, leh anăn ung kâo mduôn mơh; si kâo lŏ dưi dôk hŏng ung kâo?”

Klei Mphŭn Dơ̆ng 18:2

Ñu kngưr ală dlăng leh anăn nĕ anei, mâo tlâo čô mnuih dôk dơ̆ng ti anăp ñu. Tơdah ñu ƀuh digơ̆, ñu êran nao bi tuôm hŏng digơ̆ mơ̆ng ƀăng bhă sang čhiăm leh anăn buôn kŭp ti lăn.

Klei Mphŭn Dơ̆ng 44:16

Y-Yuđa lač, “Ya hmei dưi lač kơ khua kâo? Ya klei hmei dưi blŭ? Si hmei dưi mgang hmei pô? Aê Diê ƀuh leh klei wê phung dĭng buăl ih. Nĕ anei, hmei jing hlŭn khua kâo, hmei leh anăn pô hlăm kdô ñu anăn arăng ƀuh kčok.”

Klei Mphŭn Dơ̆ng 44:20

Hmei lač kơ khua kâo, ‘Hmei mâo sa čô ama mduôn leh, leh anăn sa čô adei mda arăng kkiêng kơ ñu hlăk ñu mduôn. Ayŏng hđeh anăn djiê leh, leh anăn knŏng hjăn ñu adôk mơ̆ng phung anak amĭ ñu. Ama ñu khăp kơ ñu.’

Klei Mphŭn Dơ̆ng 44:33

Ară anei lĕ, kâo akâo kơ ih brei dĭng buăl ih dưi dôk jing hlŭn khua kâo hrô hđeh êdam anăn; leh anăn brei hđeh êdam wĭt mbĭt hŏng phung ayŏng ñu.

Klei Mphŭn Dơ̆ng 50:18

Phung ayŏng adei ñu hia, leh anăn buôn ti anăp ñu leh anăn lač, “Nĕ anei, hmei jing dĭng buăl ih.”

II Y-Samuel 19:18

Diñu găn anôk găn êa čiăng atăt ba phung hlăm sang mtao găn êa, leh anăn kăp ngă klei ñu čiăng. Y-Simei anak êkei Y-Gêra buôn ti lăn ti anăp mtao hlăk mtao dơ̆ng găn êa krông Yurdan

I Bruă Mtao 11:29

Hlăm ênuk anăn tơdah Y-Jêrôbôam kbiă mơ̆ng ƀuôn Yêrusalem, khua pô hưn êlâo Y-Ahija êkei ƀuôn Silô bi tuôm hŏng ñu ti êlan. Y-Ahija hơô sa blah ao mrâo; leh anăn diñu dua dôk hjăn hlăm hma.

I Bruă Mtao 18:6

Snăn diñu bi mbha čar hdơ̆ng diñu čiăng găn tar ƀar. Y-Ahap nao hjăn ñu pô sa bĭt êlan, leh anăn Y-Apdia nao sa bĭt êlan mkăn hjăn ñu pô.

I Bruă Mtao 18:8

Gơ̆ lŏ wĭt lač, “Kâo yơh, nao hưn bĕ kơ khua ih, ‘Nĕ tinei Y-Êli.’ ”

Y-Êsai 60:14

Phung anak êkei phung ktư̆ juă ih srăng hriê lua kkuh kơ ih; leh anăn jih jang phung bi êmut kơ ih srăng buôn ti anăp jơ̆ng ih. Diñu srăng pia ih Ƀuôn Yêhôwa, Ƀuôn Siôn kơ Pô Doh Jăk Israel.

Klei Yap 12:11

Y-Arôn lač kơ Y-Môis, “Ơ khua kâo, đăm bi kmhal hmei ôh kyuadah hmei ngă leh hŏng klei mluk leh anăn ngă soh leh.

Y-Mathiơ 11:8

Snăn ya klei diih čiăng lŏ nao lĕ? Čiăng dlăng sa čô mnuih hơô ao siam mơ̆? Nĕ anei, phung hơô ao siam dôk hlăm sang phung mtao.

Y-Mathiơ 3:4

Y-Yôhan hơô ao mlâo aseh samô leh anăn hyuă hdrăng kơiêng klĭt. Ñu ƀơ̆ng ktuôp leh anăn êa hnuê dliê.

I Y-Samuel 20:41

Leh blŭ dĭng buăl anăn đuĕ nao, Y-Đawit kgŭ mơ̆ng djiêô kăm boh tâo leh anăn kŭp ƀô̆ ti lăn leh anăn kkui kkuh tlâo blư̆. Diñu bi čŭm hdơ̆ng diñu, leh anăn hia mđrăm mbĭt, ƀiădah Y-Đawit hia lu hĭn.