I Bruă Mtao 18:1 - Klei Aê Diê Blŭ 2015

¹ Leh êgao lu hruê Yêhôwa blŭ kơ Y-Êli hlăm thŭn tal tlâo klei ư̆ pap prŏng, lač, “Nao bi êdah bĕ ih pô kơ Y-Ahap; leh anăn Kâo srăng brei adiê hjan ti lăn ala.”

I Bruă Mtao 18:1 Iomraidhean Croise

I Bruă Mtao 17:1

Y-Êli êkei ƀuôn Tisbê hlăm čar Galaat lač kơ Y-Ahap, “Tui si Yêhôwa Aê Diê Israel dôk hdĭp, ti anăp ñu kâo dôk dơ̆ng, amâo srăng mâo êa nguôm, kăn mâo hjan rei hlăm đa đa thŭn anei, knŏng tui si kâo blŭ.”

I Bruă Mtao 17:15

Ñu nao leh anăn ngă tui si klei Y-Êli lač. Ñu wăt Y-Êli leh anăn phung hlăm sang ñu ƀơ̆ng êjai lu hruê.

I Bruă Mtao 17:7

Êdei ƀiă tinăn, êa hnoh khuôt hĕ, kyuadah amâo mâo êa hjan ôh hlăm čar.

I Bruă Mtao 18:2

Snăn Y-Êli nao bi êdah gơ̆ pô kơ Y-Ahap. Klei ư̆ êpa jing kjham ti čar Samari.

I Bruă Mtao 8:36

snăn brei Ih hmư̆ diñu mơ̆ng adiê, leh anăn pap brei kơ klei soh phung dĭng buăl Ih, phung ƀuôn sang Israel, êjai Ih bi hriăm diñu êlan jăk diñu srăng êbat; leh anăn brei mâo êa hjan kơ lăn Ih, lăn Ih brei leh kơ phung ƀuôn sang Ih jing ngăn dưn.

Y-Êsai 5:6

Kâo srăng brei ñu rai, arăng amâo srăng lŏ mkra adhan ñu, amâo lŏ mbŭ phŭn ñu ôh; êruê hruĕ leh anăn êruê ana srăng čăt tinăn. Leh anăn Kâo srăng mtă kơ knam amâo lŏ brei êa hjan kơ ñu ôh.

Y-Yêrêmi 10:13

Tơdah Ñu blŭ mâo msĕ si ênai êa poh yă hlăm phung adiê, leh anăn Ñu brei êa nguôm đĭ tar ƀar anôk ti lăn ala. Ñu brei kmlă mtrang êjai adiê hjan, leh anăn Ñu brei angĭn thut mơ̆ng hjiê Ñu.

Y-Yêrêmi 14:22

Mâo mơ̆ phung yang amâo sĭt phung găp djuê mnuih dưi bi truh êa hjan? Amâodah dưi mơ̆ adiê bi lĕ êa hjan? Amâo djŏ hĕ Ih yơh, Ơ Yêhôwa Aê Diê hmei, dưi ngă klei anăn? Hmei dôk čang hmăng kơ Ih, kyuadah Ih yơh ngă jih klei anăn.”

Y-Yôel 2:23

Mơak bĕ, Ơ phung ƀuôn sang ƀuôn Siôn, leh anăn hơ̆k bĕ hlăm Yêhôwa Aê Diê diih; kyuadah Ñu brei leh kơ diih hjan hnưm kyua klei kpă ênô diih, Ñu tuh leh kơ diih hjan lu êbeh, hjan hnưm leh anăn knhal tuč, msĕ si êlâo.

Bruă Lêwi 26:4

snăn Kâo srăng brei kơ diih êa hjan djŏ yan gơ̆, lăn srăng mâo boh, leh anăn ana kyâo hlăm hma srăng mboh.

Y-Amôs 4:7

“Leh anăn msĕ mơh Kâo amâo brei ôh êa hjan kơ diih, tơdah ăt dôk tlâo mlan tơl yan puôt wiă. Kâo mơĭt hjan ti dlông sa boh ƀuôn prŏng, leh anăn Kâo amâo mơĭt hjan ôh ti dlông ƀuôn prŏng mkăn. Sa boh hma mâo leh êa hjan, leh anăn hma mkăn dliu amâo mâo êa hjan ôh.

Y-Luk 4:25

Kâo lač kơ diih sĭt nik, ênuk Y-Êli mâo lu phung mniê djiê ung hlăm čar Israel êjai adiê không tlâo thŭn mkrah, mâo klei ư̆ êpa prŏng truh kơ tar ƀar čar.

Klei Mtô Mñă Klei Bhiăn 28:12

Yêhôwa srăng pŏk kơ diih ngăn yuôm Ñu hlăm adiê, čiăng brei êa hjan kơ čar diih djŏ yan gơ̆, leh anăn čiăng brei klei jăk jĭn kơ jih jang bruă kngan diih ngă; leh anăn diih srăng brei kơ lu găp djuê čan, ƀiădah diih amâo srăng čan ôh.

Y-Yakơ 5:17

Y-Êli jing mnuih msĕ si drei. Ñu wah lač hŏng jih ai tiê čiăng kơ adiê amâo hjan ôh, leh anăn êjai tlâo thŭn năm mlan adiê amâo hjan ôh ti lăn ala.

Klei Bi Êdah 11:2

Ƀiădah đăm mkă ôh wăl ti êngao sang kkuh mpŭ; lui ñu, kyuadah arăng jao ñu leh kơ phung găp djuê mnuih, leh anăn diñu srăng juă ƀuôn doh jăk êjai pă pluh dua mlan.

Klei Bi Êdah 11:6

Diñu mâo klei dưi kđăl adiê, čiăng kơ đăm mâo êa hjan ôh êjai dŭm hruê diñu hưn êlâo. Leh anăn diñu mâo klei dưi bi mlih êa jing êrah, leh anăn dưi brei djăp mta klei bi knap kơ lăn ala tui si diñu čiăng.