I Bruă Mtao 17:12 - Klei Aê Diê Blŭ 2015

¹² Leh anăn gơ̆ lač, “Tui si Yêhôwa Aê Diê ih dôk hdĭp, kâo amâo mâo sa klŏ ôh, knŏng sa kpăt kpŭng ƀhĭ hlăm čeh, leh anăn êa boh ôliwơ ƀiă hlăm giêt. Ară anei kâo dôk duñ dua ƀĕ djuh čiăng kơ kâo dưi nao leh anăn mkra mnơ̆ng anăn kơ kâo leh anăn kơ anak êkei kâo, čiăng kơ hmei dưi ƀơ̆ng leh anăn djiê.”

I Bruă Mtao 17:12 Iomraidhean Croise

Klei Mphŭn Dơ̆ng 21:15

Tơdah êa hlăm giêt jih leh, ñu lui anak ñu ti gŭ ƀur kyâo.

Klei Mphŭn Dơ̆ng 21:16

Leh anăn ñu nao dôk gŭ kbưi ƀiă hŏng gơ̆, sa wang arăng mnah ƀrăm; kyuadah ñu lač, “Đăm brei kâo ƀuh ôh anak kâo djiê.” Êjai ñu dôk kbưi hŏng gơ̆ ñu ur hia.

II Y-Samuel 15:21

Ƀiădah Y-Itai lŏ wĭt lač kơ mtao, “Tui si Yêhôwa dôk hdĭp, leh anăn tui si khua kâo mtao dôk hdĭp, ti anôk khua kâo mtao srăng dôk, thâodah kơ klei djiê amâodah kơ klei hdĭp, tinăn mơh dĭng buăl ih srăng dôk.”

I Bruă Mtao 17:1

Y-Êli êkei ƀuôn Tisbê hlăm čar Galaat lač kơ Y-Ahap, “Tui si Yêhôwa Aê Diê Israel dôk hdĭp, ti anăp ñu kâo dôk dơ̆ng, amâo srăng mâo êa nguôm, kăn mâo hjan rei hlăm đa đa thŭn anei, knŏng tui si kâo blŭ.”

I Bruă Mtao 17:11

Êjai gơ̆ nao mă ba êa, ñu iêô gơ̆ leh anăn lač, “Djă ba kơ kâo sa klŏ kpŭng.”

I Bruă Mtao 17:13

Y-Êli lač kơ ñu, “Đăm huĭ ôh, nao ngă bĕ tui si ih lač leh; ƀiădah êlâo hĭn ngă kơ kâo sa klŏ ƀêñ điêt hŏng mnơ̆ng anăn leh anăn djă ba gơ̆ kơ kâo, leh anăn kơh mkra kơ ih pô leh anăn anak êkei ih.

Y-Yêrêmi 14:18

Tơdah kâo nao kơ hma, nĕ anei, mâo tinăn phung djiê leh hŏng đao gưm! Leh anăn tơdah kâo mŭt hlăm ƀuôn, nĕ anei, mâo tinăn lu klei ruă mơ̆ng klei ư̆ êpa! Kyuadah phung khua pô hưn êlâo wăt phung khua ngă yang hiu rưng hlăm čar diñu amâo thâo ôh.’ ”

Y-Yêrêmi 4:2

leh anăn tơdah ih kat asei, ‘Tui si Yêhôwa dôk hdĭp,’ hŏng klei sĭt nik, hŏng klei kpă, leh anăn hŏng klei djŏ, snăn Yêhôwa srăng hơêč hmưi kơ phung găp djuê mnuih, leh anăn hlăm Gơ̆ diñu srăng mâo klei guh kơang.”

Y-Yêrêmi 5:2

Wăt tơdah diñu lač, ‘Tui si Yêhôwa dôk hdĭp,’ ăt diñu kat asei hŏng klei luar.”

Klei Čŏk Hia 4:9

Phung djiê kyua đao gưm jing mơak hĭn kơ phung djiê kyua klei ư̆ êpa, diñu djiê ênguôt kyua kƀah boh mơ̆ng hma.

Y-Mathiơ 26:7

êjai Ñu dôk huă ƀơ̆ng mâo sa čô mniê djă sa giêt êa ƀâo mngưi yuôm snăk nao kơ Ñu leh anăn hlĭng êa ƀâo mngưi anăn ti boh kŏ Ñu.

I Y-Samuel 14:39

Kyuadah tui si Yêhôwa dôk hdĭp, Pô bi mtlaih phung Israel, wăt tơdah klei soh anăn djŏ kơ Y-Jônathan anak êkei kâo pô dưn, ñu srăng djiê sĭt nik yơh.” Ƀiădah amâo mâo sa čô êkei ti krah jih jang phung ƀuôn sang lŏ wĭt lač kơ ñu ôh.

I Y-Samuel 14:45

Hlăk anăn phung ƀuôn sang lač kơ Y-Sôl, “Si ngă, Y-Jônathan srăng djiê mơ̆, pô bi truh leh klei dưi prŏng anei hlăm phung Israel? Hơăi, amâo djŏ snăn ôh! Tui si Yêhôwa dôk hdĭp, sa aruăt ƀŭk mơ̆ng boh kŏ ñu amâo srăng luh ti lăn ôh; kyuadah ñu ngă bruă mbĭt hŏng Aê Diê hruê anei.” Snăn phung ƀuôn sang bi mtlaih Y-Jônathan, gơ̆ amâo djiê ôh.

I Y-Samuel 20:21

Leh klei anăn, kâo srăng tiŏ nao dĭng buăl kâo, lač, ‘Nao duah bĕ ƀrăm.’ Tơdah kâo lač kơ êkei anăn, ‘Dlăng bĕ, ƀrăm dôk tĭng nah anei anôk ih, mă digơ̆!’, snăn brei ih hriê yơh, kyuadah tui si Yêhôwa dôk hdĭp, snăn hơĭt yơh kơ ih, amâo mâo klei jŭ jhat ôh.

I Y-Samuel 20:3

Ƀiădah Y-Đawit lŏ wĭt lač hŏng klei kat asei, “Ama ih thâo klă leh kơ kâo mâo klei pap ti anăp ală ih; snăn ñu mĭn, ‘Đăm brei Y-Jônathan thâo klei anei ôh, huĭdah ñu ênguôt.’ Ƀiădah sĭt nik, tui si Yêhôwa dôk hdĭp leh anăn mngăt ih dôk hdĭp, mâo knŏng sa knhuang plah wah kâo hŏng klei djiê.”

I Y-Samuel 25:26

Snăn ară anei, Ơ khua kâo, tui si Yêhôwa dôk hdĭp leh anăn tui si mngăt ih dôk hdĭp, kyuadah Yêhôwa kơ̆ng leh ih mơ̆ng klei soh tuh êrah, leh anăn mơ̆ng klei rŭ ênua hŏng kngan ih pô, ară anei brei phung roh ih leh anăn phung duah čiăng ngă jhat kơ khua kâo jing msĕ si Y-Nabal.

I Y-Samuel 26:10

Leh anăn Y-Đawit lač, “Tui si Yêhôwa dôk hdĭp, Yêhôwa pô yơh srăng čăm ñu, amâodah hruê ñu djiê srăng truh, amâodah ñu srăng nao bi blah leh anăn rai tuč.