I Bruă Mtao 17:1 - Klei Aê Diê Blŭ 2015

¹ Y-Êli êkei ƀuôn Tisbê hlăm čar Galaat lač kơ Y-Ahap, “Tui si Yêhôwa Aê Diê Israel dôk hdĭp, ti anăp ñu kâo dôk dơ̆ng, amâo srăng mâo êa nguôm, kăn mâo hjan rei hlăm đa đa thŭn anei, knŏng tui si kâo blŭ.”

I Bruă Mtao 17:1 Iomraidhean Croise

I Bruă Mtao 17:12

Leh anăn gơ̆ lač, “Tui si Yêhôwa Aê Diê ih dôk hdĭp, kâo amâo mâo sa klŏ ôh, knŏng sa kpăt kpŭng ƀhĭ hlăm čeh, leh anăn êa boh ôliwơ ƀiă hlăm giêt. Ară anei kâo dôk duñ dua ƀĕ djuh čiăng kơ kâo dưi nao leh anăn mkra mnơ̆ng anăn kơ kâo leh anăn kơ anak êkei kâo, čiăng kơ hmei dưi ƀơ̆ng leh anăn djiê.”

I Bruă Mtao 17:2

Leh anăn Yêhôwa blŭ kơ ñu,

I Bruă Mtao 18:1

Leh êgao lu hruê Yêhôwa blŭ kơ Y-Êli hlăm thŭn tal tlâo klei ư̆ pap prŏng, lač, “Nao bi êdah bĕ ih pô kơ Y-Ahap; leh anăn Kâo srăng brei adiê hjan ti lăn ala.”

I Bruă Mtao 18:10

Tui si Yêhôwa Aê Diê ih dôk hdĭp amâo mâo sa găp djuê mnuih amâodah sa boh ƀuôn ala mtao khua kâo amâo tuôm tiŏ ôh arăng nao duah ih; leh anăn tơdah arăng lač, ‘Ñu amâo tinei ôh,’ ñu brei ƀuôn ala mtao amâodah găp djuê anăn kat asei kơ klei diñu amâo ƀuh ih ôh.

I Bruă Mtao 18:15

Y-Êli lač, “Tui si Yêhôwa kơ phung kahan dôk hdĭp, ti anăp Ñu kâo dôk dơ̆ng, sĭt nik kâo srăng bi êdah kâo pô kơ ñu hruê anei.”

I Bruă Mtao 22:14

Ƀiădah Y-Mika lač, “Tui si Yêhôwa dôk hdĭp, ya klei Yêhôwa lač kơ kâo, klei anăn kâo srăng blŭ.”

I Bruă Mtao 8:35

Tơdah adiê không hĕ leh anăn amâo lŏ mâo êa hjan ôh kyuadah diñu ngă soh leh hŏng Ih, tơdah diñu wah lač phă anôk anei, leh anăn hưn klei diñu đăo kơ anăn Ih, leh anăn lui klei soh diñu, êjai Ih bi knap diñu,

II Bruă Mtao 1:3

Ƀiădah dĭng buăl jăk Yêhôwa lač kơ Y-Êli êkei ƀuôn Tisbê, “Kgŭ đĭ nao bĕ bi tuôm hŏng phung mnuih mtao Samari tiŏ nao, leh anăn lač kơ digơ̆, ‘Djŏ mơ̆ kyuadah amâo mâo Aê Diê ôh hlăm phung Israel tơl diih nao êmuh kơ Baal-Sêbup yang ƀuôn Êkron?’

II Bruă Mtao 3:14

Y-Êlisê lač, “Tui si Yêhôwa kơ phung kahan dôk hdĭp, kơ Ñu kâo mă bruă, tơdah kâo amâo mâo klei uêñ ôh kơ Y-Jôsaphat mtao Yuđa, kâo amâo čiăng dlăng kơ ih ôh, kăn čiăng ƀuh ih rei.

II Bruă Mtao 4:38

Y-Êlisê lŏ hriê kơ ƀuôn Gilgal hlăk mâo klei ư̆ êpa hlăm čar. Êjai phung anak êkei phung khua pô hưn êlâo dôk gŭ ti anăp ñu, ñu lač kơ dĭng buăl ñu, “Drŏng gŏ prŏng, leh anăn riă bur kơ phung anak êkei phung khua pô hưn êlâo.”

II Bruă Mtao 5:16

Ƀiădah Y-Êlisê lač, “Tui si Yêhôwa dôk hdĭp, kơ Ñu kâo mă bruă, kâo amâo srăng mă tŭ sa mnơ̆ng ôh.” Y-Naaman mtrŭt ñu mă tŭ mnơ̆ng anăn, ƀiădah ñu hngah.

II Bruă Mtao 5:20

Y-Gêhasi, dĭng buăl Y-Êlisê mnuih Aê Diê, lač, “Nĕ anei, khua kâo hơiêng leh kơ Y-Naaman êkei Siri anăn hlăm klei amâo mă tŭ ôh mơ̆ng kngan gơ̆ ya mnơ̆ng gơ̆ ba. Tui si Yêhôwa dôk hdĭp, kâo srăng êran tiŏ gơ̆ leh anăn mă đa đa mnơ̆ng mơ̆ng gơ̆.”

II Klei Yăl Dliê 21:12

Arăng ba hră kơ ñu mơ̆ng khua pô hưn êlâo Y-Êli, lač, “Snei Yêhôwa Aê Diê Y-Đawit aê ih lač, ‘Kyuadah ih amâo êbat ôh hlăm êlan Y-Jôsaphat ama ih, amâodah hlăm êlan Y-Asa mtao Yuđa,

II Klei Yăl Dliê 6:26

Tơdah adiê không leh anăn amâo mâo êa hjan ôh kyuadah diñu ngă soh leh hŏng Ih, tơdah diñu wah lač phă anôk anei, leh anăn tŭ anăn Ih, leh anăn lui klei soh diñu tơdah Ih bi knap diñu,

Y-Yôp 12:15

Tơdah Ñu kơ̆ng hĕ êa, digơ̆ khuôt; tơdah Ñu brei digơ̆ đoh, digơ̆ lip čar.

Y-Êsai 49:18

Kngưr ală ih dlăng jŭm dar; jih jang diñu bi kƀĭn mbĭt hriê kơ ih. Tui si Kâo dôk hdĭp, Yêhôwa lač, ih srăng bi hơô ih pô hŏng jih jang diñu msĕ si kdrăp siam, ih srăng hyuă ih pô hŏng diñu msĕ si sa čô mniê bi kuôl leh.

Y-Êsai 5:6

Kâo srăng brei ñu rai, arăng amâo srăng lŏ mkra adhan ñu, amâo lŏ mbŭ phŭn ñu ôh; êruê hruĕ leh anăn êruê ana srăng čăt tinăn. Leh anăn Kâo srăng mtă kơ knam amâo lŏ brei êa hjan kơ ñu ôh.

Y-Yêrêmi 14:22

Mâo mơ̆ phung yang amâo sĭt phung găp djuê mnuih dưi bi truh êa hjan? Amâodah dưi mơ̆ adiê bi lĕ êa hjan? Amâo djŏ hĕ Ih yơh, Ơ Yêhôwa Aê Diê hmei, dưi ngă klei anăn? Hmei dôk čang hmăng kơ Ih, kyuadah Ih yơh ngă jih klei anăn.”

Y-Yêrêmi 15:19

Kyuanăn snei Yêhôwa lač: “Tơdah ih kmhal, Kâo srăng lŏ mjing ih čiăng kơ ih dưi mă bruă kơ Kâo. Tơdah ih hưn klei yuôm leh anăn amâo blŭ ôh klei hơăi mang, ih srăng jing msĕ si ƀăng êgei Kâo. Brei phung ƀuôn sang anei wir phă ih, ƀiădah đăm ih wir phă diñu ôh.

Y-Yêrêmi 28:8

Phung khua pô hưn êlâo ênuk đưm êlâo kơ ih leh anăn kơ kâo hưn êlâo srăng mâo klei bi blah, klei ư̆ êpa, leh anăn klei ruă tưp srăng truh kơ lu boh čar leh anăn lu ƀuôn ala mtao prŏng.

Y-Agê 1:10

Kyuanăn adiê ti dlông kơ̆ng hĕ leh êa nguôm, leh anăn lăn ala kơ̆ng hĕ boh gơ̆.

Y-Mathiơ 11:14

Leh anăn tơdah diih srăng tŭ, ñu yơh Y-Êli pô srăng hriê.

Y-Mathiơ 16:14

Leh anăn digơ̆ lač, “Đa đa lač Y-Yôhan Pô Ngă Ƀaptem, phung mkăn lač Y-Êli, leh anăn đa phung mkăn lač Y-Yêrêmi amâodah sa čô hlăm phung khua pô hưn êlâo.”

Y-Mathiơ 27:47

Đa đa phung dôk giăm hmư̆ klei anăn leh anăn lač, “Êkei anei iêô Y-Êli.”

Y-Mathiơ 27:49

Ƀiădah phung mkăn lač, “Guôn bĕ! brei drei kăp dlăng thâodah Y-Êli srăng hriê bi mtlaih ñu.”

Y-Mathiơ 7:29

kyuadah Ñu mtô kơ digơ̆ hŏng klei kơhưm, amâo djŏ msĕ si phung khua čih hră digơ̆ ôh.

Y-Luk 1:17

Gơ̆ srăng nao ti anăp Khua Yang hŏng ai mĭn leh anăn klei myang Y-Êli, čiăng bi grăng ai tiê phung ama hŏng phung anak diñu, leh anăn bi wir phung amâo thâo gưt asăp kơ klei thâo mĭn phung kpă, čiăng mkra sa phung găp djuê bi jăk kơ Khua Yang.”

Y-Luk 1:19

Dĭng buăl jăk lŏ wĭt lač kơ ñu, “Kâo gơ̆ Gabriel, pô dôk ti anăp Aê Diê. Aê Diê tiŏ hriê kâo blŭ hrăm hŏng ih leh anăn hưn kơ ih klei mrâo mrang jăk anei.

Y-Luk 21:36

Ƀiădah kăp răng nanao, leh anăn wah lač čiăng kơ diih mâo klei ktang dưi tlaih mơ̆ng jih klei srăng truh anăn, leh anăn dưi dôk dơ̆ng ti anăp Anak Mnuih.”

Y-Luk 9:30

Leh anăn nĕ anei, mâo dua čô êkei, Y-Môis leh anăn Y-Êli, dôk blŭ hrăm hŏng Ñu.

Y-Luk 9:33

Êjai dua čô êkei anăn dơ̆ng đuĕ mơ̆ng Yêsu, Y-Pêtrôs lač kơ Ñu, “Ơ Nai, jăk yơh drei dôk tinei; brei hmei ngă tlâo boh sang čhiăm, sa boh kơ Ih, sa boh kơ Y-Môis, leh anăn sa boh kơ Y-Êli.” Gơ̆ amâo thâo ôh ya klei gơ̆ lač.

Y-Luk 9:54

Tơdah phung ƀĭng kna Ñu Y-Yakơ leh anăn Y-Yôhan ƀuh klei anăn, digơ̆ lač, “Ơ Khua Yang, Ih čiăng mơ̆ hmei mtă kơ pui trŭn mơ̆ng adiê leh anăn čuh hĕ diñu?”

Y-Yôhan 1:21

Leh anăn digơ̆ êmuh ñu, “Snăn si ngă, ih jing Y-Êli mơ̆?” Ñu lač, “Kâo amâo jing Y-Êli ôh.” Digơ̆ lŏ êmuh, “Ih jing khua pô hưn êlâo mơ̆?” Ñu lŏ wĭt lač, “Hơăi.”

Y-Yôhan 1:25

digơ̆ êmuh kơ Y-Yôhan, “Tơdah ih amâo jing Yang Krist ôh, kăn djŏ Y-Êli, kăn djŏ khua pô hưn êlâo rei, snăn si ih dưi ngă ƀaptem lĕ?”

Bruă Phung Khua Ƀĭng Kna 27:23

Kyuadah mlam mlei Aê Diê, Pô jing khua kâo leh anăn Pô kâo kkuh mpŭ, tiŏ hriê sa čô dĭng buăl jăk Ñu dôk dơ̆ng giăm kâo leh anăn lač,

Hră Y-Pôl Mơĭt kơ Phung Rôm 11:2

Aê Diê amâo tuôm hngah ôh kơ phung ƀuôn sang Ñu thâo kral leh mơ̆ng êlâo. Diih amâo thâo hĕ ya Klei Aê Diê Blŭ čih djŏ kơ Y-Êli, si ñu kčŭt kơ Aê Diê brei bi kdơ̆ng hŏng phung Israel?

Klei Mtô Mñă Klei Bhiăn 10:8

Hlăk anăn Yêhôwa pioh brei găp djuê Lêwi, čiăng kkung hip klei bi mguôp Yêhôwa, čiăng dôk ti anăp Yêhôwa, čiăng mă bruă kơ Ñu leh anăn čiăng hơêč hmưi hlăm anăn Ñu truh ti hruê anei.

Y-Yakơ 5:17

Y-Êli jing mnuih msĕ si drei. Ñu wah lač hŏng jih ai tiê čiăng kơ adiê amâo hjan ôh, leh anăn êjai tlâo thŭn năm mlan adiê amâo hjan ôh ti lăn ala.

Klei Bi Êdah 11:6

Diñu mâo klei dưi kđăl adiê, čiăng kơ đăm mâo êa hjan ôh êjai dŭm hruê diñu hưn êlâo. Leh anăn diñu mâo klei dưi bi mlih êa jing êrah, leh anăn dưi brei djăp mta klei bi knap kơ lăn ala tui si diñu čiăng.

Phung Khua Phat Kđi 12:4

Y-Jêptê bi kƀĭn jih jang phung Galaat leh anăn bi blah hŏng phung Êphraim, leh anăn phung êkei čar Galaat ngă kơ phung Êphraim, kyuadah diñu tuôm lač, “Ơ phung Galaat, diih jing phung đuĕ kơ phung Êphraim dôk ti krah phung Êphraim leh anăn phung Manasê.”