I Bruă Mtao 16:21 - Klei Aê Diê Blŭ 2015

²¹ Phung ƀuôn sang Israel bi mbha hlăm dua phung, sa mkrah phung ƀuôn sang tui hlue Y-Tipni anak êkei Y-Ginat, čiăng mjing gơ̆ mtao, leh anăn sa mkrah tui hlue Y-Ômri.

I Bruă Mtao 16:21 Iomraidhean Croise

I Bruă Mtao 15:25

Y-Nadap anak êkei Y-Jêrôbôam dơ̆ng kiă kriê phung Israel hlăm thŭn tal dua Y-Asa mtao Yuđa. Ñu kiă kriê phung Israel dua thŭn.

I Bruă Mtao 15:28

Snăn Y-Baêsa bi mdjiê hĕ Y-Nadap hlăm thŭn tal tlâo Y-Asa mtao Yuđa, leh anăn kiă kriê hrô ñu.

I Bruă Mtao 16:20

Bruă mkăn Y-Simri ngă, leh anăn klei ñu trông čhai leh, amâo djŏ hĕ arăng čih leh hlăm Hdruôm Hră Klei Yăl Dliê kơ Phung Mtao Israel?

I Bruă Mtao 16:22

Ƀiădah phung ƀuôn sang tui hlue Y-Ômri dưi hŏng phung ƀuôn sang tui hlue Y-Tipni anak êkei Y-Ginat. Snăn Y-Tipni djiê, leh anăn Y-Ômri jing mtao.

I Bruă Mtao 16:29

Hlăm thŭn tal tlâo pluh sa păn Y-Asa mtao Yuđa, Y-Ahap anak êkei Y-Ômri dơ̆ng kiă kriê phung Israel, leh anăn Y-Ahap anak êkei Y-Ômri kiă kriê phung Israel hlăm ƀuôn Samari dua pluh dua thŭn.

I Bruă Mtao 16:8

Hlăm thŭn tal dua pluh năm Y-Asa mtao Yuđa, Y-Êla anak êkei Y-Baêsa dơ̆ng kiă kriê phung Israel hlăm ƀuôn Tirsa, leh anăn ñu kiă kriê dua thŭn.

Klei Bi Hriêng 28:2

Hlăm čar mâo klei bi kdơ̆ng mâo lu phung khua kiă kriê mdê mdê, ƀiădah hŏng mnuih thâo mĭn leh anăn thâo săng čar srăng dôk kjăp sui.

Y-Êsai 19:2

“Kâo srăng mčhur ai phung Êjip bi blah hŏng phung Êjip pô: diñu srăng bi kdơ̆ng grăp čô hŏng ayŏng adei diñu, grăp čô hŏng pô riêng gah diñu, ƀuôn hdơ̆ng ƀuôn, ƀuôn ala mtao hdơ̆ng ƀuôn ala mtao.

Y-Mathiơ 12:25

Yêsu thâo klei mĭn diñu leh anăn lač kơ diñu, “Tơdah sa boh ƀuôn ala mtao bi mbha hĕ ñu pô, srăng rai tuč yơh, leh anăn sa boh ƀuôn amâodah sa boh sang bi mbha hĕ ñu pô, amâo srăng dưi dôk ôh.