I Bruă Mtao 16:13 - Klei Aê Diê Blŭ 2015

¹³ kyuadah jih jang klei soh Y-Baêsa leh anăn klei soh Y-Êla anak êkei gơ̆, leh anăn klei digơ̆ bi msoh phung Israel, mčhur Yêhôwa Aê Diê Israel ăl kơ rup yang digơ̆.

I Bruă Mtao 16:13 Iomraidhean Croise

I Bruă Mtao 14:16

Ñu srăng lui phung Israel kyuadah klei Y-Jêrôbôam ngă soh leh, leh anăn klei ñu bi msoh leh phung Israel.”

I Bruă Mtao 15:16

Mâo klei bi blah hdơ̆ng Y-Asa hŏng Y-Baêsa mtao Israel êjai jih ênuk diñu.

I Bruă Mtao 15:30

Klei anăn kyua klei soh Y-Jêrôbôam ngă leh, leh anăn klei ñu bi msoh leh phung Israel, leh anăn kyuadah ñu mčhur Yêhôwa Aê Diê Israel ăl.

I Bruă Mtao 16:26

Kyuadah ñu êbat hlăm jih êlan Y-Jêrôbôam anak êkei Y-Nêbat, leh anăn hlăm klei soh gơ̆ bi msoh leh kơ phung Israel, mčhur Yêhôwa Aê Diê Israel ăl kyua rup yang diñu.

II Bruă Mtao 17:15

Diñu bi êmut kơ klei bhiăn Gơ̆, leh anăn klei bi mguôp Gơ̆ ngă leh hŏng phung aê diñu, leh anăn klei Gơ̆ brei diñu răng. Diñu tui hlue rup yang amâo sĭt, leh anăn diñu pô mơh jing phung amâo sĭt, leh anăn diñu tui hlue phung găp djuê jŭm dar diñu, kyua phung anăn Yêhôwa mtă leh đăm brei diñu ngă msĕ si phung anăn ôh.

Y-Êsai 41:29

Nĕ anei, jih jang diñu jing phung mplư; bruă diñu amâo yuôm ôh; rup yang diñu tuh tia jing angĭn hơăi mang.

Y-Yêrêmi 10:15

Digơ̆ jing hơăi mang, jing bruă klei mplư; truh hruê arăng bi kmhal digơ̆, digơ̆ srăng rai tuč.

Y-Yêrêmi 10:8

Diñu jing mluk mgu; rup kyâo krah bi hriăm diñu.

Y-Yôna 2:8

Phung mpŭ kơ rup yang amâo yuôm hngah klei sĭt suôr.

I Kôrantô 8:4

Snăn bi kơ klei ƀơ̆ng mnơ̆ng arăng myơr leh kơ rup yang, drei thâo “rup yang amâo jing mnơ̆ng sĭt ôh,” leh anăn “amâo mâo yang mkăn ôh, knŏng sa čô Aê Diê.”

Klei Mtô Mñă Klei Bhiăn 32:21

Diñu mčhur leh Kâo brei trih hŏng pô amâo jing Aê Diê ôh; diñu bi riêl ai Kâo hŏng rup yang diñu. Snăn Kâo srăng mčhur diñu brei trih hŏng phung amâo jing sa phung ƀuôn sang ôh; Kâo srăng bi riêl ai diñu hŏng sa phung găp djuê mluk.

I Y-Samuel 12:21

đăm wir nao ôh kơ phung yang hơăi mang amâo dưi brei klei jăk amâodah amâo dưi bi mtlaih ôh, kyuadah klei anăn jing hơăi mang.