I Bruă Mtao 15:5 - Klei Aê Diê Blŭ 2015

⁵ kyuadah Y-Đawit ngă leh ya klei jing kpă ti anăp ală Yêhôwa, leh anăn amâo weh ôh mơ̆ng sa klei gơ̆ mtă leh kơ ñu jih ênuk ñu dôk hdĭp, knŏng hlăm klei Y-Uri êkei Hitit.

I Bruă Mtao 15:5 Iomraidhean Croise

I Bruă Mtao 14:8

Kâo sua mă leh ƀuôn ala mtao mơ̆ng sang Y-Đawit leh anăn jao gơ̆ kơ ih; ƀiădah ih amâo tuôm jing msĕ si dĭng buăl Kâo Y-Đawit ôh, pô djă pioh leh klei Kâo mtă, leh anăn tui hlue leh Kâo hŏng jih ai tiê ñu, ngă knŏng ya klei jing kpă ti anăp ală Kâo.

I Bruă Mtao 15:3

Ñu êbat hlăm jih jang klei soh ama ñu ngă leh êlâo kơ ñu; leh anăn ai tiê ñu amâo jing sĭt suôr klă ôh hŏng Yêhôwa Aê Diê ñu, msĕ si ai tiê Y-Đawit aê ñu,

I Bruă Mtao 3:3

Y-Salômôn khăp kơ Yêhôwa, êbat hlăm klei bhiăn Y-Đawit ama ñu; ƀiădah ñu ngă yang leh anăn čuh mnơ̆ng ƀâo mngưi ti anôk dlông.

I Bruă Mtao 9:4

Bi ih, tơdah ih êbat ti anăp Kâo msĕ si Y-Đawit ama ih êbat leh hŏng klei sĭt suôr leh anăn klei kpă ênô, ngă tui hlue jih jang klei Kâo mtă leh kơ ih, djă pioh klei bhiăn Kâo leh anăn klei Kâo mtrŭn,

II Bruă Mtao 22:2

Ñu ngă klei djŏ ti anăp ală Yêhôwa, leh anăn êbat hlăm jih êlan Y-Đawit aê ñu, leh anăn ñu amâo weh tĭng hnuă amâodah tĭng điâo ôh.

II Klei Yăl Dliê 34:2

Ñu ngă klei jăk ti anăp ală Yêhôwa, leh anăn êbat tui hlue êlan Y-Đawit aê ñu; ñu amâo weh tĭng kơ hnuă amâodah tĭng kơ điâo ôh.

Klei Mmuñ Hđăp 119:102

Kâo amâo weh mơ̆ng klei Ih mtô ôh; kyuadah Ih pô bi hriăm kâo leh.

Klei Mmuñ Hđăp 119:6

Snăn kâo amâo srăng hêñ ôh, êjai kâo dlăng kơ jih klei Ih mtă.

Klei Mmuñ Hđăp 51:1

Ơ Aê Diê, pap mñai kơ kâo tui si klei khăp sĭt suôr Ih; leh anăn lăm klei kâo gao klei bhiăn tui si klei pap prŏng Ih.

Y-Luk 1:6

Jih diñu dua dôk kpă ênô ti anăp Aê Diê tui hlue jih klei bhiăn leh anăn klei Khua Yang mtă amâo mâo klei arăng dưi ƀuah ôh.

Bruă Phung Khua Ƀĭng Kna 13:22

Leh Aê Diê mdlưh hĕ Y-Sôl, Ñu bi mđĭ brei Y-Đawit jing mtao kơ digơ̆; kơ pô anăn Ñu hưn snei, ‘Kâo ƀuh leh Y-Đawit anak êkei Y-Yêsê jing sa čô djŏ hŏng ai tiê Kâo, pô srăng ngă jih jang klei Kâo čiăng.’

Bruă Phung Khua Ƀĭng Kna 13:36

Kyuadah leh mă bruă hlăm ênuk ñu tui si Aê Diê čiăng, Y-Đawit djiê, leh anăn arăng dơr ñu mbĭt hŏng phung aê ñu, leh anăn ñu brŭ rai.

Klei Mtô Mñă Klei Bhiăn 17:20

čiăng kơ ai tiê ñu amâo dưi jing mgao hŏng phung ayŏng adei ñu ôh, leh anăn amâo weh ôh mơ̆ng klei mtă, thâodah tĭng hnuă amâodah tĭng điâo; snăn ñu dưi dôk sui hlăm ƀuôn ala mtao ñu, ñu leh anăn phung anak ñu, hlăm ala čar Israel.”

I Y-Samuel 25:28

Kâo akâo kơ ih, pap brei klei soh dĭng buăl mniê ih; kyuadah sĭt nik Yêhôwa srăng bi kjăp sang khua kâo, kyuadah khua kâo dôk bi blah kơ Yêhôwa; leh anăn arăng amâo srăng ƀuh ôh klei jhat hlăm ih hlăm jih klei hdĭp ih.