Biblia Todo Logo
Bìoball air-loidhne

- Sanasan -




I Bruă Mtao 15:4 - Klei Aê Diê Blŭ 2015

4 ƀiădah kyua Y-Đawit, Yêhôwa Aê Diê ñu brei kơ ñu leh sa boh pui kđen hlăm ƀuôn Yêrusalem, mdưm anak êkei ñu kiă kriê čuê ñu leh anăn bi kjăp ƀuôn Yêrusalem;

Faic an caibideil Dèan lethbhreac




I Bruă Mtao 15:4
26 Iomraidhean Croise  

Kâo srăng brei ih jing sa găp djuê prŏng; Kâo srăng brei klei jăk jĭn kơ ih; Kâo srăng brei anăn ih mâo klei hing ang, leh anăn ih srăng jing klei jăk jĭn kơ phung mkăn.


Tơdah Aê Diê bi rai ƀuôn hlăm Lăn Dap, Aê Diê hdơr kơ Y-Abraham, leh anăn bi kbiă Y-Lot mơ̆ng krah klei bi rai anăn tơdah Ñu bi rai ƀuôn Y-Lot dôk mphŭn dô.


kyuadah Y-Abraham gưt leh asăp Kâo leh anăn ñu tui hlue klei Kâo yua ñu, klei Kâo mtă, klei Kâo blŭ, leh anăn klei bhiăn Kâo.”


Ƀiădah Y-Abisai anak êkei Y-Sêruia hriê dŏng gơ̆, ngă kơ êkei Philistin leh anăn bi mdjiê hĕ ñu. Leh anăn phung kahan Y-Đawit kat asei hŏng ñu lač, “Ih amâo srăng lŏ nao ôh mbĭt hŏng hmei kơ klei bi blah, huĭdah ih bi ram pui mngač phung Israel.”


Ƀiădah kyua Y-Đawit ama ih Kâo amâo srăng ngă ôh klei anei ênuk ih, ƀiădah Kâo srăng hiêk gơ̆ mơ̆ng kngan anak êkei ih.


(ƀiădah ñu srăng mâo sa găp djuê kyua dĭng buăl Kâo Y-Đawit leh anăn kyua ƀuôn Yêrusalem, ƀuôn Kâo ruah leh mơ̆ng jih jang găp djuê phung Israel),


Ƀiădah Kâo srăng brei sa găp djuê kơ anak êkei ñu, čiăng kơ Y-Đawit dĭng buăl Kâo dưi mâo nanao pui kđen ti anăp Kâo hlăm ƀuôn Yêrusalem, ƀuôn Kâo ruah leh čiăng dưm anăn Kâo tinăn.


Ƀiădah Yêhôwa amâo bi rai ôh sang Y-Đawit, kyua klei bi mguôp Ñu ngă leh hŏng Y-Đawit, leh anăn kyuadah Ñu ƀuăn leh čiăng brei sa boh pui kđen kơ Y-Đawit leh anăn kơ phung anak êkei gơ̆ hlŏng lar.


Tinăn, Kâo srăng brei ki Y-Đawit bi knăt; Kâo srăng mkra kơ pô Kâo trôč leh êa ƀâo mngưi sa boh pui kđen.


Yêhôwa, Ih yơh čuh pui kđen kâo, Aê Diê kâo bi mtrang mngač klei mmăt kâo.


Djŏ kơ ƀuôn Siôn arăng srăng lač, Phung anei wăt phung anăn arăng kkiêng leh tinăn; kyuadah Pô Ti Dlông Hĭn yơh srăng bi kjăp ƀuôn anăn.


Ya arăng srăng lŏ wĭt lač kơ phung hưn phung găp djuê anăn tiŏ hriê? “Yêhôwa mdơ̆ng leh ƀuôn Siôn, leh anăn phung arăng ktư̆ juă hlăm phung ƀuôn sang Ñu srăng kđap hlăm ƀuôn anăn.”


Kyuadah Kâo srăng mgang ƀuôn prŏng anei čiăng bi mtlaih gơ̆ kyua Kâo pô leh anăn kyua dĭng buăl Kâo Y-Đawit.”


leh anăn đăm brei Yêhôwa mdei ôh, tơl Ñu bi kjăp ƀuôn Yêrusalem, leh anăn mjing gơ̆ ƀuôn arăng bi mni hlăm lăn ala.


Amâo srăng mâo knhal ôh kơ klei đĭ kyar klei Ñu kiă kriê leh anăn klei êđăp ênang, ti jhưng mtao Y-Đawit leh anăn kơ ƀuôn ala mtao Ñu, čiăng bi kjăp leh anăn krơ̆ng gơ̆ hŏng klei djŏ leh anăn hŏng klei kpă ênô mơ̆ng hruê anăn nanao hlŏng lar. Klei hur har Yêhôwa kơ phung kahan srăng ngă sĭt klei anăn.


“Snei Yêhôwa lač, Pô hrih leh lăn ala, Yêhôwa Pô mjing gơ̆ leh čiăng bi kjăp gơ̆ — Yêhôwa jing anăn Ñu:


Kâo hưn kơ ih, ih jing Y-Pêtrôs, ti dlông boh tâo anei Kâo srăng mdơ̆ng Phung Sang Aê Diê Kâo, leh anăn ƀăng jang Ƀuôn Phung Djiê amâo srăng dưi hŏng ñu ôh.


jing klei mngač brei klei bi êdah kơ phung tue, leh anăn jing klei guh kơang kơ phung ƀuôn sang Ih Israel.”


Yêsu lŏ blŭ kơ phung diñu, lač, “Kâo jing klei mngač kơ lăn ala. Hlei pô tui hlue Kâo amâo srăng êbat hlăm klei mmăt ôh, ƀiădah srăng mâo klei mngač kơ klei hdĭp.”


Tui si klei mrâo mrang jăk diñu jing roh hŏng Aê Diê, kyua klei tŭ dưn kơ diih phung tue; ƀiădah tui si klei Aê Diê ruah, diñu jing phung Aê Diê khăp leh kyua phung aê diñu.


Leh anăn kyuadah Ñu khăp kơ phung aê đưm diih leh anăn ruah phung anak čô digơ̆ êdei kơ digơ̆, leh anăn atăt diih kbiă leh mơ̆ng čar Êjip hŏng klei Ñu dôk mbĭt, hŏng klei myang prŏng Ñu,


“Kâo gơ̆, Yêsu, tiŏ nao leh dĭng buăl jăk Kâo kơ ih djă ba klei hưn anei kơ Phung Sang Aê Diê. Kâo jing kƀiêng leh anăn čô Y-Đawit, mtŭ tŭr mngač aguah.”


Lean sinn:

Sanasan


Sanasan