I Bruă Mtao 15:12 - Klei Aê Diê Blŭ 2015

¹² Ñu suôt hĕ mơ̆ng čar phung kkuh mpŭ hŏng klei knhông, leh anăn bi luč hĕ jih jang rup yang phung aê ñu ngă leh.

I Bruă Mtao 15:12 Iomraidhean Croise

I Bruă Mtao 15:3

Ñu êbat hlăm jih jang klei soh ama ñu ngă leh êlâo kơ ñu; leh anăn ai tiê ñu amâo jing sĭt suôr klă ôh hŏng Yêhôwa Aê Diê ñu, msĕ si ai tiê Y-Đawit aê ñu,

I Bruă Mtao 21:26

Ñu ngă klei Yêhôwa bi êmut snăk hlăm klei ñu kkuh rup yang, msĕ si phung Amôrit ngă leh, phung anăn Yêhôwa suôt leh mơ̆ng anăp phung ƀuôn sang Israel.

I Bruă Mtao 22:46

Leh anăn ñu bi luč hĕ mơ̆ng čar phung êkei kkuh mpŭ hŏng klei knhông ăt dôk mơ̆ng ênuk ama ñu Y-Asa.

I Bruă Mtao 22:47

Amâo mâo mtao ôh hlăm čar Êđôm; sa čô pô bi ala kiă kriê.

II Bruă Mtao 23:7

Ñu bi klưh hĕ sang phung êkei kkuh mpŭ hŏng klei knhông hlăm sang Yêhôwa, ti anôk anăn phung mniê mñam čhiăm phiang kơ rup yang Asêra.

Klei Mtô Mñă Klei Bhiăn 23:17

Đăm brei mâo sa čô mniê knhông ôh hlăm phung anak mniê Israel, kăn brei mâo sa čô êkei knhông rei hlăm phung anak êkei Israel.

I Y-Pêtrôs 1:18

Diih thâo leh amâo djŏ hŏng mnơ̆ng thâo rai luč msĕ si prăk amâodah mah ôh Aê Diê bi tui leh diih mơ̆ng klei bhiăn hơăi mang kbiă hriê mơ̆ng phung aê aduôn diih đưm,

Y-Yut 1:7

djŏ msĕ si ƀuôn Sôdôm, ƀuôn Gômôrơ, leh anăn ƀuôn jŭm dar msĕ mơh ngă klei knhông leh anăn ngă klei tluh mdê hŏng klei bhiăn yang đar, jing sa klei bi hmô hlăm klei diñu tŭ klei bi kmhal hŏng pui ƀơ̆ng hlŏng lar.