I Bruă Mtao 14:5 - Klei Aê Diê Blŭ 2015

⁵ Yêhôwa lač kơ Y-Ahija, “Nĕ anei mô̆ Y-Jêrôbôam hriê čiăng êmuh kơ ih kơ klei anak êkei ñu, kyuadah gơ̆ ruă. Snei brei ih blŭ kơ ñu.” Tơdah ñu truh, ñu mgưt jing sa čô mniê mkăn.

I Bruă Mtao 14:5 Iomraidhean Croise

II Y-Samuel 14:2

Y-Jôap tiŏ arăng nao ti ƀuôn Têkôa atăt ba mơ̆ng anăn sa čô mniê knhâo, leh anăn lač kơ gơ̆, “Brei ih mgưt jing sa čô kơŭ kyăm, leh anăn hơô čhiăm ao kơŭ kyăm. Đăm mia êa mñak ôh, ƀiădah ngă msĕ si sa čô mniê kơŭ kyăm sui hruê leh kơ pô djiê.

I Bruă Mtao 14:6

Ƀiădah tơdah Y-Ahija hmư̆ ênai jơ̆ng ñu êjai ñu mŭt ƀăng bhă, gơ̆ lač, “Mŭt bĕ, Ơ mô̆ Y-Jêrôbôam. Si ngă ih mgưt jing sa čô mkăn lĕ? Arăng mtă kơ kâo brei hưn klei ktrŏ kơ ih.

II Bruă Mtao 4:27

Leh anăn tơdah gơ̆ truh ti čư̆ kơ mnuih Aê Diê, gơ̆ djă jơ̆ng ñu. Y-Gêhasi hriê čiăng suôt hĕ gơ̆, ƀiădah mnuih Aê Diê lač, “Lui gơ̆, kyuadah gơ̆ mâo klei ênguôt ktrŏ; leh anăn Yêhôwa mdăp klei anăn kơ kâo, leh anăn amâo hưn kơ kâo ôh.”

Klei Bi Hriêng 21:30

Amâo mâo klei thâo mĭn amâodah klei thâo săng, kăn mâo klei bi kčĕ rei dưi bi kdơ̆ng hŏng Yêhôwa.

Y-Amôs 3:7

Sĭt nik Aê Diê Yêhôwa amâo ngă sa mta klei ôh tơdah Ñu amâo hưn klei hgăm Ñu kơ phung dĭng buăl Ñu, phung khua pô hưn êlâo.