I Bruă Mtao 14:3 - Klei Aê Diê Blŭ 2015

³ Mă ba mbĭt hŏng ih pluh klŏ kpŭng, đa đa klŏ ƀêñ, leh anăn sa giêt êa hnuê, leh anăn nao bĕ kơ ñu. Ñu srăng hưn kơ ih ya srăng truh kơ anak anei.”

I Bruă Mtao 14:3 Iomraidhean Croise

I Bruă Mtao 13:7

Leh anăn mtao lač kơ mnuih Aê Diê, “Wĭt bĕ mbĭt hŏng kâo leh anăn lŏ mâo ai, leh anăn kâo srăng brei klei myơr kơ ih.”

II Bruă Mtao 1:2

Y-Ahasia lĕ mơ̆ng adŭ ñu tal dlông hlăm ƀuôn Samari leh anăn dôk đih ruă. Snăn ñu tiŏ nao phung mnuih leh anăn lač kơ digơ̆, “Nao êmuh bĕ kơ Baal-Sêbup, yang ƀuôn Êkron, thâodah kâo srăng hlao hĕ mơ̆ng klei ruă anei.”

II Bruă Mtao 4:42

Sa čô êkei hriê mơ̆ng ƀuôn Baal-Salisa djă ba kơ mnuih Aê Diê klŏ kpŭng arăng ngă mơ̆ng mdiê hlâo hlang, dua pluh klŏ kpŭng mdiê ôrgơ, leh anăn amung mdiê mrâo hlăm kdô ñu. Y-Êlisê lač, “Brei kơ phung êkei anăn ƀơ̆ng.”

II Bruă Mtao 5:15

Leh anăn ñu lŏ wĭt kơ mnuih Aê Diê mbĭt hŏng jih jang phung nao mbĭt hŏng ñu. Ñu truh leh anăn dôk dơ̆ng ti anăp Y-Êlisê leh anăn lač, “Nĕ anei kâo thâo amâo mâo ôh Aê Diê tar ƀar lăn ala, knŏng hlăm čar Israel. Snăn ară anei, mă tŭ bĕ mnơ̆ng myơr anei mơ̆ng dĭng buăl ih.”

II Bruă Mtao 5:5

Mtao Siri lač, “Nao bĕ, leh anăn kâo srăng mơĭt hră kơ mtao Israel.” Snăn ñu nao, mă ba mbĭt hŏng ñu pluh talăng prăk, năm êbâo sêkel mah, leh anăn pluh blah čhiăm ao pioh hơô êjai klei huă mnăm.

Y-Mathiơ 26:7

êjai Ñu dôk huă ƀơ̆ng mâo sa čô mniê djă sa giêt êa ƀâo mngưi yuôm snăk nao kơ Ñu leh anăn hlĭng êa ƀâo mngưi anăn ti boh kŏ Ñu.

Y-Yôhan 11:3

Snăn dua čô amai adei anăn tiŏ nao mnuih kơ Yêsu, lač, “Ơ Khua Yang, pô Ih khăp dôk ruă.”