I Bruă Mtao 13:6 - Klei Aê Diê Blŭ 2015

⁶ Leh anăn mtao lač kơ mnuih Aê Diê, “Kwưh bĕ kơ klei pap mơ̆ng Yêhôwa Aê Diê ih, leh anăn wah lač brei kơ kâo đa, čiăng kơ kngan kâo hlao.” Mnuih Aê Diê kwưh kơ Yêhôwa, leh anăn kngan mtao hlao, lŏ jing msĕ si êlâo.

I Bruă Mtao 13:6 Iomraidhean Croise

I Bruă Mtao 13:5

Knưl klưh msĕ mơh, leh anăn hbâo hŏk kơ tač mơ̆ng knưl, tui si klei bi knăl mnuih Aê Diê brei leh tui si klei Yêhôwa blŭ.

Klei Mmuñ Hđăp 119:58

Kâo kwưh klei pap Ih hŏng jih ai tiê: pap mñai kơ kâo tui si klei Ih ƀuăn.

Klei Kbiă 10:17

Ară anei kâo kwưh kơ diih, pap brei klei soh kâo knŏng sa blư̆ anei, leh anăn wah lač bĕ kơ Yêhôwa Aê Diê diih, čiăng kơ Ñu mă hĕ mơ̆ng kâo klei knap mñai djiê anei.”

Klei Kbiă 12:32

Mă ba biăp diih leh anăn mnơ̆ng rông diih tui si diih lač, leh anăn đuĕ bĕ; leh anăn hơêč hmưi brei kơ kâo msĕ mơh.”

Klei Kbiă 8:28

Pharaôn lač, “Kâo srăng lui diih nao, čiăng kơ diih ngă yang kơ Yêhôwa Aê Diê diih hlăm kdrăn tač, knŏng đăm diih đuĕ kbưi ôh. Wah lač bĕ kơ kâo đa.”

Klei Kbiă 8:4

Ajĭk srăng đĭ truh kơ ih, kơ phung ƀuôn sang ih, leh anăn kơ jih jang phung dĭng buăl ih”’ ”

Klei Kbiă 8:8

Pharaôn iêô Y-Môis leh anăn Y-Arôn, lač, “Kwưh bĕ kơ Yêhôwa čiăng kơ Ñu suôt hĕ ajĭk mơ̆ng kâo leh anăn mơ̆ng phung ƀuôn sang kâo; leh anăn kâo srăng lui phung ƀuôn sang đuĕ nao myơr mnơ̆ng ngă yang kơ Yêhôwa.”

Klei Kbiă 9:28

Kwưh bĕ kơ Yêhôwa, kyuadah djăp leh grăm leh anăn pliêr; kâo srăng lui diih đuĕ nao, leh anăn diih amâo srăng lŏ dôk tinei sui ôh.”

Y-Yêrêmi 37:3

Mtao Sêđêkia tiŏ nao Y-Jêhukal anak êkei Y-Sêlêmia leh anăn khua ngă yang Y-Sôphôni anak êkei Y-Maseya kơ khua pô hưn êlâo Y-Yêrêmi lač, “Wah lač kơ Yêhôwa Aê Diê drei đru drei đa.”

Y-Sakari 7:2

Phung ƀuôn sang Ƀêthel tiŏ nao leh Y-Sarêser leh anăn Y-Regê-Mêlek mbĭt hŏng phung mnuih digơ̆, čiăng kwưh klei pap mơ̆ng Yêhôwa,

Klei Yap 12:13

Y-Môis ur kơ Yêhôwa, “Ơ Aê Diê, kâo kwưh kơ Ih, bi hlao brei gơ̆.”

Klei Yap 21:7

Phung ƀuôn sang nao kơ Y-Môis leh anăn lač, “Hmei ngă soh leh, kyuadah hmei blŭ bi kdơ̆ng hŏng Yêhôwa leh anăn hŏng ih. Wah lač bĕ kơ Yêhôwa čiăng kơ ñu mă hĕ ala anei mơ̆ng hmei.” Snăn Y-Môis wah lač brei kơ phung ƀuôn sang.

Y-Mathiơ 5:44

Ƀiădah Kâo lač kơ diih, khăp bĕ kơ phung roh diih, leh anăn wah lač brei kơ phung ngă jhat kơ diih,

Y-Luk 23:34

Yêsu lač, “Ơ Ama, pap brei kơ diñu; kyuadah diñu amâo thâo ôh ya klei diñu ngă.” Leh anăn diñu bi mbha čhiăm ao Yêsu hŏng klei bi mđăo.

Bruă Phung Khua Ƀĭng Kna 7:60

Gơ̆ čuôn kơŭt leh anăn ur kraih ktang, “Ơ Khua Yang, đăm yap klei soh anei kơ diñu ôh.” Leh gơ̆ lač klei anăn, gơ̆ hlŏng pĭt yơh.

Bruă Phung Khua Ƀĭng Kna 8:24

Y-Simôn lŏ wĭt lač, “Wah lač bĕ diih pô kơ Khua Yang kyua kâo, čiăng kơ klei diih lač leh amâo truh kơ kâo ôh.”

Hră Y-Pôl Mơĭt kơ Phung Rôm 12:14

Hmưi klei jăk kơ hlei pô ngă jhat kơ diih; hmưi klei jăk kơ diñu, đăm tăm pah ôh.

Hră Y-Pôl Mơĭt kơ Phung Rôm 12:21

Đăm brei klei jhat dưi hŏng ih ôh, ƀiădah brei klei jăk ih ngă dưi hŏng klei jhat.

Klei Bi Êdah 3:9

Nĕ anei Kâo srăng brei phung kkuh mpŭ kơ Satan, phung lač diñu jing phung Yuđa ƀiădah amâo jing ôh, diñu luar yơh — nĕ anei Kâo srăng brei diñu hriê buôn kkuh ti jơ̆ng ih leh anăn thâo Kâo khăp kơ ih leh.

I Y-Samuel 12:19

Jih jang phung ƀuôn sang lač kơ Y-Samuel, “Wah lač bĕ kơ Yêhôwa, Aê Diê ih, kyua phung dĭng buăl ih, čiăng kơ hmei amâo djiê ôh; kyuadah hmei lŏ thiăm leh kơ jih jang klei soh hmei, klei ƀai anei akâo sa čô mtao kơ hmei pô.”

I Y-Samuel 12:23

Bi kâo dê, êbeh kơ anăn, hơăi kâo amâo srăng ngă soh ôh hŏng Yêhôwa tơdah mdei hĕ wah lač kyua diih. Kâo srăng mtô kơ diih êlan jăk leh anăn êlan kpă.