I Bruă Mtao 13:26 - Klei Aê Diê Blŭ 2015

²⁶ Tơdah khua pô hưn êlâo pô atăt wĭt gơ̆ mơ̆ng êlan hmư̆ klei anăn, ñu lač, “Gơ̆ jing mnuih Aê Diê, pô amâo gưt asăp ôh klei Yêhôwa blŭ. Kyuanăn Yêhôwa jao hĕ ñu leh kơ êmông gu, êmông gu anăn hiêk leh anăn bi mdjiê leh gơ̆, tui si klei Yêhôwa blŭ leh kơ gơ̆.”

I Bruă Mtao 13:26 Iomraidhean Croise

II Y-Samuel 12:10

Kyuanăn klei yua đao gưm amâo srăng mdei ôh mơ̆ng sang ih, kyuadah ih bi êmut leh kơ Kâo, leh anăn mă leh mô̆ Y-Uri mnuih Hitit mjing mô̆ ih.’

II Y-Samuel 12:14

Ƀiădah kyuadah hŏng klei ih ngă anei ih mưč leh kơ Yêhôwa, anak arăng kkiêng kơ ih srăng djiê.”

I Bruă Mtao 13:25

Nĕ anei, phung mnuih găn giăm ƀuh asei mlei djiê dôk đih ti êlan leh anăn êmông gu dôk ti djiêô asei mlei djiê. Leh anăn diñu hriê yăl dliê klei anăn hlăm ƀuôn khua pô hưn êlâo mduôn anăn dôk.

I Bruă Mtao 13:27

Leh anăn ñu lač kơ phung anak êkei ñu, “Să brei ưn aseh dliê kơ kâo.” Digơ̆ să ưn aseh dliê ñu.

Klei Mmuñ Hđăp 119:120

Kđeh kâo ktư̆ yơ̆ng kyua huĭ kơ Ih; leh anăn kâo huĭ kơ klei Ih phat kđi.

Klei Bi Hriêng 11:31

Tơdah arăng bi wĭt klei djŏ kơ mnuih kpă ênô ti lăn ala anei, kdlưn hĭn arăng srăng bi wĭt ya klei djŏ kơ pô ƀai leh anăn pô soh.

Y-Êsêkiêl 9:6

Bi mdjiê hĕ phung êkei mduôn, phung êkei hlăk ai leh anăn mniê êra hrông, phung hđeh điêt leh anăn phung mniê, ƀiădah đăm ngă ôh kơ phung mâo klei bi knăl čih leh ti adhei. Dơ̆ng bĕ hlăm adŭ doh jăk Kâo.” Snăn diñu dơ̆ng bi mdjiê hŏng phung khua mduôn dôk ti anăp sang yang.

Bruă Lêwi 10:3

Leh anăn Y-Môis lač kơ Y-Arôn, “Klei anei Yêhôwa lač leh, ‘Kâo srăng bi êdah Kâo pô doh jăk ti krah phung hriê giăm Kâo, leh anăn Kâo srăng mâo klei mpŭ ti anăp jih jang phung ƀuôn sang.’ ” Y-Arôn dôk ñăt.

I Kôrantô 11:30

Kyua klei anăn mâo lu hlăm phung diih awăt leh anăn ruă duam leh anăn đa đa djiê leh.

I Y-Pêtrôs 4:17

Kyuadah truh leh ênuk klei phat kđi srăng dơ̆ng hŏng găp djuê Aê Diê; leh anăn tơdah klei phat kđi dơ̆ng hŏng drei, ya srăng truh knhal tuč kơ phung amâo gưt ôh kơ klei mrâo mrang jăk Aê Diê?