I Bruă Mtao 13:19 - Klei Aê Diê Blŭ 2015

¹⁹ Snăn mnuih Aê Diê wĭt mbĭt hŏng ñu, ƀơ̆ng kpŭng leh anăn mnăm êa hlăm sang ñu.

I Bruă Mtao 13:19 Iomraidhean Croise

Klei Mphŭn Dơ̆ng 3:6

Snăn tơdah mniê ƀuh boh ana kyâo anăn jăk ƀơ̆ng, mơak dlăng, leh anăn yuôm dưi brei klei thâo mĭn, ñu pĕ boh ana kyâo anăn leh anăn ƀơ̆ng, ñu brei mơh kơ ung ñu dôk giăm ñu, leh anăn gơ̆ ƀơ̆ng.

I Bruă Mtao 13:18

Leh anăn sa čô pô mkăn lač kơ gơ̆, “Kâo msĕ mơh jing sa čô khua pô hưn êlâo msĕ si ih, leh anăn sa čô dĭng buăl jăk blŭ leh kơ kâo hŏng klei Yêhôwa blŭ, lač, ‘Atăt bĕ ñu wĭt mbĭt hŏng ih mŭt hlăm sang ih, čiăng kơ ñu dưi ƀơ̆ng kpŭng leh anăn mnăm êa.’ ” Ƀiădah ñu luar kơ gơ̆.

I Bruă Mtao 13:20

Êjai diñu dôk gŭ ti jhưng huă, Yêhôwa blŭ kơ khua pô hưn êlâo, pô atăt gơ̆ wĭt.

I Bruă Mtao 13:9

kyuadah msĕ snăn yơh klei Yêhôwa blŭ mtă leh kơ kâo, lač, ‘Đăm ih ƀơ̆ng kpŭng ôh, kăn mnăm êa rei, kăn wĭt êlan ih hriê rei.’ ”

Bruă Phung Khua Ƀĭng Kna 4:19

Ƀiădah Y-Pêtrôs leh anăn Y-Yôhan lŏ wĭt lač kơ diñu, “Ya jing djŏ hĭn ti anăp Aê Diê, gưt kơ diih amâodah kơ Aê Diê, brei diih ksiêm dlăng;

Klei Mtô Mñă Klei Bhiăn 13:1

“Tơdah sa čô khua pô hưn êlâo kgŭ ti krah diih, amâodah sa čô kreh êpei brei kơ ih sa klei bi knăl amâodah sa klei yuôm bhăn,

Klei Mtô Mñă Klei Bhiăn 13:3

đăm dôk hmư̆ ôh klei khua pô hưn êlâo anăn amâodah pô kreh êpei anăn blŭ; kyuadah Yêhôwa Aê Diê diih lông dlăng diih, čiăng thâo thâodah diih khăp kơ Yêhôwa Aê Diê diih hŏng jih ai tiê leh anăn hŏng jih mngăt diih.

Klei Mtô Mñă Klei Bhiăn 13:5

Ƀiădah bi mdjiê hĕ khua pô hưn êlâo anăn amâodah pô kreh êpei anăn, kyuadah ñu mtô leh klei bi kdơ̆ng hŏng Yêhôwa Aê Diê diih, Pô atăt leh diih kbiă mơ̆ng čar Êjip leh anăn bi tui diih mơ̆ng sang klei jing hlŭn, čiăng brei ih lui êlan Yêhôwa Aê Diê ih mtă leh brei ih êbat. Snăn brei ih bi doh klei jhat mơ̆ng krah ih.

Klei Mtô Mñă Klei Bhiăn 18:20

Ƀiădah khua pô hưn êlâo mgưt blŭ hlăm anăn Kâo klei Kâo amâo tuôm mtă brei ñu blŭ ôh, amâodah blŭ hlăm anăn phung yang mkăn, pô hưn êlâo anăn srăng djiê.’