I Bruă Mtao 13:18 - Klei Aê Diê Blŭ 2015

¹⁸ Leh anăn sa čô pô mkăn lač kơ gơ̆, “Kâo msĕ mơh jing sa čô khua pô hưn êlâo msĕ si ih, leh anăn sa čô dĭng buăl jăk blŭ leh kơ kâo hŏng klei Yêhôwa blŭ, lač, ‘Atăt bĕ ñu wĭt mbĭt hŏng ih mŭt hlăm sang ih, čiăng kơ ñu dưi ƀơ̆ng kpŭng leh anăn mnăm êa.’ ” Ƀiădah ñu luar kơ gơ̆.

I Bruă Mtao 13:18 Iomraidhean Croise

Klei Mphŭn Dơ̆ng 27:24

Gơ̆ lač, “Ih jing anak kâo Y-Êsâo sĭt mơ̆?” Ñu lač, “Kâo gơ̆ yơh.”

Klei Mphŭn Dơ̆ng 3:13

Khua Yang Aê Diê lač kơ mniê, “Ya klei ih ngă snăn lĕ?” Mniê lač, “Ala mplư kâo, snăn kâo ƀơ̆ng hĕ.”

I Bruă Mtao 13:19

Snăn mnuih Aê Diê wĭt mbĭt hŏng ñu, ƀơ̆ng kpŭng leh anăn mnăm êa hlăm sang ñu.

I Bruă Mtao 20:35

Sa čô hlăm phung anak êkei phung khua pô hưn êlâo lač kơ găp ñu tui si klei Yêhôwa mtă, “Kâo akâo kơ ih, čăm hĕ bĕ kâo.” Ƀiădah êkei anăn hngah čăm ñu.

I Bruă Mtao 22:22

Yêhôwa lač kơ ñu, ‘Si ih srăng ngă?’ Ñu lač, ‘Kâo srăng kbiă nao leh anăn jing yang luar hlăm ƀăng êgei jih jang phung khua pô hưn êlâo ñu.’ Yêhôwa lač kơ ñu, ‘Ih yơh srăng mplư ñu, leh anăn ih srăng dưi. Kbiă nao leh anăn ngă bĕ snăn.’

Klei Bi Hriêng 12:19

Ƀăng êgei blŭ klei sĭt nik dôk kjăp hlŏng lar, ƀiădah êlah blŭ luar dôk knŏng bhiâo.

Klei Bi Hriêng 12:22

Yêhôwa bi êmut kheh kơ êlah blŭ klei luar, ƀiădah Ñu mơak hŏng phung blŭ klei sĭt.

Klei Bi Hriêng 19:5

Pô hưn soh hlăm sang phat kđi amâo srăng tlaih ôh kơ klei bi kmhal, leh anăn hlei pô blŭ luar kăn srăng tlaih ôh.

Y-Êsai 36:10

Êgao hĭn kơ anăn, amâo djŏ Yêhôwa hĕ brei kâo đĭ hriê ngă kơ čar anei, čiăng bi rai ñu? Yêhôwa Pô lač kơ kâo, đĭ ngă bĕ kơ čar anei leh anăn bi rai hĕ ñu.’ ”

Y-Êsai 9:15

Khua mduôn leh anăn pô arăng mpŭ jing boh kŏ, leh anăn khua pô hưn êlâo mtô klei luar jing ku.

Y-Yêrêmi 23:14

Ƀiădah Kâo ƀuh sa klei jhat snăk hlăm phung khua pô hưn êlâo ƀuôn Yêrusalem: diñu tlĕ piu leh anăn êbat hlăm klei luar, diñu bi ktang kngan phung ngă ƀai, snăn mơh amâo mâo pô wir đuĕ mơ̆ng klei ƀai diñu ôh; Kâo yap jih jang diñu jing leh msĕ si ƀuôn Sôdôm, leh anăn phung ƀuôn sang diñu msĕ si ƀuôn Gômôrơ.”

Y-Yêrêmi 23:17

Diñu lač nanao kơ phung bi êmut kơ Kâo, ‘Yêhôwa blŭ diih srăng mâo klei êđăp ênang,’ leh anăn diñu lač kơ grăp čô tui hlue klei ai tiê khăng diñu pô čiăng, ‘Amâo mâo klei jhat srăng truh kơ diih ôh.’

Y-Yêrêmi 23:32

Nĕ anei, Kâo bi kdơ̆ng hŏng phung hưn êlâo klei êpei luar,” Yêhôwa lač, “Leh anăn phung hưn klei anăn leh anăn atăt phung ƀuôn sang Kâo wơr dliê hŏng klei diñu luar leh anăn ngă pliă plia, tơdah Kâo amâo tuôm tiŏ diñu amâodah mtă kơ diñu ôh; snăn diñu amâo mâo klei tŭ dưn ôh kơ phung ƀuôn sang anei,” Yêhôwa lač.

Y-Yêrêmi 29:31

“Čih mơĭt bĕ hră kơ jih jang phung arăng mă mđuĕ leh, lač, ‘Snei Yêhôwa blŭ djŏ kơ Y-Sêmaya mơ̆ng ƀuôn Nêhêlam: Kyuadah Y-Sêmaya hưn êlâo leh kơ diih ƀiădah Kâo amâo tuôm tiŏ ñu nao ôh, leh anăn ñu brei ih knang kơ klei luar,

Y-Yêrêmi 29:32

kyuanăn snei Yêhôwa lač: Nĕ anei, Kâo srăng bi kmhal Y-Sêmaya mơ̆ng ƀuôn Nêhêlam leh anăn phung anak čô ñu; amâo srăng mâo sa čô hlăm phung ƀuôn sang ñu ăt dôk hdĭp srăng ƀuh klei jăk Kâo srăng ngă kơ phung ƀuôn sang Kâo, Yêhôwa lač, kyuadah ñu blŭ klei bi kdơ̆ng hŏng Yêhôwa.’ ”

Y-Yêrêmi 5:12

Diñu blŭ klei luar kơ Yêhôwa, leh anăn lač, “Ñu amâo srăng ngă sa klei ôh; amâo mâo klei jhat srăng truh kơ drei ôh, kăn drei srăng ƀuh đao gưm amâodah klei ư̆ êpa rei.

Y-Yêrêmi 5:31

phung khua pô hưn êlâo hưn klei luar, leh anăn phung khua ngă yang kiă kriê tui si klei dưi diñu pô. Phung ƀuôn sang Kâo khăp klei msĕ snăn mơh, ƀiădah ti knhal tuč ya diih srăng ngă?”

Y-Êsêkiêl 13:22

Kyuadah diih bi êdu ai phung kpă ênô hŏng klei luar, wăt tơdah Kâo amâo bi êdu ai digơ̆ ôh, leh anăn diih bi mđĭ ai phung ƀai, tơl diñu amâo weh ôh mơ̆ng êlan ƀai diñu čiăng bi mtlaih klei hdĭp diñu;

Y-Êsêkiêl 13:8

Snăn Yêhôwa Aê Diê lač snei: ‘Kyuadah diih blŭ leh klei mplư leh anăn ƀuh leh klei luar, kyuanăn nĕ anei, Kâo bi kdơ̆ng hŏng diih,’ Yêhôwa Aê Diê lač.

Klei Yap 22:35

Dĭng buăl jăk Yêhôwa lač kơ Y-Balaam, “Nao bĕ mbĭt hŏng phung êkei anăn; ƀiădah brei ih blŭ knŏng klei kâo mtă kơ ih.” Snăn Y-Balaam hlŏng nao mbĭt hŏng phung khua Y-Balak.

Y-Mathiơ 24:24

Kyuadah srăng mâo lu Krist soh leh anăn lu khua pô hưn êlâo soh, diñu srăng ngă klei bi knăl prŏng leh anăn klei yuôm bhăn, čiăng mplư wăt phung Aê Diê ruah leh, tơdah dưi.

Y-Mathiơ 7:15

“Răng bĕ kơ phung khua pô hưn êlâo soh. Diñu hriê kơ diih hơô klĭt biăp, ƀiădah ti lam diñu jing asâo tan ră.

Hră Y-Pôl Mơĭt kơ Phung Rôm 16:18

Kyuadah phung msĕ snăn amâo mă bruă kơ Krist Khua Yang drei ôh, ƀiădah kơ tian diñu pô, leh anăn hŏng klei blŭ siam leh anăn myâo mă diñu mplư ai tiê phung kgưt.

II Kôrantô 11:3

Ƀiădah kâo huĭ msĕ si ala mplư leh H'Êwơ hŏng klei ñu thâo mnêč, snăn mơh klei mĭn diih srăng weh đuĕ mơ̆ng klei diih jao leh diih pô kơ Krist hŏng klei kpă leh anăn klei doh.

Galati 1:8

Ƀiădah wăt tơdah hmei, amâodah sa čô dĭng buăl jăk mơ̆ng adiê srăng mtô kơ diih sa klei mrâo mrang jăk mdê hŏng klei mrâo mrang jăk hmei mtô leh kơ diih, brei Aê Diê tăm pah hĕ kơ ñu.

I Y-Timôthê 4:1

Yang Mngăt Jăk hưn mngač leh hlăm ênuk knhal tuč đa đa srăng lui wir klei đăo, čiăng gưt kơ phung yang mplư leh anăn kơ klei yang jhat mtô.

I Y-Timôthê 4:2

Klei mtô anăn kbiă hriê mơ̆ng ai ngăm klei phung khua pô mtô soh mplư, phung mâo ai tiê kpă djiê leh msĕ si čuh leh hŏng msei ngur.

II Y-Pêtrôs 2:1

Ƀiădah msĕ mơh mâo leh phung khua pô hưn êlâo soh hlăm phung ƀuôn sang, msĕ si srăng mâo phung khua pô mtô soh hlăm phung diih. Hŏng klei hgăm diñu srăng mtô mta klei đăo soh dưi bi rai, wăt hngah kơ Khua pô bi tui diñu, leh anăn diñu srăng bi truh kơ diñu pô klei bi rai djăl.

I Y-Yôhan 4:1

Ơ phung kâo khăp, đăm đăo kơ jih jang yang ôh, ƀiădah lông dlăng phung yang thâodah diñu kbiă hriê mơ̆ng Aê Diê; kyuadah mâo lu phung khua pô hưn êlâo soh mŭt leh hlăm lăn ala.

Klei Bi Êdah 19:20

Aê Diê mă leh hlô dliê anăn, leh anăn mbĭt hŏng ñu khua pô hưn êlâo soh, pô ngă leh ti anăp ñu klei bi knăl, hŏng klei anăn khua pô hưn êlâo soh mplư phung mă tŭ leh klei čih mrô hlô dliê leh anăn kkuh leh kơ rup ñu. Jih diñu dua arăng dlăm leh hdĭp hlăm ênao pui trơ̆ng hŏng sulphur.

Phung Khua Phat Kđi 13:3

Dĭng buăl jăk Yêhôwa bi êdah kơ mniê anăn leh anăn lač kơ ñu, “Nĕ anei, ih jing mniê plao, amâo mâo anak ôh; ƀiădah ih srăng ba tian leh anăn kkiêng kơ sa čô anak êkei.