I Bruă Mtao 12:16 - Klei Aê Diê Blŭ 2015

¹⁶ Tơdah jih jang phung Israel ƀuh mtao amâo hmư̆ kơ diñu ôh, phung ƀuôn sang lŏ wĭt lač kơ mtao, “Ya kdrêč hmei mâo hlăm Y-Đawit? Hmei amâo mâo ngăn dưn ôh hlăm anak êkei Y-Yêsê. Wĭt bĕ kơ sang čhiăm diih, Ơ Israel! Ară anei dlăng bĕ kơ sang ih pô, Ơ Y-Đawit.” Snăn phung Israel đuĕ wĭt kơ sang čhiăm digơ̆.

I Bruă Mtao 12:16 Iomraidhean Croise

II Y-Samuel 15:13

Sa čô pô hưn hriê kơ Y-Đawit, lač, “Ai tiê phung Israel tui hlue leh Y-Apsalôm.”

II Y-Samuel 16:11

Y-Đawit lač kơ Y-Abisai leh anăn kơ jih jang phung dĭng buăl ñu, “Nĕ anei anak êkei kâo pô duah čiăng bi luč klei hdĭp kâo; kdlưn hĭn kơ anăn ară anei êkei Benjamin anei dưi ngă! Lui mơ̆ng ai ñu, brei ñu tăm pah bĕ; kyuadah Yêhôwa mtă leh kơ ñu.

II Y-Samuel 20:1

Mâo tinăn sa čô mnuih hơăi mang, anăn ñu Y-Sêba, anak êkei Y-Bikri, sa čô Benjamin. Ñu ayŭ ki leh anăn lač, “Drei amâo mâo sa kdrêč hlăm Y-Đawit ôh, drei amâo mâo ngăn dưn ôh hlăm anak êkei Y-Yêsê. Brei grăp čô wĭt kơ sang ñu pô, Ơ phung Israel!”

I Bruă Mtao 11:11

Kyuanăn Yêhôwa lač kơ Y-Salômôn, “Kyuadah ih mĭn leh klei anei leh anăn amâo djă pioh ôh klei Kâo bi mguôp leh anăn klei Kâo mtă leh kơ ih, sĭt nik Kâo srăng hiêk hĕ ƀuôn ala mtao mơ̆ng ih leh anăn brei gơ̆ kơ dĭng buăl ih.

I Bruă Mtao 11:13

Ƀiădah Kâo amâo srăng hiêk hĕ jih ƀuôn ala mtao ôh; ƀiădah Kâo srăng lui sa găp djuê kơ anak êkei ih kyua Y-Đawit dĭng buăl Kâo, leh anăn kyua ƀuôn Yêrusalem anôk Kâo ruah leh.”

I Bruă Mtao 11:34

Ƀiădah Kâo amâo srăng mă hĕ ôh jih ƀuôn ala mtao mơ̆ng kngan ñu; ƀiădah Kâo srăng mjing ñu khua kiă kriê êjai jih ênuk ñu dôk hdĭp kyua Y-Đawit dĭng buăl Kâo, pô Kâo ruah leh, pô djă pioh leh klei Kâo mtă leh anăn klei bhiăn Kâo.

I Bruă Mtao 11:35

Ƀiădah Kâo srăng mă hĕ ƀuôn ala mtao mơ̆ng kngan anak êkei ñu, leh anăn brei gơ̆ kơ ih pluh găp djuê.

I Bruă Mtao 11:36

Ƀiădah Kâo srăng brei sa găp djuê kơ anak êkei ñu, čiăng kơ Y-Đawit dĭng buăl Kâo dưi mâo nanao pui kđen ti anăp Kâo hlăm ƀuôn Yêrusalem, ƀuôn Kâo ruah leh čiăng dưm anăn Kâo tinăn.

I Bruă Mtao 11:39

Kyua klei anăn Kâo srăng bi knap phung anak čô Y-Đawit, ƀiădah amâo djŏ nanao hlŏng lar ôh.’ ”

I Bruă Mtao 22:17

Leh anăn Y-Mika wĭt lač, “Kâo ƀuh jih jang phung Israel bra đuĕ leh ti dlông čư̆ msĕ si phung biăp amâo mâo mgăt ôh; leh anăn Yêhôwa lač, ‘Phung anei amâo mâo khua ôh; brei grăp čô wĭt hŏng klei êđăp ênang kơ sang ñu pô.’ ”

I Bruă Mtao 22:36

Giăm yang hruê lĕ mâo sa asăp ur truh kơ phung kahan, “Brei grăp čô wĭt kơ ƀuôn ñu pô leh anăn grăp čô kơ čar ñu pô!”

II Klei Yăl Dliê 10:16

Tơdah jih jang phung Israel ƀuh kơ mtao amâo dôk hmư̆ diñu ôh, phung ƀuôn sang lŏ wĭt lač kơ mtao, “Ya kdrêč hmei mâo hlăm Y-Đawit? Hmei amâo mâo ngăn dưn ôh hlăm anak êkei Y-Yêsê. Ơ phung Israel, grăp čô diih wĭt bĕ kơ sang čhiăm diih! Ară anei dlăng bĕ kơ sang ih pô, Ơ Y-Đawit?” Snăn jih jang phung Israel đuĕ wĭt kơ sang čhiăm diñu.

Klei Mmuñ Hđăp 132:17

Tinăn, Kâo srăng brei ki Y-Đawit bi knăt; Kâo srăng mkra kơ pô Kâo trôč leh êa ƀâo mngưi sa boh pui kđen.

Klei Mmuñ Hđăp 76:10

Sĭt nik klei mnuih ngêñ ăt srăng brei klei bi mni kơ Ih; Ih srăng yua klei ngêñ ăt dôk, bi guh kơang Ih.

Klei Bi Hriêng 15:1

Klei lŏ wĭt lač êdu bi hlai klei ngêñ, ƀiădah klei blŭ khăng bi mčhur klei ăl.

Y-Êsai 7:17

Yêhôwa srăng brei truh kơ ih, kơ phung ƀuôn sang ih, leh anăn kơ sang ama ih sa ênuk ka tuôm truh ôh dơ̆ng mơ̆ng hruê phung Êphraim bi ktlah hŏng phung Yuđa, anăn jing hruê mtao čar Asiri truh.”

Y-Êsai 7:2

Tơdah arăng hriê hưn kơ sang Y-Đawit, lač, “Phung Siri bi mguôp leh hŏng phung Êphraim,” ai tiê Y-Ahas wăt ai tiê phung ƀuôn sang ñu ktư̆ yơ̆ng msĕ si kyâo hlăm kmrơ̆ng mgei hŏng angĭn.

Y-Yêrêmi 33:21

snăn mơh arăng dưi gao klei Kâo bi mguôp hŏng Y-Đawit dĭng buăl Kâo tơl ñu amâo srăng mâo ôh sa čô anak êkei jing mtao kiă kriê ti jhưng mtao ñu, leh anăn dưi gao klei Kâo bi mguôp hŏng phung khua ngă yang Lêwi, phung mă bruă kơ Kâo.

Y-Êsêkiêl 37:16

“Ơ anak mnuih, mă sa ƀĕ giê kyâo leh anăn čih bĕ ti giê anăn, ‘Kơ phung Yuđa leh anăn kơ phung anak Israel bi mguôp mbĭt hŏng ñu;’ leh anăn mă sa ƀĕ giê kyâo mkăn leh anăn čih ti ñu, ‘Kơ phung Yôsep (giê phung Êphraim) leh anăn kơ jih sang Israel bi mguôp mbĭt hŏng ñu.’

Y-Markôs 3:24

Tơdah sa boh ƀuôn ala mtao bi mbha hĕ ñu pô, ƀuôn ala mtao anăn amâo dưi dôk ôh.

Y-Luk 19:14

Ƀiădah phung ƀuôn sang ñu bi êmut kơ ñu leh anăn tiŏ nao phung dĭng ktang ti tluôn ñu brei lač, ‘Hmei amâo čiăng ôh kơ mnuih anei kiă kriê hmei.’

Y-Luk 19:27

Ƀiădah bi kơ phung roh kâo, phung amâo čiăng ôh kơ kâo kiă kriê diñu, atăt ba diñu tinei leh anăn bi mdjiê hĕ diñu ti anăp kâo.”

Y-Yôhan 13:8

Y-Pêtrôs lač kơ Ñu, “Hơăi, Ih amâo srăng rao jơ̆ng kâo ôh.” Yêsu lŏ wĭt lač kơ gơ̆, “Tơdah Kâo amâo rao ih, ih amâo mâo sa kdrêč hlăm Kâo ôh.”

Phung Khua Phat Kđi 8:35

Leh anăn diñu amâo ngă klei jăk ôh kơ sang Y-Jêrubaal (Y-Gidêôn), čiăng bi wĭt klei jăk ñu ngă leh kơ phung Israel.

Phung Khua Phat Kđi 9:28

Leh anăn Y-Gaal, anak êkei Y-Êbet lač, “Hlei jing Y-Abimêlek, leh anăn hlei jing phung Sičem čiăng kơ drei mă bruă kơ ñu? Amâo djŏ hĕ ñu jing anak êkei Y-Jêrubaal, leh anăn Y-Sêbul jing kơiăng ñu? Mă bruă bĕ kơ phung mnuih Y-Hamôr ama Y-Sičem! Si ngă drei mă bruă kơ Y-Abimêlek?