I Bruă Mtao 11:7 - Klei Aê Diê Blŭ 2015

⁷ Y-Salômôn mdơ̆ng ti dlông čư̆ tĭng ngŏ ƀuôn Yêrusalem sa anôk dlông pioh kơ Čhêmôs yang phung Môap Yêhôwa bi êmut, leh anăn pioh kơ Môlek yang phung Amôn Yêhôwa bi êmut.

I Bruă Mtao 11:7 Iomraidhean Croise

Klei Mphŭn Dơ̆ng 33:2

Ñu dưm êlâo phung dĭng buăl mniê hŏng phung anak digơ̆, êdei H'Lêa hŏng phung anak gơ̆, leh anăn êdei hĭn H'Račel leh anăn Y-Yôsep.

II Y-Samuel 15:30

Ƀiădah Y-Đawit đĭ anôk čư̆ Ôliwơ hia êjai êbat êjai, êbat jơ̆ng mang leh anăn boh kŏ ñu guôm hĕ. Leh anăn jih jang phung ƀuôn sang mbĭt hŏng ñu guôm boh kŏ digơ̆, leh anăn digơ̆ đĭ hia êjai êbat êjai.

I Bruă Mtao 11:5

Kyuadah Y-Salômôn nao tui hlue Astarôt yang mniê phung Sidôn, leh anăn tui hlue Milkôm yang phung Amôn Yêhôwa bi êmut.

I Bruă Mtao 11:6

Snăn Y-Salômôn ngă klei jhat ti anăp ală Yêhôwa leh anăn amâo tui hlue Yêhôwa hŏng jih ai tiê ôh msĕ si Y-Đawit ama ñu ngă leh.

I Bruă Mtao 11:8

Ñu ngă snăn kơ jih jang phung mô̆ ñu mniê tue, phung čuh mnơ̆ng ƀâo mngưi leh anăn ngă yang kơ yang digơ̆.

I Bruă Mtao 15:12

Ñu suôt hĕ mơ̆ng čar phung kkuh mpŭ hŏng klei knhông, leh anăn bi luč hĕ jih jang rup yang phung aê ñu ngă leh.

II Bruă Mtao 23:10

Ñu bi čhŏ anôk Tôphet hlăm tlung phung anak êkei Y-Hinôm, čiăng kơ amâo mâo sa čô ôh dưi čuh anak êkei ñu amâodah anak mniê ñu jing mnơ̆ng myơr kơ yang Môlek.

II Klei Yăl Dliê 21:11

Êbeh kơ anăn ñu ngă anôk dlông hlăm čar kngư Yuđa, leh anăn atăt phung dôk hlăm ƀuôn Yêrusalem kơ klei amâo dôk sĭt suôr, leh anăn brei phung Yuđa klah đuĕ mơ̆ng êlan Aê Diê.

Klei Mmuñ Hđăp 78:58

Diñu mngal brei Yêhôwa ăl kyua anôk dlông diñu ngă, diñu brei Ñu trih kyua rup yang krah diñu.

Y-Êsai 44:19

Amâo mâo pô dôk mĭn ôh, kăn mâo klei thâo săng amâodah klei ksiêm rei tơl lač, “Kâo čuh leh sa mkrah kyâo anăn hŏng pui, ti dlông hdăng ñu kâo ăm kpŭng, kâo ghang čĭm leh anăn kâo ƀơ̆ng leh. Leh anăn hŏng mkrah adôk, kâo srăng mjing mơ̆ sa mnơ̆ng bi êmut kheh? Kâo srăng buôn kkuh mơ̆ ti anăp sa klŏ kyâo?”

Y-Yêrêmi 32:31

Ƀuôn anei bi mđĭ klei Kâo ăl leh anăn ngêñ dơ̆ng mơ̆ng hruê arăng mdơ̆ng gơ̆ truh kơ hruê anei, snăn Kâo srăng bi rai gơ̆ mơ̆ng anăp ală Kâo.

Y-Yêrêmi 32:35

Diñu mdơ̆ng leh anôk dlông kơ yang Baal hlăm tlung anak êkei Y-Hinôm, čiăng myơr kơ yang Môlok phung anak êkei leh anăn phung anak mniê diñu, wăt tơdah Kâo amâo tuôm mtă klei anăn kơ diñu, kăn tuôm mĭn kơ klei anăn rei, čiăng kơ diñu ngă klei Kâo bi êmut kheh anei, čiăng brei phung Yuđa ngă soh.

Y-Yêrêmi 48:13

Hlăk anăn phung Môap srăng hêñ kyua Kêmôs, msĕ si sang Israel hêñ kơ Bêthel, anôk diñu knang.

Y-Yêrêmi 48:46

Knap mñai yơh kơ ih, Ơ Môap! Mnuih ƀuôn sang ƀuôn Kêmôs rai luč leh; kyuadah phung anak êkei diih arăng mă ba jing mnă leh, wăt phung anak mniê diih mơh.

Y-Êsêkiêl 18:12

ktư̆ juă phung ƀun ƀin leh anăn phung kƀah mnơ̆ng, tlĕ dŏ dô arăng, amâo tla nư ôh, kngưr ală phă phung rup yang, ngă klei jhat Kâo bi êmut kheh,

Y-Đaniel 11:31

Đa đa phung kahan ñu srăng nao bi čhŏ adŭ doh jăk leh anăn kđông, leh anăn brei arăng lui hĕ myơr mnơ̆ng myơr čuh nanao. Leh anăn diñu srăng mdơ̆ng mnơ̆ng bi êmut kheh brei jing ênguôl.

Y-Đaniel 12:11

Leh anăn dơ̆ng mơ̆ng hruê arăng brei lui hĕ myơr mnơ̆ng myơr čuh nanao, leh anăn arăng mdơ̆ng mnơ̆ng bi êmut kheh brei jing ênguôl, srăng mâo sa êbâo dua êtuh dua păn pluh hruê.

Bruă Lêwi 26:30

Kâo srăng bi rai anôk dlông diih, leh anăn klư̆ bi êbuh hĕ knưl mnơ̆ng ƀâo mngưi diih, leh anăn hwiê asei mlei djiê diih ti dlông rup yang diih êbuh leh; leh anăn mngăt Kâo srăng bi êmut kơ diih.

Y-Mika 1:5

Jih klei anei srăng truh kyua klei Yakôp gao klei bhiăn leh anăn kyua klei soh sang Israel. Ya jing klei Yakôp gao klei bhiăn? Amâo djŏ hĕ jing ƀuôn Samari? Ya jing anôk dlông Yuđa? Amâo djŏ hĕ jing ƀuôn Yêrusalem?

Y-Sakari 14:4

Ti hruê anăn jơ̆ng ñu srăng juă ti dlông čư̆ Ôliwơ dôk ti anăp ƀuôn Yêrusalem tĭng ngŏ; leh anăn čư̆ Ôliwơ srăng kđang ti krah mơ̆ng ngŏ kơ yŭ mjing sa boh tlung prŏng; snăn sa mkrah čư̆ srăng kñăk phă dưr, leh anăn sa mkrah mkăn phă dhŭng.

Klei Yap 21:29

Knap mñai yơh kơ ih, Ơ Môap! Ih rai tuč leh, Ơ phung ƀuôn sang Kêmôs. Ñu brei leh phung anak êkei ñu jing phung đuĕ, leh anăn phung anak mniê ñu jing mnă, kơ Y-Sihôn, sa čô mtao phung Amôrit.

Klei Yap 33:52

hlăk anăn brei diih suôt jih jang mnuih dôk hlăm čar mơ̆ng ti anăp diih, leh anăn bi rai jih jang boh tâo diñu ktur rup leh, leh anăn bi rai jih jang rup diñu tuh, leh anăn bi rai jih jang anôk dlông diñu.

Y-Mathiơ 26:30

Leh diñu mmuñ sa klei, diñu kbiă nao kơ Čư̆ Ôliwơ.

Bruă Phung Khua Ƀĭng Kna 1:12

Êdei tinăn diñu wĭt kơ ƀuôn Yêrusalem mơ̆ng čư̆ arăng pia čư̆ Ôliwơ. Čư̆ anăn giăm ƀuôn Yêrusalem, sa wang bhiăn kơ arăng êbat hlăm hruê sabat.

Bruă Phung Khua Ƀĭng Kna 1:9

Leh Ñu blŭ klei anăn, Aê Diê pŭ ba Ñu kơ dlông êjai phung khua ƀĭng kna Ñu dôk dlăng, leh anăn mâo knam guôm Ñu, leh anăn digơ̆ amâo lŏ ƀuh Ñu ôh.

Bruă Phung Khua Ƀĭng Kna 7:43

Hơăi, diih kkung ba sang čhiăm yang Môlok, leh anăn mtŭ yang Rêphan, rup anăn diih ngă pioh kkuh mpŭ. Kyuanăn Kâo srăng suôt diih kơ nah dih čar Ƀaƀilôn.’

Klei Mtô Mñă Klei Bhiăn 13:14

snăn brei ih êmuh, duah, leh anăn ksiêm bi nik; leh anăn nĕ anei, tơdah klei anăn jing sĭt leh anăn nik, mnơ̆ng Yêhôwa bi êmut kheh anăn arăng ngă leh ti krah ih,

Klei Mtô Mñă Klei Bhiăn 27:15

‘Tăm pah hĕ kơ pô ngă rup krah amâodah rup tuh, mnơ̆ng Yêhôwa bi êmut kheh, mnơ̆ng kngan mnuih mbruă ngă, leh anăn mdơ̆ng dŏ anăn hlăm anôk hgăm.’ Leh anăn jih jang phung ƀuôn sang srăng lŏ wĭt lač, ‘Amen’.

Phung Khua Phat Kđi 11:24

Amâo djŏ hĕ ih srăng mă ya yang Čhêmôs ih brei kơ ih mă bha? Leh anăn hmei srăng mă bha jih jang čar Yêhôwa, Aê Diê hmei suôt leh phung dôk tinăn.