I Bruă Mtao 11:22 - Klei Aê Diê Blŭ 2015

²² Ƀiădah Pharaôn lač kơ ñu, “Ya ih kƀah êjai ih dôk mbĭt hŏng kâo tơl ară anei ih čiăng nao kơ čar ih pô?” Ñu lač kơ gơ̆, “Knŏng brei kâo nao bĕ.”

I Bruă Mtao 11:22 Iomraidhean Croise

I Bruă Mtao 11:21

Ƀiădah tơdah Y-Hadat hmư̆ hlăm čar Êjip Y-Đawit djiê đuĕ nao dôk leh mbĭt hŏng phung aê gơ̆, leh anăn Y-Jôap khua kơ phung kahan djiê leh, Y-Hadat lač kơ Pharaôn, “Brei kâo đuĕ nao kơ čar kâo pô.”

I Bruă Mtao 11:23

Aê Diê bi mđĭ mơh sa čô roh hŏng Y-Salômôn, Y-Rêson anak êkei Y-Êliada, pô đuĕ mơ̆ng khua ñu Y-Hadadêser mtao čar Sôba.

Klei Mmuñ Hđăp 37:8

Đăm ăl ôh, lui klei ngêñ! Đăm rŭng răng ôh; klei anăn srăng atăt ih knŏng kơ klei jhat.

Klei Bi Hriêng 27:8

Msĕ si čĭm đuĕ kbưi mơ̆ng hruh ñu, msĕ snăn mơh mnuih hiu rưng mơ̆ng sang ñu.

Y-Yêrêmi 2:31

Bi diih phung mnuih ênuk anei, hmư̆ bĕ klei Yêhôwa blŭ: “Kâo tuôm jing leh mơ̆ sa anôk kdrăn tač kơ phung Israel, amâodah sa boh čar mâo klei mmăt kpal? Snăn si ngă phung ƀuôn sang Kâo lač, ‘Hmei jing êngiê, hmei amâo lŏ hriê kơ ih ôh?’

Y-Markôs 14:31

Ƀiădah Y-Pêtrôs lač hŏng klei ktang, “Wăt tơdah kâo djiê mbĭt hŏng Ih dưn, kâo amâo srăng hngah kơ Ih ôh.” Leh anăn jih jang diñu lač klei msĕ.

Y-Luk 22:35

Leh anăn Yêsu lač kơ digơ̆, “Tơdah Kâo tiŏ nao diih amâo mâo kdŭng prăk amâodah kdô, amâodah klĭt juă, mâo mơ̆ mnơ̆ng diih kƀah?” Digơ̆ lač, “Hơăi.”