I Bruă Mtao 11:2 - Klei Aê Diê Blŭ 2015

² mơ̆ng phung găp djuê Yêhôwa lač leh kơ phung ƀuôn sang Israel, “Đăm diih bi dôk ung mô̆ ôh hŏng diñu, kăn diñu dôk ung mô̆ hŏng diih rei, kyuadah sĭt nik diñu srăng bi wir ai tiê diih phă yang diñu.” Y-Salômôn ăt pioh diñu hlăm klei khăp.

I Bruă Mtao 11:2 Iomraidhean Croise

Klei Mphŭn Dơ̆ng 2:24

Kyuanăn yơh êkei srăng lui amĭ ama ñu, leh anăn srăng dôk mbĭt hŏng mô̆ ñu, leh anăn diñu srăng jing sa kđeh.

Klei Mphŭn Dơ̆ng 34:3

Ai tiê êkei anăn khăp kơ H'Dina anak mniê Y-Yakôp. Ñu khăp kơ mniê anăn leh anăn blŭ êdu êun juh lua čiăng mă ai tiê gơ̆.

I Bruă Mtao 11:9

Yêhôwa ăl kơ Y-Salômôn, kyuadah ai tiê ñu weh đuĕ leh mơ̆ng Yêhôwa Aê Diê phung Israel, Pô bi êdah leh kơ ñu dua blư̆,

II Klei Yăl Dliê 19:2

Ƀiădah Y-Jêhu anak êkei Y-Hanani pô thâo bi ƀuh kbiă nao bi tuôm hŏng ñu leh anăn lač kơ Mtao Jôsaphat, “Jing djŏ mơ̆ ih đru pô ƀai leh anăn khăp kơ phung bi êmut kơ Yêhôwa? Kyua klei anei klei ngêñ mơ̆ng Yêhôwa truh kơ ih.

II Klei Yăl Dliê 21:6

Ñu êbat tui hlue êlan phung mtao Israel, msĕ si sang Y-Ahap ngă leh, kyuadah anak mniê Y-Ahap jing mô̆ ñu. Leh anăn ñu ngă klei jhat ti anăp ală Yêhôwa.

Y-Êsra 9:12

Kyua anăn đăm brei ôh phung anak mniê diih kơ phung anak êkei diñu, kăn mă rei phung anak mniê diñu čiăng brei kơ phung anak êkei diih, leh anăn đăm duah ôh klei êđăp ênang kơ diñu amâodah klei čăt jing kơ diñu, čiăng kơ diih dưi jing ktang, leh anăn ƀơ̆ng mnơ̆ng jăk hlăm čar, leh anăn lui čar anei jing ngăn dưn kơ phung anak diih hlŏng lar.’

Klei Mmuñ Hđăp 139:21

Ơ Yêhôwa, amâo djŏ hĕ kâo bi êmut kơ phung bi êmut kơ ih? Leh anăn amâo djŏ hĕ kâo bi êmut kheh kơ phung kgŭ bi kdơ̆ng hŏng Ih?

Klei Kbiă 23:31

Kâo srăng bi kdriêl knông lăn ih mơ̆ng Êa Ksĭ Hrah truh ti êa ksĭ phung Philistin, leh anăn mơ̆ng kdrăn tač truh ti Êa Krông Ơprat; kyuadah Kâo srăng jao hlăm kngan ih phung mnuih dôk hlăm čar anăn, leh anăn ih srăng suôt diñu mơ̆ng anăp ih.

Klei Kbiă 34:12

Răng bĕ kơ ih pô, huĭdah ih ngă klei bi mguôp hŏng mnuih čar ih srăng mŭt, huĭdah klei anăn srăng jing kđông ƀêč ti krah ih.

Klei Kbiă 34:16

leh anăn đăm ih mă đơ phung anak mniê diñu kơ phung anak êkei ih, huĭdah phung anak mniê diñu ngă klei knhông hŏng phung yang diñu leh anăn atăt phung anak êkei ih ngă klei knhông hŏng phung yang digơ̆.

Y-Malaki 2:11

Yuđa amâo dôk sĭt suôr ôh, leh anăn arăng ngă leh klei Aê Diê bi êmut kheh hlăm Israel leh anăn ti ƀuôn Yêrusalem: Yuđa bi čhŏ leh adŭ doh jăk Yêhôwa khăp, hŏng klei diñu dôk leh mô̆ sa čô anak mniê yang tue.

Hră Y-Pôl Mơĭt kơ Phung Rôm 1:32

Wăt tơdah diñu thâo klei bhiăn Aê Diê hưn kơ hlei pô ngă msĕ snăn năng djiê, amâo djŏ ôh knŏng diñu pô ngă, ƀiădah diñu ư ai hŏng phung ngă klei anăn.

Hră Y-Pôl Mơĭt kơ Phung Rôm 12:9

Brei klei khăp diih jing sĭt. Bi êmut kơ klei jhat, djă pioh ya jing klei jăk.

I Kôrantô 15:33

Đăm lĕ hlăm klei mplư: “Phung mah jiăng jhat bi rai knuih jăk.”

Klei Bi Êdah 2:4

Ƀiădah anei klei Kâo mâo hŏng ih, ih lui leh klei khăp ih mâo tal êlâo.