I Bruă Mtao 11:18 - Klei Aê Diê Blŭ 2015

¹⁸ Digơ̆ kbiă mơ̆ng čar Madian, hriê kơ čar Paran, leh anăn mă ba mbĭt hŏng diñu phung mnuih mơ̆ng čar Paran, leh anăn truh kơ čar Êjip kơ Pharaôn mtao čar Êjip, pô brei kơ ñu sa boh sang leh anăn brei kơ ñu mnơ̆ng ƀơ̆ng huă leh anăn brei lăn kơ ñu.

I Bruă Mtao 11:18 Iomraidhean Croise

Klei Mphŭn Dơ̆ng 14:6

leh anăn hŏng phung Hôrit hlăm čư̆ Sêir, truh ti Êl-Paran ti knông lăn ti kdrăn tač.

Klei Mphŭn Dơ̆ng 21:21

Ñu dôk hlăm kdrăn tač Paran; leh anăn amĭ ñu ruah sa čô mniê mơ̆ng čar Êjip jing mô̆ ñu.

Klei Mphŭn Dơ̆ng 25:2

Gơ̆ kkiêng kơ ñu Y-Simran, Y-Jôksan, Y-Mêdan, Y-Madian, Y-Isbak, leh anăn Y-Sua.

Klei Mphŭn Dơ̆ng 25:4

Phung anak êkei Y-Madian mâo Y-Êpha, Y-Êpher, Y-Hanôk, Y-Abida, leh anăn Y-Êlda. Jih jang phung anei jing phung anak čô H'Kêtura.

I Bruă Mtao 11:17

Ƀiădah Y-Hadat đuĕ kơ čar Êjip mbĭt hŏng đa đa phung Êđôm jing dĭng buăl ama ñu, Y-Hadat ăt jing sa čô hđeh.

I Bruă Mtao 11:19

Y-Hadat mâo lu klei pap ti anăp ală Pharaôn, snăn Pharaôn brei ñu bi dôk ung mô̆ hŏng adei mô̆ gơ̆ pô, adei mtao mniê H'Tahpênes.

Klei Kbiă 2:15

Tơdah Pharaôn hmư̆ klei anăn, ñu duah čiăng bi mdjiê Y-Môis. Ƀiădah Y-Môis đuĕ mơ̆ng Pharaôn leh anăn dôk hlăm čar Madian. Tinăn ñu dôk gŭ ti sa boh kbăng êa.

Y-Haƀakuk 3:3

Aê Diê hriê mơ̆ng čar Têman, Pô Doh Jăk mơ̆ng čư̆ Paran. (Sêla) Klei guh kơang Ñu guôm leh phung adiê, leh anăn lăn ala bŏ hŏng klei bi mni kơ Ñu.

Klei Yap 10:12

leh anăn phung ƀuôn sang Israel đuĕ nao mơ̆ng kdrăn tač Sinai; leh anăn knam trŭn dôk hlăm kdrăn tač Paran.

Klei Yap 22:4

Phung Môap lač kơ phung khua mduôn ala čar Madian, “Ară anei phung lu anei srăng ƀơ̆ng jih jang mnơ̆ng dôk jŭm dar drei msĕ si êmô ƀơ̆ng rơ̆k hlăm hma.” Snăn Y-Balak anak êkei Y-Sipôr mtao ala čar Môap ênuk anăn

Klei Yap 25:14

Anăn êkei Israel arăng bi mdjiê leh mbĭt hŏng mniê Madian, jing Y-Simri anak êkei Y-Salu, khua kơ sa boh sang ama hlăm găp djuê Simêôn.

Klei Yap 25:18

kyuadah diñu ngă klei bi rŭng kơ diih hŏng klei diñu thâo mnêč, hŏng klei anăn diñu mplư diih hlăm klei yang Pêôr, leh anăn hlăm klei hŏng H'Kôsbi anak mniê sa čô khua Madian, amai diñu, pô arăng bi mdjiê hlăm hruê mâo klei ruă djiê tưp kyua klei hŏng yang Pêôr.”

Klei Yap 25:6

Nĕ anei sa čô êkei hlăm phung ƀuôn sang Israel hriê leh anăn atăt ba sa čô mniê Madian kơ phung hlăm sang ñu ti anăp ală Y-Môis leh anăn ti anăp ală jih jang phung ƀuôn sang Israel bi kƀĭn, êjai diñu dôk hia ti ƀăng bhă sang čhiăm klei bi kƀĭn.

Klei Mtô Mñă Klei Bhiăn 1:1

Anei jing klei Y-Môis blŭ kơ jih jang phung Israel nah dih êa krông Yurdan, hlăm kdrăn tač, hlăm tlung phă anăp hŏng Supha, plah wah Paran, Tôphel, Laban, Hasêrôt, leh anăn Disahap.

Klei Mtô Mñă Klei Bhiăn 33:2

Ñu lač, “Yêhôwa hriê leh mơ̆ng čư̆ Sinai, leh anăn kgŭ ti krah diñu mơ̆ng čư̆ Sêir; Ñu mtrang kmlăi mơ̆ng čư̆ Paran, Ñu kbiă hriê mơ̆ng krah lu êbâo čô phung doh jăk, mơ̆ng kngan hnuă Ñu, kbiă pui trơ̆ng klei bhiăn kơ diñu.