I Bruă Mtao 10:9 - Klei Aê Diê Blŭ 2015

⁹ Mpŭ mni kơ Yêhôwa Aê Diê ih, Pô mâo klei mơak hlăm ih leh anăn dưm ih ti jhưng mtao phung Israel! Kyuadah Yêhôwa khăp kơ phung Israel hlŏng lar, Ñu mjing ih leh mtao, čiăng kơ ih dưi ngă klei djŏ leh anăn klei kpă.”

I Bruă Mtao 10:9 Iomraidhean Croise

II Y-Samuel 23:3

Aê Diê phung Israel blŭ leh, Boh Tâo phung Israel lač leh kơ kâo: ‘Tơdah sa čô kiă kriê phung mnuih hŏng klei kpă, kiă kriê hŏng klei huĭ mpŭ kơ Aê Diê,

II Y-Samuel 5:12

Y-Đawit thâo kơ Yêhôwa mjing ñu leh mtao kiă kriê phung Israel, leh anăn bi mđĭ ƀuôn ala mtao ñu kyua phung ƀuôn sang Gơ̆ Israel.

II Y-Samuel 8:15

Snăn Y-Đawit kiă kriê jih jang phung Israel. Y-Đawit kiă kriê hŏng klei kpă leh anăn klei djŏ kơ jih jang phung ƀuôn sang ñu.

I Bruă Mtao 3:28

Jih jang phung Israel hmư̆ klei mtao phat kđi anăn, leh anăn diñu mâo klei mpŭ kơ mtao, kyuadah diñu ƀuh klei thâo mĭn Aê Diê dôk hlăm ñu, čiăng ngă klei kpă.

I Bruă Mtao 5:7

Tơdah Y-Hiram hmư̆ klei Y-Salômôn blŭ, ñu mơak snăk, leh anăn lač, “Mpŭ mni kơ Yêhôwa hruê anei, Pô brei leh kơ Y-Đawit sa čô anak êkei thâo mĭn kiă kriê phung ƀuôn sang êngŭm anei.”

I Klei Yăl Dliê 17:22

Ih brei leh phung ƀuôn sang ih Israel jing phung ƀuôn sang ih pô nanao hlŏng lar; leh anăn ih, Ơ Yêhôwa, jing leh Aê Diê diñu.

II Klei Yăl Dliê 2:11

Snăn Y-Huram mtao ƀuôn Tir lŏ wĭt lač hlăm sa pŏk hră ñu mơĭt kơ Y-Salômôn, “Kyuadah Yêhôwa khăp kơ phung ƀuôn sang Ñu, Ñu mjing leh ih mtao kiă kriê digơ̆.”

Klei Mmuñ Hđăp 18:19

Ñu atăt kâo ti anôk êhai; Ñu bi mtlaih kâo leh, kyuadah Ñu mơak hŏng kâo.

Klei Mmuñ Hđăp 22:8

“Ñu knang leh kơ Yêhôwa, brei Yêhôwa bi mtlaih ñu, brei Yêhôwa dŏng ñu, kyuadah Yêhôwa khăp kơ ñu!”

Klei Mmuñ Hđăp 72:2

Brei ñu dưi phat kđi phung ƀuôn sang Ih hŏng klei kpă ênô, leh anăn phung ƀun ƀin Ih hŏng klei djŏ.

Y-Êsai 42:1

“Nĕ anei, dĭng buăl Kâo, pô Kâo krơ̆ng, pô Kâo ruah leh, hlăm ñu mngăt Kâo mâo klei mơak. Kâo dưm leh Mngăt Myang Kâo ti ñu, ñu srăng ba klei kpă kơ phung găp djuê mnuih.

Y-Êsai 62:4

Arăng amâo srăng lŏ pia ôh ih Pô Arăng Lui, leh anăn arăng amâo srăng lŏ pia ôh čar ih Ênguôl; ƀiădah arăng srăng pia ih Kâo Mơak Hŏng Ñu, leh anăn arăng srăng pia lăn ih Bi Kuôl Leh; kyuadah Yêhôwa srăng mâo klei mơak hŏng ih, leh anăn lăn ih srăng mâo klei bi kuôl.

Y-Êsai 9:6

Kyuadah kkiêng leh kơ drei sa čô Anak, brei leh kơ drei sa čô anak êkei; leh anăn Ñu srăng klam klei kiă kriê ti mra Ñu. Leh anăn arăng srăng pia anăn Ñu, Pô Yuôm Bhăn, Khua Kčĕ, Aê Diê Myang, Ama Dôk Hdĭp Hlŏng Lar, Khua kơ Klei Êđăp Ênang.

Y-Êsai 9:7

Amâo srăng mâo knhal ôh kơ klei đĭ kyar klei Ñu kiă kriê leh anăn klei êđăp ênang, ti jhưng mtao Y-Đawit leh anăn kơ ƀuôn ala mtao Ñu, čiăng bi kjăp leh anăn krơ̆ng gơ̆ hŏng klei djŏ leh anăn hŏng klei kpă ênô mơ̆ng hruê anăn nanao hlŏng lar. Klei hur har Yêhôwa kơ phung kahan srăng ngă sĭt klei anăn.

Y-Yêrêmi 31:3

Yêhôwa bi êdah leh kơ ñu mơ̆ng đưm, lač: “Kâo khăp leh kơ diih hŏng klei khăp hlŏng lar; kyuanăn Kâo êwak diih hŏng klei jăk.

Y-Malaki 1:2

“Kâo khăp leh kơ diih,” Yêhôwa lač. “Ƀiădah diih lač, ‘Si klei Ih khăp leh kơ hmei?’ ” Yêhôwa lač, “Amâo djŏ hĕ Y-Êsâo jing ayŏng Y-Yakôp? Ăt Kâo khăp leh kơ Y-Yakôp,

Klei Mtô Mñă Klei Bhiăn 7:8

kyuadah Yêhôwa khăp kơ diih leh anăn djă pioh klei ƀuăn Ñu kat asei leh kơ phung aê đưm diih, Yêhôwa atăt leh diih kbiă hŏng kngan myang, leh anăn bi tui diih mơ̆ng sang jing hlŭn, mơ̆ng kngan Pharaôn mtao čar Êjip.