I Bruă Mtao 10:25 - Klei Aê Diê Blŭ 2015

²⁵ Grăp čô digơ̆ djă ba dŏ gơ̆ myơr, dŏ ngă hŏng prăk leh anăn mah, čhiăm ao, êa drao phĭ, êa ƀâo mngưi, aseh, leh anăn aseh dliê, lu msĕ snăn grăp thŭn.

I Bruă Mtao 10:25 Iomraidhean Croise

Klei Mphŭn Dơ̆ng 36:24

Anei jing phung anak êkei Y-Sibêôn: Y-Aiah leh anăn Y-Ana. Y-Ana anăn jing pô ƀuh hnoh êa hlơr hlăm kdrăn tač êjai ñu kiă aseh dliê Y-Sibêôn ama ñu.

II Y-Samuel 8:10

Y-Toi tiŏ nao anak êkei ñu Y-Jôram kơ Mtao Đawit čiăng kkuh kơ gơ̆ leh anăn hơêč hmưi kơ gơ̆, kyuadah gơ̆ bi blah leh hŏng Y-Hadadêser leh anăn dưi hŏng mtao anăn; kyuadah jêñ jêñ Y-Hadadêser bi blah hŏng Y-Toi. Y-Jôram djă ba mbĭt hŏng ñu dŏ dô prăk, mah, leh anăn kông.

II Y-Samuel 8:2

Leh anăn ñu dưi hŏng phung Môap leh anăn mkă digơ̆ hŏng sa aruăt klei êjai brei digơ̆ đih ti lăn. Ñu mkă dua aruăt klei čiăng jao kơ klei bi mdjiê, leh anăn sa aruăt klei pioh hdĭp. Snăn phung Môap jing dĭng buăl kơ Y-Đawit leh anăn tuh jia.

I Bruă Mtao 1:33

Mtao lač kơ digơ̆, “Mă mbĭt hŏng diih phung dĭng buăl khua diih, leh anăn brei Y-Salômôn anak êkei kâo đĭ aseh dliê kâo pô, leh anăn atăt ba ñu kơ ƀuôn Gihôn;

I Bruă Mtao 10:10

Leh anăn ñu brei kơ mtao sa êtuh dua pluh talăng mah, lu lĭn êa ƀâo mngưi, leh anăn boh tâo yuôm. Amâo lŏ tuôm mâo ôh klei êbeh dlai êa ƀâo mngưi msĕ si mtao mniê čar Sêba brei leh kơ mtao Salômôn.

I Bruă Mtao 18:5

Y-Ahap lač kơ Y-Apdia, “Nao tar ƀar čar anei kơ jih jang akŏ êa leh anăn kơ jih jang tlung. Năng ai drei dưi ƀuh rơ̆k leh anăn bi mtlaih klei hdĭp aseh leh anăn aseh dliê, leh anăn amâo bi luč ôh đa đa hlô mnơ̆ng.”

I Bruă Mtao 5:1

Y-Hiram mtao ƀuôn Tir tiŏ nao phung dĭng buăl ñu kơ Y-Salômôn tơdah ñu hmư̆ leh arăng trôč êa ƀâo mngưi kơ ñu brei jing mtao čuê ama ñu. Kyuadah Y-Hiram khăp nanao kơ Y-Đawit.

II Bruă Mtao 17:4

Ƀiădah mtao Asiri ƀuh klei lhiăr hlăm Y-Hôsêa; kyuadah ñu tiŏ nao leh mnuih kơ Y-Sô mtao Êjip, leh anăn amâo tuh jia ôh kơ mtao Asiri, msĕ si ñu ngă leh grăp thŭn. Kyuanăn mtao Asiri krư̆ ñu leh anăn kă ñu hlăm sang mnă.

II Klei Yăl Dliê 26:8

Phung Amôn tuh jia kơ Y-Usia, leh anăn klei hing ang ñu arăng hmư̆ truh ti knông lăn čar Êjip, kyuadah ñu đĭ jing ktang snăk.

II Klei Yăl Dliê 9:24

Grăp čô digơ̆ djă ba mnơ̆ng myơr, mnơ̆ng ngă hŏng prăk leh anăn mah, čhiăm ao, êa drao phĭ, êa ƀâo mngưi, aseh, leh anăn aseh dliê, lu msĕ snăn grăp thŭn.

Y-Êsra 2:66

Aseh diñu mâo kjuh êtuh tlâo pluh năm, aseh dliê diñu mâo dua êtuh pă pluh êma,

H'Êsther 8:10

Y-Môrdêkai čih klei anăn hlăm anăn Mtao Asuêrus leh anăn kđăm hŏng krah mtao, leh anăn arăng mơĭt hră hŏng phung djă ba hră đĭ aseh pral arăng yua hlăm bruă mtao, êđai mơ̆ng aseh mtao.

H'Êsther 8:14

Snăn phung ba hră đĭ aseh pral arăng yua hlăm bruă mtao kbiă nao hŏng klei ruăt, mâo klei mtrŭt mơ̆ng klei mtao mtă. Leh anăn arăng brei klei mtă anăn mơ̆ng ƀuôn Susa, ƀuôn akŏ.

Y-Yôp 42:11

Hlăk anăn jih jang phung ayŏng adei amai adei leh anăn jih jang phung thâo kral ñu êlâo nao kơ ñu, leh anăn ƀơ̆ng huă mbĭt hŏng ñu hlăm sang ñu. Digơ̆ bi êdah klei pap kơ ñu leh anăn bi juh ñu kyua jih jang klei jhat Yêhôwa bi truh kơ ñu leh. Grăp čô digơ̆ brei sa klŏ prăk leh anăn sa boh kông mah kơ ñu.

Klei Mmuñ Hđăp 68:29

Kyua sang yang Ih ti ƀuôn Yêrusalem, phung mtao srăng djă ba mnơ̆ng myơr kơ Ih.

Klei Mmuñ Hđăp 72:10

Brei phung mtao čar Tarsis leh anăn phung plao êa ksĭ tuh jia kơ ñu, brei phung mtao Sahêba leh anăn Sêba myơr mnơ̆ng kơ ñu.

Klei Mmuñ Hđăp 72:15

Brei ñu dôk hdĭp sui, brei arăng myơr kơ mtao mah mơ̆ng čar Sahêba. Brei arăng wah lač kyua mtao nanao, leh anăn brei arăng akâo klei jăk jĭn truh kơ ñu jih hruê.

Y-Êsai 36:16

Đăm dôk hmư̆ Y-Hêsêkia ôh, kyuadah snei klei mtao čar Asiri blŭ: Ngă klei êđăp ênang hŏng kâo, leh anăn brei ih hriê kơ kâo; leh anăn grăp čô diih srăng ƀơ̆ng boh mơ̆ng phŭn boh kriăk ƀâo leh anăn boh ana hra ñu pô, leh anăn grăp čô diih srăng mnăm êa kbăng ñu pô,

Y-Êsai 66:20

Diñu srăng atăt ba jih jang phung ayŏng adei diih mơ̆ng jih jang găp djuê mnuih jing mnơ̆ng myơr kơ Yêhôwa, đĭ aseh, êdeh aseh, đih hlăm êjao, đĭ aseh dliê leh anăn aseh samô, nao kơ čư̆ doh jăk kâo hlăm ƀuôn Yêrusalem,” Yêhôwa lač, “Msĕ si phung Israel djă ba mnơ̆ng myơr kpŭng ƀhĭ hlăm sa boh čeh doh kơ sang Yêhôwa.

Y-Êsêkiêl 27:14

Phung Bet-Tôgarma bi mlih aseh, aseh bi blah, leh anăn aseh dliê bi mlih hŏng mnơ̆ng ih mnia.

Y-Mathiơ 2:11

Digơ̆ mŭt hlăm sang leh anăn ƀuh hđeh điêt mbĭt hŏng amĭ Ñu, H'Mari. Digơ̆ buôn kkuh kơ hđeh điêt anăn. Leh anăn digơ̆ pŏk ngăn drăp digơ̆, leh anăn myơr kơ hđeh điêt anăn mah, mnơ̆ng ƀâo mngưi, leh anăn êa drao phĭ ƀâo mngưi.

Phung Khua Phat Kđi 3:15

Ƀiădah tơdah phung ƀuôn sang Israel ur kơ Yêhôwa, Yêhôwa ruah brei kơ diñu sa čô pô bi mtlaih, jing Y-Êhut, anak êkei Y-Gêra, mơ̆ng găp djuê Benjamin, jing mnuih mđiâo. Phung ƀuôn sang Israel tuh jia brei Y-Êhut djă ba kơ Y-Êglon mtao čar Môap.

I Y-Samuel 10:27

Ƀiădah mâo phung mnuih tă tăn lač, “Si pô anei dưi bi mtlaih drei?” Leh anăn diñu bi êmut kơ Y-Sôl leh anăn amâo djă ba mnơ̆ng myơr kơ gơ̆ ôh. Ƀiădah Y-Sôl dôk ñăt.