I Bruă Mtao 1:9 - Klei Aê Diê Blŭ 2015

⁹ Y-Adônija ngă yang hŏng biăp, êmô, leh anăn êđai êmô êmŏng ti djiêô Boh Tâo Sôhêlet, giăm akŏ êa Ên-Rôgel, leh anăn ñu jak jih jang phung ayŏng adei ñu phung anak êkei mtao, leh anăn jih jang phung khua Yuđa mă bruă kơ mtao.

I Bruă Mtao 1:9 Iomraidhean Croise

II Y-Samuel 17:17

Y-Jônathan leh anăn Y-Ahimas dôk guôn ti akŏ êa Ên-Rôgel. Sa čô dĭng buăl mniê khăng nao hưn kơ diñu, leh anăn diñu nao hưn kơ Mtao Đawit, kyuadah amâo dưi brei arăng ƀuh diñu mŭt ƀuôn ôh.

I Bruă Mtao 1:19

Ñu ngă yang leh hŏng êmô, êđai êmô êmŏng, leh anăn biăp lu snăk, leh anăn jak leh jih jang phung anak êkei mtao, Y-Abiathar khua ngă yang, leh anăn Y-Jôap khua kahan; ƀiădah ñu amâo jak ôh Y-Salômôn dĭng buăl ih.

I Bruă Mtao 1:25

Kyuadah ñu trŭn nao leh hruê anei ngă yang leh hŏng êmô, êđai êmô êmŏng, leh anăn biăp lu snăk, leh anăn jak leh jih jang phung anak êkei mtao, Y-Jôap khua kơ phung kahan, leh anăn khua ngă yang Y-Abiathar; leh anăn nĕ anei, diñu ƀơ̆ng huă leh anăn mnăm ti anăp ñu, leh anăn ur lač, ‘Mtao Adônija lă lar!’

Klei Bi Hriêng 15:8

Yêhôwa bi êmut kheh kơ mnơ̆ng phung ƀai ngă yang, ƀiădah klei phung kpă wah lač bi mơak kơ Ñu.

Y-Mathiơ 22:4

Ñu lŏ tiŏ nao phung dĭng buăl mkăn, lač, ‘Hưn bĕ kơ phung kâo jak leh, Nĕ anei, kâo mkra leh mnơ̆ng ƀơ̆ng huă, čuh leh êmô leh anăn êđai êmô êmŏng, jih jang mnơ̆ng mprăp leh sơăi; hriê bĕ kơ klei ƀơ̆ng huă bi kuôl ung mô̆.’

Y-Yôsuê 15:7

leh anăn đĭ kơ Dêbir mơ̆ng tlung Akôr, leh anăn hlŏng nao phă dưr, wir phă Gilgal, phă hŏng anôk đĭ Adumim, tĭng dhŭng tlung. Kdriêl găn nao kơ akŏ êa Ên-Sêmes, leh anăn tuč ti akŏ êa Ên-Rôgel;

Y-Yôsuê 18:16

kdriêl trŭn ti jơ̆ng čư̆ giăm tlung anak êkei Y-Hinôm, dôk hlăm knhal dưr tlung phung Rêphaim; leh anăn trŭn hlue tlung Hinôm tĭng dhŭng giăm phung Jêbusit, trŭn ti Ên-Rôgel;