I Bruă Mtao 1:48 - Klei Aê Diê Blŭ 2015

⁴⁸ Leh anăn mtao lač msĕ mơh, ‘Mpŭ mni kơ Yêhôwa Aê Diê phung Israel, Pô brei sa čô anak êkei kâo dôk gŭ ti jhưng mtao kâo hruê anei, ală kâo pô ƀuh klei anăn.’ ”

I Bruă Mtao 1:48 Iomraidhean Croise

Klei Mphŭn Dơ̆ng 14:20

Leh anăn mpŭ mni kơ Aê Diê, Pô Ti Dlông Hĭn, Pô jao leh phung roh ih hlăm kngan ih.” Leh anăn Y-Abram brei kơ Y-Mêlkisadek sa kdrêč hlăm pluh jih mnơ̆ng ñu plah mă leh.

II Y-Samuel 24:3

Ƀiădah Y-Jôap lač kơ mtao, “Akâo kơ Yêhôwa Aê Diê ih lŏ thiăm kơ phung ƀuôn sang sa êtuh blư̆ lu hĭn kơ ară anei êjai ală khua kâo mtao ăt ƀuh klei anăn; ƀiădah si ngă khua kâo mtao mơak hŏng klei anei?”

II Y-Samuel 7:12

Tơdah hruê ih jih leh, leh anăn ih djiê nao dôk mbĭt hŏng phung aê ih, Kâo srăng mđĭ anak êkei ih êdei kơ ih, pô anăn srăng kbiă mơ̆ng tian prôč ih, leh anăn Kâo srăng bi kjăp ƀuôn ala mtao ñu.

I Bruă Mtao 1:49

Leh anăn jih jang phung Y-Adônija jak ktư̆ yơ̆ng leh anăn kgŭ, leh anăn grăp čô wĭt mdê mdê.

I Bruă Mtao 2:4

čiăng kơ Yêhôwa dưi bi sĭt klei Ñu blŭ leh djŏ kơ kâo, lač, ‘Tơdah phung anak êkei ih răng kơ êlan diñu čiăng êbat ti anăp Kâo hlăm klei sĭt suôr hŏng jih ai tiê leh anăn jih mngăt diñu, amâo srăng kƀah sa čô êkei ôh čuê anôk ih ti jhưng mtao phung Israel.’

I Bruă Mtao 3:6

Y-Salômôn lač, “Ih bi êdah leh klei khăp prŏng leh anăn sĭt suôr kơ dĭng buăl Ih Y-Đawit ama kâo, kyuadah ñu êbat ti anăp Ih hŏng klei sĭt suôr, hŏng klei kpă ênô, leh anăn hŏng klei ênuah ai tiê ti anăp Ih. Leh anăn Ih djă pioh leh kơ ñu klei khăp prŏng anei leh anăn brei leh kơ ñu sa čô anak êkei dôk gŭ ti jhưng mtao ñu hruê anei.

I Bruă Mtao 8:20

Ară anei Yêhôwa bi sĭt leh klei Ñu ƀuăn; kyuadah kâo kgŭ leh čuê anôk Y-Đawit ama kâo, leh anăn dôk gŭ ti jhưng mtao Israel, tui si Yêhôwa ƀuăn leh, leh anăn kâo mdơ̆ng leh sang kơ Anăn Yêhôwa, Aê Diê phung Israel.

I Klei Yăl Dliê 17:17

Klei anei jing sa mnơ̆ng điêt ti anăp ală ih, Ơ Aê Diê; ih blŭ msĕ mơh djŏ kơ sang dĭng buăl ih kơ lu ênuk srăng truh, leh anăn yap leh kâo msĕ si mnuih mâo klei mpŭ hĭn, Ơ Yêhôwa Aê Diê.

I Klei Yăl Dliê 29:10

Kyua anăn Y-Đawit mpŭ mni kơ Yêhôwa ti anăp jih jang phung bi kƀĭn; leh anăn ñu lač: “Mpŭ mni kơ ih, Ơ Yêhôwa, Aê Diê Y-Israel aê hmei nanao hlŏng lar!

I Klei Yăl Dliê 29:20

Leh anăn Y-Đawit lač kơ jih jang phung bi kƀĭn, “Mpŭ mni kơ Yêhôwa Aê Diê diih.” Leh anăn jih jang phung bi kƀĭn mpŭ mni kơ Yêhôwa Aê Diê phung aê diñu, kkui kŏ diñu, leh anăn kkuh mpŭ kơ Yêhôwa, leh anăn kkuh kơ mtao.

Y-Nêhêmi 9:5

Phung Lêwi, Y-Jêsua, Y-Katmiêl, Y-Bani, Y-Hasabneya, Y-Sêrêbia, Y-Hôdia, Y-Sêbania, leh anăn Y-Pêthahia lač, “Kgŭ dơ̆ng leh anăn hơêč hmưi bĕ kơ Yêhôwa Aê Diê diih Pô jing mơ̆ng ênuk hlŏng lar kơ ênuk hlŏng lar. Ơ Yêhôwa, mpŭ mni kơ anăn guh kơang Ih, anăn mâo klei mpŭ hĭn kơ jih klei hơêč hmưi leh anăn klei bi mni.”

Klei Mmuñ Hđăp 145:2

Grăp hruê kâo srăng mpŭ mni kơ Ih leh anăn bi mni kơ anăn Ih nanao hlŏng lar.

Klei Mmuñ Hđăp 34:1

Kâo srăng mpŭ mni kơ Yêhôwa nanao nanao; ƀăng êgei kâo srăng bi mni kơ Ñu nanao.

Klei Mmuñ Hđăp 41:13

Mpŭ mni kơ Yêhôwa, Aê Diê phung Israel, mơ̆ng ênuk hlŏng lar kơ ênuk hlŏng lar. Amen leh anăn Amen.

Klei Bi Hriêng 17:6

Phung čô čĕ jing đuôn mtao kơ phung mduôn, leh anăn amĭ ama jing klei guh kơang kơ phung anak diñu.

Y-Đaniel 4:34

Ti knhal tuč hruê bi kčah anăn, kâo gơ̆ Y-Nebukatnetsar angưi ală phă adiê, leh anăn klei thâo săng lŏ wĭt kơ kâo, leh anăn kâo mpŭ mni kơ Pô Ti Dlông Hĭn. Kâo bi mni leh anăn mpŭ kơ Pô dôk hdĭp hlŏng lar. Kyuadah klei Ñu kiă kriê dôk hlŏng lar, leh anăn ƀuôn ala mtao Ñu dôk hlăm jih jang ênuk.

Êphêsô 1:3

Bi mni kơ Aê Diê, Ama Khua Yang drei Yêsu Krist, Pô brei leh kơ drei hlăm Krist djăp mta klei jăk jĭn myang ti jih anôk hlăm adiê.

I Y-Pêtrôs 1:3

Mpŭ mni kơ Aê Diê, Ama Khua Yang drei Yêsu Krist! Hŏng klei Ñu pap prŏng snăk Ñu bi kkiêng drei mrâo leh, brei drei mâo klei čang hmăng hdĭp kyua klei Yêsu Krist kbiă lŏ hdĭp mơ̆ng phung djiê.

I Y-Samuel 25:32

Y-Đawit lač kơ H'Abigêl, “Bi mni kơ Yêhôwa Aê Diê phung Israel, Pô tiŏ hriê leh ih hruê anei bi tuôm hŏng kâo!