I Bruă Mtao 1:40 - Klei Aê Diê Blŭ 2015

⁴⁰ Jih jang phung ƀuôn sang đĭ nao tui hlue ñu, ayŭ đĭng buôt leh anăn hơ̆k mơak snăk tơl lăn ala mgei hŏng ênai diñu.

I Bruă Mtao 1:40 Iomraidhean Croise

I Bruă Mtao 1:39

Ti anăn khua ngă yang Y-Sadôk mă ki êa ƀâo mngưi mơ̆ng sang čhiăm leh anăn trôč ti Y-Salômôn. Leh anăn diñu ayŭ ki, leh anăn jih jang phung ƀuôn sang ur lač, “Mtao Salômôn lă lar!”

I Bruă Mtao 1:41

Y-Adônija leh anăn jih jang phung ñu jak dôk mbĭt hŏng ñu hmư̆ klei anăn êjai digơ̆ bi ruê̆ klei huă mnăm anăn. Tơdah Y-Jôap hmư̆ ênai ki, ñu lač, “Ya ênai kâo hmư̆ anăn hlăm ƀuôn?”

I Bruă Mtao 1:45

Khua ngă yang Y-Sadôk leh anăn khua pô hưn êlâo Y-Nathan trôč leh êa ƀâo mngưi ti gơ̆ brei jing mtao ti ƀuôn Gihôn; leh anăn mơ̆ng anăn diñu đĭ nao hŏng klei hơ̆k mơak tơl ƀuôn mâo ênai hao hao. Anăn yơh jing ênai diih hmư̆ leh.

II Bruă Mtao 11:14

Leh anăn tơdah ñu dlăng, nĕ anei mtao dôk dơ̆ng giăm kmeh tui si klei bhiăn, phung khua kahan leh anăn phung ayŭ ki dôk ti djiêô mtao, leh anăn jih jang phung ƀuôn sang hlăm lăn čar hơ̆k mơak leh anăn ayŭ ki. H'Athalia hiêk čhiăm ao ñu leh anăn ur, “Klei lhiăr! Klei lhiăr yơh!”

II Bruă Mtao 11:20

Snăn jih jang phung ƀuôn sang hlăm čar hơ̆k mơak, leh anăn ƀuôn dôk êđăp ênang leh arăng bi mdjiê H'Athali hŏng đao gưm ti sang mtao.

Klei Mmuñ Hđăp 97:1

Yêhôwa kiă kriê, brei lăn ala mâo klei hơ̆k mơak; brei phung čar ti hang êa ksĭ mâo klei mơak.

Y-Đaniel 3:5

Tơdah diih hmư̆ asăp ki, asăp đĭng, asăp brô̆, đĭng buôt, đĭng kliă, leh anăn djăp mta klei mmuñ, brei diih buôn kŭp ƀô̆ leh anăn kkuh mpŭ kơ rup tuh hŏng mah mtao Nebukatnetsar mdơ̆ng leh.

Y-Sakari 9:9

Hơ̆k kdơ̆k êdi bĕ, Ơ Anak Mniê Ƀuôn Siôn! Ur driâo bĕ, Ơ anak mniê ƀuôn Yêrusalem! Nĕ anei, mtao ih hriê kơ ih, Ñu kpă ênô leh anăn mâo klei bi mtlaih, luă gŭ đĭ sa drei aseh dliê, sa drei êđai aseh dliê.

Y-Luk 19:37

Tơdah Yêsu giăm truh kơ ƀuôn Yêrusalem ti anôk trŭn čư̆ Ôliwơ, jih jang phung ƀĭng kna dơ̆ng hơ̆k mơak leh anăn mpŭ mni kơ Aê Diê hŏng asăp kraih kyua jih jang bruă myang diñu ƀuh leh.

I Y-Samuel 11:15

Snăn jih jang phung ƀuôn sang nao kơ ƀuôn Gilgal, leh anăn tinăn diñu mjing Y-Sôl mtao ti anăp Yêhôwa ti ƀuôn Gilgal. Tinăn diñu myơr mnơ̆ng ngă yang kơ klei êđăp ênang ti anăp Yêhôwa, tinăn Y-Sôl leh anăn jih jang êkei phung Israel hơ̆k mơak êdi.

I Y-Samuel 4:5

Tơdah hip klei bi mguôp Yêhôwa mŭt hlăm wăl, jih jang phung Israel ur driâo kraih ktang hŏng klei hơ̆k tơl mgei lăn ala.