I Bruă Mtao 1:13 - Klei Aê Diê Blŭ 2015

¹³ Nao mtam kơ Mtao Đawit leh anăn lač kơ ñu, ‘Ơ khua kâo mtao, amâo djŏ hĕ ih kat asei leh hŏng dĭng buăl mniê ih, lač, “Y-Salômôn anak êkei ih srăng kiă kriê čuê kâo, leh anăn ñu srăng dôk gŭ ti jhưng mtao kâo?” Snăn si ngă Y-Adônija jing hĕ mtao?’

I Bruă Mtao 1:13 Iomraidhean Croise

I Bruă Mtao 1:11

Hlăk anăn Y-Nathan lač kơ H'Batsêba amĭ Y-Salômôn, “Ih amâo tuôm hmư̆ hĕ kơ Y-Adônija anak êkei H'Hagit jing leh mtao, leh anăn khua drei Y-Đawit amâo thâo ôh klei anăn?

I Bruă Mtao 1:14

Êjai ih ăt dôk blŭ hŏng mtao, kâo msĕ mơh srăng mŭt êdei kơ ih leh anăn bi sĭt klei ih blŭ.”

I Bruă Mtao 1:17

Gơ̆ lač kơ ñu, “Ơ khua kâo, ih kat asei leh kơ dĭng buăl mniê ih hŏng Yêhôwa Aê Diê ih, lač, ‘Y-Salômôn anak êkei ih srăng kiă kriê čuê kâo, leh anăn ñu srăng dôk gŭ ti jhưng mtao kâo.’

I Bruă Mtao 1:24

Y-Nathan lač, “Ơ khua kâo mtao, ih tuôm lač mơ̆ ‘Y-Adônija srăng kiă kriê čuê kâo, leh anăn ñu srăng dôk gŭ ti jhưng mtao kâo’?

I Bruă Mtao 1:30

tui si kâo kat asei leh kơ ih hŏng Yêhôwa Aê Diê Israel, lač, ‘Y-Salômôn anak êkei ih srăng kiă kriê čuê kâo, leh anăn ñu srăng dôk gŭ ti jhưng mtao kâo hrô kâo;’ msĕ snăn kâo srăng ngă hruê anei.”

I Bruă Mtao 1:35

Leh anăn brei diih đĭ hriê tui hlue ñu, leh anăn ñu srăng hriê dôk gŭ ti jhưng mtao kâo; kyuadah ñu srăng jing mtao hrô kâo. Kâo čuăn leh kơ ñu brei jing khua kiă kriê phung Israel leh anăn phung Yuđa.”

I Bruă Mtao 1:48

Leh anăn mtao lač msĕ mơh, ‘Mpŭ mni kơ Yêhôwa Aê Diê phung Israel, Pô brei sa čô anak êkei kâo dôk gŭ ti jhưng mtao kâo hruê anei, ală kâo pô ƀuh klei anăn.’ ”

I Bruă Mtao 2:12

Snăn Y-Salômôn dôk gŭ ti jhưng mtao Y-Đawit ama ñu, leh anăn ƀuôn ala mtao ñu jing kjăp snăk.

I Klei Yăl Dliê 28:5

Leh anăn hlăm jih phung anak êkei kâo (kyuadah Yêhôwa brei leh kơ kâo lu čô anak êkei) ñu ruah leh Y-Salômôn anak êkei kâo brei dôk gŭ ti jhưng mtao ƀuôn ala mtao Yêhôwa kiă kriê phung Israel.

I Klei Yăl Dliê 29:23

Snăn Y-Salômôn dôk gŭ ti jhưng mtao Yêhôwa jing mtao čuê Y-Đawit ama ñu; leh anăn ñu đĭ kyar, leh anăn jih jang phung Israel gưt kơ ñu.

Y-Êsai 9:7

Amâo srăng mâo knhal ôh kơ klei đĭ kyar klei Ñu kiă kriê leh anăn klei êđăp ênang, ti jhưng mtao Y-Đawit leh anăn kơ ƀuôn ala mtao Ñu, čiăng bi kjăp leh anăn krơ̆ng gơ̆ hŏng klei djŏ leh anăn hŏng klei kpă ênô mơ̆ng hruê anăn nanao hlŏng lar. Klei hur har Yêhôwa kơ phung kahan srăng ngă sĭt klei anăn.

Y-Yêrêmi 33:21

snăn mơh arăng dưi gao klei Kâo bi mguôp hŏng Y-Đawit dĭng buăl Kâo tơl ñu amâo srăng mâo ôh sa čô anak êkei jing mtao kiă kriê ti jhưng mtao ñu, leh anăn dưi gao klei Kâo bi mguôp hŏng phung khua ngă yang Lêwi, phung mă bruă kơ Kâo.

Klei Mtô Mñă Klei Bhiăn 17:18

Tơdah ñu dôk gŭ ti jhưng mtao hlăm ƀuôn ala mtao ñu, brei ñu tui čih mơ̆ng hdruôm hră klei bhiăn phung khua ngă yang Lêwi kiă anei sa pŏk kơ ñu pô.