I Bruă Mtao 1:10 - Klei Aê Diê Blŭ 2015

¹⁰ Ƀiădah ñu amâo jak ôh Y-Nathan khua pô hưn êlâo, Y-Bênaya, phung kahan jhŏng ktang kăn jak Y-Salômôn adei ñu rei.

I Bruă Mtao 1:10 Iomraidhean Croise

II Y-Samuel 12:24

Leh anăn Y-Đawit bi juh mô̆ ñu H'Batsêba, mŭt hlăm adŭ gơ̆, leh anăn đih hŏng gơ̆. Gơ̆ kkiêng kơ sa čô anak êkei, leh anăn ñu bi anăn anak anăn Y-Salômôn. Yêhôwa khăp kơ hđeh anăn,

I Bruă Mtao 1:11

Hlăk anăn Y-Nathan lač kơ H'Batsêba amĭ Y-Salômôn, “Ih amâo tuôm hmư̆ hĕ kơ Y-Adônija anak êkei H'Hagit jing leh mtao, leh anăn khua drei Y-Đawit amâo thâo ôh klei anăn?

I Bruă Mtao 1:19

Ñu ngă yang leh hŏng êmô, êđai êmô êmŏng, leh anăn biăp lu snăk, leh anăn jak leh jih jang phung anak êkei mtao, Y-Abiathar khua ngă yang, leh anăn Y-Jôap khua kahan; ƀiădah ñu amâo jak ôh Y-Salômôn dĭng buăl ih.

I Bruă Mtao 1:26

Ƀiădah ñu amâo jak ôh kâo dĭng buăl ih, leh anăn khua ngă yang Y-Sadôk, leh anăn Y-Bênaya anak êkei Y-Jêhôida, leh anăn dĭng buăl ih Y-Salômôn.

I Bruă Mtao 1:8

Ƀiădah Y-Sadôk khua ngă yang, Y-Bênaya anak êkei Y-Jêhôida, Y-Nathan khua pô hưn êlâo, Y-Simei, Y-Rei, leh anăn phung kahan jhŏng ktang Y-Đawit amâo bi mguôp ôh hŏng Y-Adônija.

I Bruă Mtao 2:13

Leh anăn Y-Adônija anak êkei H'Hagit nao kơ H'Batsêba amĭ Y-Salômôn. Leh anăn H'Batsêba lač kơ ñu, “Ih hriê hŏng klei êđăp ênang mơ̆?” Ñu lač, “Hŏng klei êđăp ênang mơh.”

I Bruă Mtao 4:5

Y-Asaria anak êkei Y-Nathan jing khua kơ phung khua kahan, Y-Sabut anak êkei Y-Nathan jing khua kơiăng leh anăn mah jiăng mtao,