II Y-Samuel 4:8 - Klei Aê Diê Blŭ 2015

⁸ Diñu djă ba boh kŏ Y-Isbôset kơ Y-Đawit ti ƀuôn Hêbron. Leh anăn diñu lač kơ mtao, “Nĕ anei boh kŏ Y-Isbôset anak êkei Y-Sôl, roh ih, pô duah bi luč klei hdĭp ih. Yêhôwa rŭ leh ênua kơ khua hmei mtao hruê anei hŏng Y-Sôl leh anăn phung anak čô ñu.”

II Y-Samuel 4:8 Iomraidhean Croise

II Y-Samuel 18:19

Y-Ahimas anak êkei Y-Sadôk lač, “Brei kâo êran hưn kơ mtao klei Yêhôwa bi mtlaih leh ñu mơ̆ng klei dưi phung roh ñu.”

II Y-Samuel 18:31

Nĕ anei êkei Kus truh leh anăn lač, “Klei mrâo mrang jăk kơ khua kâo mtao! Kyuadah Yêhôwa bi mtlaih leh ih hruê anei mơ̆ng klei dưi jih jang phung kgŭ bi kdơ̆ng hŏng ih.”

II Y-Samuel 2:8

Y-Apner anak êkei Y-Ner, khua kơ phung kahan Y-Sôl, mă leh Y-Isbôset, anak êkei Y-Sôl, leh anăn atăt ba gơ̆ kơ ƀuôn Mahanaim;

II Y-Samuel 22:48

Aê Diê Pô rŭ brei ênua kơ kâo, leh anăn mdlưh phung ƀuôn sang ti gŭ kâo,

Klei Mmuñ Hđăp 71:24

Êlah kâo srăng hưn klei kpă ênô Ih jih hruê; kyuadah arăng bi hêñ leh phung duah ngă kơ kâo.

Y-Mathiơ 2:20

“Kgŭ bĕ, mă hđeh điêt leh anăn amĭ Gơ̆, leh anăn wĭt kơ čar Israel, kyuadah phung čiăng bi mdjiê hđeh điêt anăn djiê leh.”

Klei Bi Êdah 18:20

“Ơ adiê, hơ̆k mơak bĕ kyua ñu, Ơ phung doh jăk, phung khua ƀĭng kna, leh anăn phung khua pô hưn êlâo, kyuadah Aê Diê phat kđi ñu leh tui si bruă ñu ngă kơ diih!”

Klei Bi Êdah 6:10

Diñu ur kraih, “Ơ Khua Yang, Pô doh jăk leh anăn sĭt nik, dŭm boh sui tơl Ih srăng phat kđi leh anăn rŭ ênua êrah hmei ti phung dôk ti lăn ala?”

I Y-Samuel 18:11

Y-Sôl hră kju, dua blư̆, kyua ñu mĭn, “Kâo srăng pơ̆ng bi đuôm Y-Đawit hŏng mtih.” Ƀiădah Y-Đawit dêč đuĕ jih.

I Y-Samuel 19:1

Y-Sôl blŭ kơ Y-Jônathan anak êkei ñu leh anăn kơ jih jang phung dĭng buăl ñu brei digơ̆ bi mdjiê Y-Đawit. Ƀiădah Y-Jônathan, anak êkei Y-Sôl mâo klei khăp snăk kơ Y-Đawit.

I Y-Samuel 19:15

Leh anăn Y-Sôl tiŏ nao phung mnuih dlăng Y-Đawit, lač, “Kkung ba ñu hŏng jhưng ñu đih, čiăng kâo dưi bi mdjiê ñu.”

I Y-Samuel 20:1

Y-Đawit đuĕ mơ̆ng Naiôt giăm ƀuôn Rama, nao ti anăp Y-Jônathan leh anăn lač snei, “Ya klei kâo ngă leh? Ya klei soh kâo? Ya klei soh kâo ti anăp ală ama ih, tơl ñu duah bi mdjiê kâo?”

I Y-Samuel 23:15

Y-Đawit hmư̆ Y-Sôl duah čiăng bi luč klei hdĭp ñu. Y-Đawit dôk hlăm kdrăn tač Sip ti Hêres.

I Y-Samuel 24:4

Phung kahan Y-Đawit lač kơ ñu, “Nĕ anei hruê Yêhôwa lač leh kơ ih, ‘Nĕ anei Kâo srăng jao pô roh ih hlăm kngan ih, leh anăn ih srăng ngă kơ ñu tui si ih mĭn jăk.’ ” Leh anăn Y-Đawit kgŭ leh anăn tlĕ khăt kdrŭn ao jhung Y-Sôl.

I Y-Samuel 25:29

Tơdah phung mnuih kgŭ čiăng tiŏ ih leh anăn duah bi luč klei hdĭp ih, klei hdĭp khua kâo srăng bi mguôp mbĭt hŏng phung hdĭp Yêhôwa Aê Diê ih răng kriê, leh anăn ñu srăng hwiê klei hdĭp phung roh ih msĕ si mơ̆ng klĭt bhĭr boh tâo.