II Y-Samuel 4:2 - Klei Aê Diê Blŭ 2015

² Anak êkei Y-Sôl mâo dua čô khua kahan kơ dua êpul hiu mblah tlĕ; anăn sa čô jing Y-Bana leh anăn anăn pô mkăn jing Y-Rêčhap, phung anak êkei Y-Rimôn, sa čô Benjamin mơ̆ng ƀuôn Bêerôt (kyuadah arăng yap ƀuôn Bêerôt jing dŏ phung Benjamin;

II Y-Samuel 4:2 Iomraidhean Croise

II Y-Samuel 23:37

Y-Sêlek êkei Amôn, Y-Naharai mơ̆ng ƀuôn Bêrôt, pô djă mnơ̆ng bi blah Y-Jôap anak êkei Y-Sêruia,

II Y-Samuel 3:22

Hlăk anăn phung dĭng buăl Y-Đawit mbĭt hŏng Y-Jôap wĭt mơ̆ng klei bi blah leh anăn djă ba lu mnơ̆ng plah mă mbĭt hŏng diñu. Y-Apner amâo dôk mbĭt hŏng Y-Đawit ti ƀuôn Hêbron ôh, kyuadah Y-Đawit brei gơ̆ wĭt leh, leh anăn gơ̆ đuĕ nao leh hŏng klei êđăp ênang.

II Y-Samuel 4:5

Phung anak êkei Y-Rimôn ƀuôn Bêerôt, Y-Rêčhap leh anăn Y-Bana, dơ̆ng hiu leh anăn êjai mđiă ktang yang hruê diñu truh kơ sang Y-Isbôset êjai gơ̆ mdei yang hruê dơ̆ng.

II Y-Samuel 4:9

Ƀiădah Y-Đawit lŏ wĭt lač kơ Y-Rêčhap leh anăn Y-Bana ayŏng gơ̆, phung anak êkei Y-Rimôn ƀuôn Bêerôt, “Tui si Yêhôwa dôk hdĭp, Pô bi tui leh klei hdĭp kâo mơ̆ng jih klei dleh dlan,

II Bruă Mtao 5:2

Sa blư̆ phung Siri kbiă bi blah diñu mă ba sa čô mniê điêt mơ̆ng čar Israel, leh anăn gơ̆ mă bruă kơ mô̆ Y-Naaman.

II Bruă Mtao 6:23

Snăn gơ̆ mkra klei huă mnăm prŏng kơ diñu; leh anăn tơdah diñu ƀơ̆ng leh anăn mnăm, gơ̆ brei diñu wĭt, leh anăn diñu wĭt kơ khua diñu. Leh anăn phung Siri amâo lŏ hriê mŭt bi blah ôh hlăm čar Israel.

Y-Yôsuê 18:25

Gabaôn, Rama, Bêrôt,

Y-Yôsuê 18:26

Mispê, Čhêpira, Môsa,

Y-Yôsuê 9:17

Phung ƀuôn sang Israel đuĕ nao leh anăn truh ti ƀuôn diñu hruê tal tlâo. Anăn ƀuôn diñu ƀuôn Gabaôn, ƀuôn Čhêphira, ƀuôn Bêrôt, leh anăn ƀuôn Kiriat-Jêrim.