II Y-Samuel 3:3 - Klei Aê Diê Blŭ 2015

³ anak êkei tal dua jing Y-Čhilêap mơ̆ng H'Abigêl mô̆ ayang Y-Nabal mơ̆ng čư̆ Karmel; anak êkei tal tlâo jing Y-Apsalôm anak êkei H'Maka anak mniê Y-Talmai mtao čar Gêsur;

II Y-Samuel 3:3 Iomraidhean Croise

II Y-Samuel 13:1

Y-Apsalôm anak êkei Y-Đawit mâo sa čô adei mniê siam, anăn gơ̆ H'Tamar. Sui ƀiă tinăn Y-Amnôn anak êkei Y-Đawit khăp kơ gơ̆.

II Y-Samuel 14:23

Snăn Y-Jôap kgŭ nao ti čar Gêsur leh anăn atăt ba Y-Apsalôm kơ ƀuôn Yêrusalem.

II Y-Samuel 14:24

Ƀiădah mtao lač, “Brei ñu dôk mdê hlăm sang ñu pô; đăm brei ñu hriê ti anăp kâo ôh.” Snăn, Y-Apsalôm dôk mdê hlăm sang ñu pô, leh anăn amâo hriê ôh ti anăp mtao.

II Y-Samuel 14:32

Y-Apsalôm lŏ wĭt lač kơ Y-Jôap, “Nĕ anei, kâo mơĭt asăp blŭ kơ ih, ‘Hriê bĕ tinei čiăng kơ kâo dưi tiŏ ih nao kơ mtao brei êmuh, “Si ngă kâo kbiă hĕ mơ̆ng čar Gêsur? Jăk hĭn kâo ăt dôk tinăn.” Snăn ară anei, brei kâo nao ti anăp mtao; leh anăn tơdah mâo klei soh hlăm kâo, brei ñu bi mdjiê kâo.’ ”

II Y-Samuel 15:7

Tloh pă thŭn, Y-Apsalôm lač kơ mtao, “Kâo akâo kơ ih, brei kâo nao bi sĭt klei kâo ƀuăn leh kơ Yêhôwa ti ƀuôn Hêbron.

II Y-Samuel 15:8

Kyuadah dĭng buăl ih ngă leh klei ƀuăn êjai kâo dôk ti čar Gêsur hlăm čar Aram, lač, ‘Tơdah sĭt nik Yêhôwa srăng lŏ atăt kâo wĭt kơ ƀuôn Yêrusalem, hlăk anăn kâo srăng kkuh mpŭ kơ Yêhôwa ti ƀuôn Hêbron.’ ”

II Y-Samuel 18:33

Leh anăn mtao kdjăt ai tiê snăk, leh anăn đĭ hlăm adŭ ti dlông ƀăng jang leh anăn hia. Êjai ñu êbat ñu lač, “Ơ anak êkei kâo Y-Apsalôm, anak êkei kâo, anak êkei kâo Y-Apsalôm! Jăk hĭn kâo djiê leh hrô ih, Ơ Y-Apsalôm anak êkei kâo, anak êkei kâo!”

II Y-Samuel 2:2

Snăn Y-Đawit đĭ nao tinăn, leh anăn wăt dua čô mô̆ ñu mơh, H'Ahinôam mơ̆ng ƀuôn Jesrêel, leh anăn H'Abigêl mô̆ ayang Y-Nabal mơ̆ng čư̆ Karmel.

I Bruă Mtao 1:6

Ama ñu amâo tuôm bi ênguôt ñu ôh hŏng klei êmuh, “Si ngă ih ngă snei snăn lĕ?” Ñu jing sa čô êkei msĕ mơh kƀăt snăk. Arăng kkiêng kơ ñu êdei kơ Y-Apsalôm.

I Bruă Mtao 2:15

Ñu lač, “Ih thâo kơ ƀuôn ala mtao jing dŏ kâo, leh anăn jih jang phung Israel mĭndah kâo srăng kiă kriê; ƀiădah ƀuôn ala mtao arăng bi wir leh jing hĕ dŏ adei kâo, kyuadah jing dŏ ñu mơ̆ng Yêhôwa.

I Klei Yăl Dliê 3:1

Anei jing phung anak êkei Y-Đawit arăng kkiêng kơ ñu hlăm ƀuôn Hêbron: anak tal êlâo jing Y-Amnôn, ñu mâo gơ̆ hŏng H'Ahinôam mơ̆ng găp djuê Jesrêel; anak tal dua jing Y-Đaniel, ñu mâo gơ̆ hŏng H'Abigêl mniê mơ̆ng ƀuôn Karmel,

I Klei Yăl Dliê 3:2

anak tal tlâo Y-Apsalôm, amĭ gơ̆ jing H'Maka, anak mniê Y-Talmai, mtao čar Gêsur; anak tal pă Y-Adônija, amĭ gơ̆ jing H'Hagit;

Klei Mtô Mñă Klei Bhiăn 3:14

Y-Jar sa čô găp djuê Manasê mă jih kdriêk čar Argôp, čiăng lač ala čar Basan, truh ti knông phung Gêsurit leh anăn phung Makatit, leh anăn pia kơ ƀuôn đơ điêt hŏng anăn ñu pô, Hawôt-Jar msĕ si hruê anei).

Y-Yôsuê 13:13

Ƀiădah phung ƀuôn sang Israel amâo suôt ôh phung Gêsurit leh anăn phung Makatit; snăn phung Gêsurit leh anăn phung Makatit dôk mbĭt hŏng phung Israel hlŏng kơ hruê anei.

I Y-Samuel 25:3

Anăn êkei anăn Y-Nabal, leh anăn anăn mô̆ ñu H'Abigêl. Mniê anăn mâo klei thâo săng jăk leh anăn siam, ƀiădah êkei anăn jing khăng leh anăn ƀai. Ñu jing sa čô găp djuê Y-Kalep.

I Y-Samuel 25:42

Leh anăn H'Abigêl ruăt kgŭ, đĭ aseh dliê, leh anăn êma čô dĭng buăl mniê nao mbĭt hŏng ñu. Ñu tui hlue phung dĭng buăl Y-Đawit tiŏ nao, leh anăn jing mô̆ Y-Đawit.

I Y-Samuel 27:8

Y-Đawit leh anăn phung kahan ñu đĭ nao ngă kơ phung Gêsurit, phung Girsit, leh anăn phung Amalek; kyuadah phung anăn dôk hlăm čar mơ̆ng sui leh, dơ̆ng mơ̆ng kdrăn tač Sur truh ti čar Êjip.