II Bruă Mtao 9:7 - Klei Aê Diê Blŭ 2015

⁷ Brei ih bi rai hĕ sang Y-Ahap khua ih, čiăng kơ Kâo dưi rŭ ênua kơ H'Jêsêbel êrah phung dĭng buăl Kâo phung khua pô hưn êlâo, leh anăn êrah jih jang phung dĭng buăl Yêhôwa.

II Bruă Mtao 9:7 Iomraidhean Croise

I Bruă Mtao 18:4

leh anăn tơdah H'Jêsêbel bi mdjiê phung khua pô hưn êlâo Yêhôwa, Y-Apdia mă sa êtuh čô khua pô hưn êlâo leh anăn mdăp digơ̆ hlăm dua êpul êma pluh čô hlăm sa bĭt ƀăng čư̆, leh anăn čiêm digơ̆ hŏng kpŭng leh anăn êa).

I Bruă Mtao 21:15

Tơdah H'Jêsêbel hmư̆ kơ arăng bhĭr leh Y-Nabôt hŏng boh tâo leh anăn gơ̆ djiê leh, H'Jêsêbel lač kơ Y-Ahap, “Kgŭ bĕ, mă bha đang boh kriăk ƀâo Y-Nabôt êkei ƀuôn Jesrêel, dŏ gơ̆ hngah brei kơ ih bi mlih hŏng prăk, kyuadah Y-Nabôt amâo dôk hdĭp ôh, ñu djiê leh.”

I Bruă Mtao 21:21

‘Nĕ anei, Kâo srăng bi truh klei jhat kơ ih. Kâo srăng bi luč hĕ ih, leh anăn bi rai hĕ mơ̆ng sang Y-Ahap jih jang phung êkei, hlŭn amâodah êngiê, hlăm čar Israel;

I Bruă Mtao 21:25

Amâo tuôm mâo ôh sa čô msĕ si Y-Ahap čhĭ ñu pô čiăng ngă klei jhat ti anăp ală Yêhôwa, pô H'Jêsêbel mô̆ ñu mčhur leh.

II Bruă Mtao 10:10

Snăn brei diih thâo amâo srăng mâo ôh sa klei amâo srăng bi truh tui si klei Yêhôwa blŭ, klei anăn Yêhôwa blŭ leh djŏ kơ sang Y-Ahap; kyuadah Yêhôwa ngă leh klei Ñu blŭ leh hŏng dĭng buăl Ñu Y-Êli.”

II Bruă Mtao 10:11

Snăn Y-Jêhu bi mdjiê jih jang phung ăt dôk hlăm sang Y-Ahap hlăm ƀuôn Jesrêel, jih jang phung êkei hing ang, phung mah jiăng, phung khua ngă yang ñu, tơl amâo lŏ mâo sa čô ăt dôk kơ ñu ôh.

II Klei Yăl Dliê 22:7

Ƀiădah Aê Diê čuăn leh klei lĕ Y-Ahasia srăng truh hŏng klei ñu nao čhưn kơ Y-Jôram. Kyuadah tơdah ñu truh tinăn, ñu kbiă nao mbĭt hŏng Y-Jôram čiăng bi tuôm hŏng Y-Jêhu anak êkei Y-Nimsi, pô anei Yêhôwa trôč leh êa ƀâo mngưi brei bi rai sang Y-Ahap.

Y-Yêrêmi 26:5

amâo mđing ôh kơ klei dĭng buăl Kâo phung khua pô hưn êlâo blŭ Kâo tiŏ nao kơ diih lu blư̆, wăt tơdah diih amâo dôk hmư̆ ôh,

Y-Mathiơ 23:35

Snăn jih jang êrah phung kpă arăng tuh leh ti lăn ala srăng lĕ kơ diih, dơ̆ng mơ̆ng êrah Y-Aƀel pô ênuah truh kơ êrah Y-Sakari anak êkei Y-Baraki, pô diih bi mdjiê ti plah wah adŭ doh jăk leh anăn knưl ngă yang.

Hră Y-Pôl Mơĭt kơ Phung Rôm 12:19

Ơ phung kâo khăp, đăm rŭ ênua diih pô ôh, ƀiădah jao klei anăn kơ klei Aê Diê ngêñ. Kyuadah Klei Aê Diê Blŭ čih leh, “Klei rŭ ênua jing bruă kâo; kâo yơh srăng bi wĭt klei năng, Khua Yang lač.”

Hră Y-Pôl Mơĭt kơ Phung Rôm 13:4

Kyuadah khua kiă kriê jing dĭng buăl kơ Aê Diê čiăng ngă klei jăk kơ ih. Ƀiădah tơdah ih ngă klei jhat, huĭ bĕ: kyuadah ñu amâo djă đao gưm hơăi mang ôh. Kyuadah ñu jing dĭng buăl Aê Diê čiăng bi truh klei Aê Diê ngêñ kơ hlei pô ngă klei jhat.

Klei Mtô Mñă Klei Bhiăn 32:35

Kâo yơh srăng rŭ ênua, leh anăn bi kmhal, pioh kơ hruê jơ̆ng diñu srăng ksak; kyuadah hruê knap mñai diñu giăm leh, leh anăn klei phat kđi diñu truh djăl.”

Klei Mtô Mñă Klei Bhiăn 32:43

Hơ̆k mơak bĕ, Ơ phung găp djuê mnuih mbĭt hŏng phung ƀuôn sang Ñu, kyuadah Ñu srăng rŭ ênua êrah phung dĭng buăl Ñu, leh anăn rŭ ênua kơ phung roh Ñu, leh anăn ngă klei bhuah bi doh kơ ala čar Ñu, kơ phung ƀuôn sang Ñu.

Hêbrơ 10:30

Kyuadah drei thâo kral leh Pô lač snei, “Kâo srăng rŭ ênua. Kâo srăng phat kđi.” Leh anăn Ñu lŏ lač, “Khua Yang srăng phat kđi phung ƀuôn sang Ñu.”

Klei Bi Êdah 18:20

“Ơ adiê, hơ̆k mơak bĕ kyua ñu, Ơ phung doh jăk, phung khua ƀĭng kna, leh anăn phung khua pô hưn êlâo, kyuadah Aê Diê phat kđi ñu leh tui si bruă ñu ngă kơ diih!”

Klei Bi Êdah 19:2

kyuadah klei Ñu phat kđi jing sĭt leh anăn kpă; Ñu phat leh kđi mniê knhông prŏng, pô bi čhŏ lăn ala hŏng klei knhông ñu, leh anăn Aê Diê rŭ leh ênua kơ mniê knhông anăn kyua êrah phung dĭng buăl Ñu.”

Klei Bi Êdah 2:20

Ƀiădah anei klei Kâo mâo hŏng ih, ih jum sa čô mniê bi anăn H'Jêsabel. Ñu pia kơ ñu pô sa čô khua pô hưn êlâo mniê, leh anăn ñu mtô leh anăn mplư phung dĭng buăl Kâo ngă klei knhông leh anăn ƀơ̆ng čĭm arăng myơr leh kơ rup yang.