II Bruă Mtao 9:6 - Klei Aê Diê Blŭ 2015

⁶ Snăn Y-Jêhu kgŭ leh anăn mŭt hlăm sang; leh anăn êkei hlăk ai anăn hlĭng êa ƀâo mngưi ti boh kŏ gơ̆, leh anăn lač kơ gơ̆, “Snei klei Yêhôwa Aê Diê phung Israel lač, Kâo trôč êa ƀâo mngưi ti boh kŏ ih brei ih jing mtao kiă kriê phung Israel, phung ƀuôn sang Yêhôwa.

II Bruă Mtao 9:6 Iomraidhean Croise

II Klei Yăl Dliê 22:7

Ƀiădah Aê Diê čuăn leh klei lĕ Y-Ahasia srăng truh hŏng klei ñu nao čhưn kơ Y-Jôram. Kyuadah tơdah ñu truh tinăn, ñu kbiă nao mbĭt hŏng Y-Jôram čiăng bi tuôm hŏng Y-Jêhu anak êkei Y-Nimsi, pô anei Yêhôwa trôč leh êa ƀâo mngưi brei bi rai sang Y-Ahap.

II Bruă Mtao 9:3

Leh anăn mă giêt êa ƀâo mngưi, hlĭng ti boh kŏ ñu, leh anăn lač, ‘Snei klei Yêhôwa lač, Kâo trôč êa ƀâo mngưi kơ ih brei jing mtao kiă kriê phung Israel.’ Leh anăn pŏk bĕ ƀăng bhă leh anăn êran đuĕ, đăm lŏ dôk ôh.”

I Bruă Mtao 19:16

leh anăn brei ih trôč êa ƀâo mngưi kơ Y-Jêhu anak êkei Y-Nimsi brei jing mtao phung Israel; leh anăn brei ih trôč êa ƀâo mngưi kơ Y-Êlisê anak êkei Y-Saphat mơ̆ng ƀuôn Aƀel-Mêhôla jing khua pô hưn êlâo hrô anôk ih.

Y-Đaniel 4:32

Arăng srăng suôt ih mơ̆ng ti krah phung mnuih, leh anăn ih srăng dôk mbĭt hŏng hlô dliê; arăng srăng brei ih ƀơ̆ng rơ̆k msĕ si êmô êjai kjuh yan, tơl ih thâo săng Pô Ti Dlông Hĭn kiă kriê hlăm ƀuôn ala mtao mnuih leh anăn brei kơ hlei pô ñu čiăng.”

Y-Đaniel 4:17

Kđi anăn kbiă mơ̆ng phung gak, leh anăn klei mtă kbiă mơ̆ng klei phung doh jăk blŭ, čiăng kơ phung mnuih hdĭp dưi thâo kơ Pô Ti Dlông Hĭn kiă kriê hlăm ƀuôn ala mtao mnuih, leh anăn Ñu brei kơ hlei pô Ñu čiăng, leh anăn bi mđĭ mnuih hơăi mang hĭn brei kiă kriê.’

Y-Đaniel 2:21

Ñu bi mlih ênuk leh anăn yan; Ñu mdlưh leh anăn mjing phung mtao; Ñu brei klei thâo mĭn lu kơ phung thâo mĭn leh anăn klei thâo mĭn kơ phung mâo klei thâo săng.

Y-Êsai 45:1

“Snei Yêhôwa lač kơ pô Ñu trôč leh êa ƀâo mngưi, Kơ Y-Sirus, pô Kâo djă kngan hnuă, čiăng bi mŭt phung găp djuê kơ ñu, leh anăn kleh hĕ hdrăng kơiêng phung mtao, čiăng pŏk ƀăng bhă ti anăp ñu leh anăn arăng amâo srăng lŏ kđăl ôh ƀăng jang:

Klei Mmuñ Hđăp 75:6

Kyuadah klei bi mđĭ amâo kbiă hriê mơ̆ng ngŏ, mơ̆ng yŭ ôh, kăn djŏ mơ̆ng dhŭng rei.

Klei Mmuñ Hđăp 2:6

“Kâo mdơ̆ng leh Mtao Kâo ti dlông Siôn, čư̆ doh jăk Kâo.”

I Bruă Mtao 16:2

“Kyuadah Kâo mđĭ ih leh mơ̆ng ƀruih lăn leh anăn mjing ih leh khua kiă kriê phung ƀuôn sang Kâo Israel, leh anăn kyuadah ih êbat leh hlăm êlan Y-Jêrôbôam, leh anăn bi msoh leh phung ƀuôn sang Kâo Israel, mčhur Kâo ăl kơ klei soh digơ̆,

I Bruă Mtao 14:7

Nao bĕ hưn kơ Y-Jêrôbôam, ‘Snei Yêhôwa Aê Diê Israel lač: “Kyuadah Kâo mđĭ leh ih mơ̆ng krah phung ƀuôn sang leh anăn mjing leh ih khua kiă kriê kơ phung ƀuôn sang Kâo Israel,

I Bruă Mtao 10:9

Mpŭ mni kơ Yêhôwa Aê Diê ih, Pô mâo klei mơak hlăm ih leh anăn dưm ih ti jhưng mtao phung Israel! Kyuadah Yêhôwa khăp kơ phung Israel hlŏng lar, Ñu mjing ih leh mtao, čiăng kơ ih dưi ngă klei djŏ leh anăn klei kpă.”

I Bruă Mtao 3:8

Leh anăn dĭng buăl Ih dôk ti krah phung ƀuôn sang Ih ruah leh, sa phung ƀuôn sang êngŭm, amâo dưi yap ôh kyua lu đei.

I Bruă Mtao 1:34

leh anăn brei khua ngă yang Y-Sadôk leh anăn khua pô hưn êlâo Y-Nathan trôč êa ƀâo mngưi kơ ñu tinăn brei jing mtao kơ phung Israel. Leh anăn brei diih ayŭ ki leh anăn ur lač, ‘Mtao Salômôn lă lar!’

I Y-Samuel 2:7

Yêhôwa bi ƀun leh anăn bi mdrŏng; Ñu bi luă gŭ arăng leh anăn Ñu bi mđĭ arăng msĕ mơh.

I Y-Samuel 2:8

Ñu bi kơrŭ mnuih ƀun mơ̆ng ƀruih lăn; Ñu mdơ̆ng pô kƀah mơ̆ng kăm hbâo, čiăng brei digơ̆ dôk gŭ mbĭt hŏng phung khua leh anăn dôk gŭ hlăm anôk arăng mpŭ. Kyuadah atur lăn ala jing dŏ Yêhôwa, leh anăn ti dlông atur anăn Ñu mdơ̆ng leh lăn ala.

I Y-Samuel 10:1

Y-Samuel mă sa giêt êa ƀâo mngưi leh anăn hlĭng ti dlông boh kŏ Y-Sôl, čŭm ñu, leh anăn lač, “Amâo djŏ hĕ Yêhôwa trôč leh êa ƀâo mngưi ti ih čiăng brei ih jing mtao kiă kriê phung ƀuôn sang Ñu Israel? Ih srăng kiă kriê phung ƀuôn sang Yêhôwa leh anăn ih srăng bi mtlaih diñu mơ̆ng phung roh diñu jŭm dar. Anei srăng jing klei bi knăl kơ klei Yêhôwa trôč ih hŏng êa ƀâo mngưi brei ih jing mtao kiă kriê ngăn dưn Ñu.

II Bruă Mtao 9:5

Tơdah ñu truh, nĕ anei phung khua kahan dôk trông čhai. Ñu lač, “Ơ khua kahan, kâo mâo sa bruă čiăng ngă kơ ih.” Leh anăn Y-Jêhu lač, “Kơ hlei pô hlăm phung hmei lĕ?” Ñu lač, “Kơ ih yơh, Ơ khua kahan.”